شي جينپيڭ ب م ۇ الەمدىك ساياحات ۇيىمىنىڭ 22 - كەزەكتى جالپى جينالىسىنا قۇتتىقتاۋ ءسوزىن جولدادى

    شينحۋا اگەنتتىگىنىڭ 13 - قىركۇيەكتە چىڭدۋدان بەرگەن حابارى. ب م ۇ الەمدىك ساياحات ۇيىمىنىڭ 22 - كەزەكتى جالپى جينالىسى 13 - قىركۇيەكتە سىچۋان ولكەسىنىڭ چىڭدۋ قالاسىندا اشىلدى. مەملەكەت ءتوراعاسى شي جينپيڭ جينالىسقا قۇتتىقتاۋ ءسوزىن جولدادى.

    شي جينپيڭ مىنالاردى اتاپ كورسەتتى: ساياحات − تۇرلىشە ەلدەردىڭ، تۇرلىشە مادەنيەتتىڭ اۋىس - كۇيىس جاساسىپ، ءبىرىن - ءبىرى ۇلگى ەتۋدەگى ماڭىزدى ارناسى، ەكونوميكانى دامىتۋدىڭ، جۇمىسقا ورنالاسۋ ءورىسىن كەڭەيتۋدىڭ ءونىمدى شاراسى ءارى حالىقتىڭ تۇرمىس دەڭگەيىن وسىرەتىن ماڭىزدى كاسىپ.

    شي جينپيڭ مىنالاردى باسا دارىپتەدى: جۇڭگو ساياحات كاسىبىن دامىتۋعا باسا ءمان بەرەدى. ساياحات كاسىبىنىڭ جۇڭگونىڭ ەكونوميكاسىنا جانە جۇمىسقا ورنالاستىرۋىنا قوسقان جالپىلىق ۇلەس سالىستىرماسى %10تەن استى. الداعى 5 جىلدا جۇڭگودا شەتەلدەرگە شىعىپ ساياحاتتايتىندار 700 ميلليون ادامعا (رەت) جەتەدى. جۇڭگو ۇزاق تاريحقا، شۇعىلالى مادەنيەتكە يە، تابيعاتى كوركەم، سالت - ساناسى الۋان ءتۇرلى. ءار ەل ساياحاتشىلارىنىڭ جۇڭگوعا ساياحاتتاي كەلۋىن شىن ىقىلاسپەن قارسى الامىز. ب م ۇ الەمدىك ساياحات ۇيىمى دۇنيە ءجۇزىنىڭ ساياحات كاسىبىن ىلگەرىلەتۋ، حالىقارالىق ساياحات اۋىس - كۇيىسى مەن سەلبەستىگىن كۇشەيتۋ جاعىندا بەلسەندى رول ساۋلەلەندىرىپ وتىر. ءار ەلدىڭ وسى رەتكى جينالىستى وراي ەتىپ، دۇنيە ءجۇزى ساياحات ىستەرىنىڭ ونان دا زور دامۋىن بىرگە ىلگەرىلەتۋىن ءۇمىت ەتەمىن.

جاۋاپتى رەداكتور:سايراش تۇرارجان قىزى