قۇلجا اۋەجايىندا 1600 مۋ جەرگە لاۆاندۋلا ەگىلىپ، قۇستار الاستالدى

ۇشاق لاۆاندۋلا «جايىلعان» قۇلجا اۋەجايىنا قوندى (ماتەريالدى قۇلجا اۋەجايى قامداعان)

    «قۇستاردىڭ شابۋىلى» سالدارىنان ۇشاقتار اۋەجايعا قونا الماي، قايتىپ كەتىپ نەمەسە تەكسەرىپ، رمونتتاۋ ءجيى تۋىلىپ تۇراتىندىقتان، شينجياڭ قۇلجا اۋەجايى زور كولەمدەگى لاۆاندۋلا ەگىپ، قۇستاردى الاستادى، بۇل مەملەكەت بويىنشا تۇڭعىش بولىپ وتىر.

    12-قىركۇيەكتە، ءتىلشى قۇلجا اۋەجايىنان ۇعىسۋىنشا، قازىر قۇلجا اۋەجايىندا 1600 مۋ لاۆاندۋلا ەگىلىپ، مەملەكەت بويىنشا تۇڭعىش رەت ۇشۋ رايونىنداعى زور كولەمدە «سالىنعان» لاۆاندۋلا اۋەجايى بولىپ تابىلادى.

    قۇلجا اۋەجايى ىلە وزەنى اڭعارىنا ورنالاسىپ، 120 دان استام وزەن اڭعارى جانە 200 مىڭ سازدى جەر بار. ول جەردىڭ كليماتى ىلعالدى، جاۋىن-شاشىن مول بولعاندىقتان، قۇستار مەن جابايى حايۋاناتتار ءجيى قيمىلداپ تۇرادى. سونىمەن ءبىر ۋاقىتتا، قۇستاردىڭ ۇشاق قۇرىلىعىلارىنا سوعىلۋ ۋاقيعاسى ۇنەمى تۋىلىپ تۇرادى.

    قۇلجا قالاسى اۋەجايىنىڭ باس مەڭگەرۋشىسى گو شينحۋا تانىستىرىپ بىلاپ دەدى: قۇستاردىڭ ۇشقىش اسپاپتارىنا سوعىلۋى بۇرىننان بەرى اۋەجاي قۇرىلىعىلارىنىڭ اسپاپ حاۋىپسىزدىگىنە حاۋىپ ءتوندىرىپ كەلگەن ءبىر قيىن ماسەلە. 2008-جىلدان بەرى، قۇلجا اۋەجايىنىڭ ۇشۋ ورتاسى سازدىق جەر، اڭعارلى، كولشىك بويلارىندا شوپتەر مول بولۋ سىندى كۇردەلى. ءتىپتى سول اراداعى وسىمدىكتەردىڭ ءتۇرى 149، مەكەندەگەن قۇستاردىڭ ءتۇرى 130 بولعاندىقتان، اۋەجايدىڭ قۇستاردى الاستاپ، ساقتانۋ قىزمەتى ىرىقسىز كۇيگە ەنىپ، جاعداي بارىنشا قيىنداپ، ءداستۇرلى قۇستاردى الاستاۋ امالدارى بولعان «دىبىس، نۇر، توك، كولەڭكە» قاتارلى شارالاردىڭ ءونىمى بارىنشا تومەن بولعان.

    سونىمەن، 2008-جىلى، قۇلجا اۋەجايى باستاپ، وسىمدىك ەگىپ دارا سيپاتىندىق قۇس زوبالاڭىنان ساقتانىپ، الدىن-الۋ زەرتتەۋ قىزمەتىن سىناق رەتىندە الىپ بارىپ، الدىڭعى مەرزىمدەگى تەكسەرىپ-زەرتتەۋدى كەڭ كولەمدە ورىستەتىپ، سىناق رەتىندە ەگۋ نەگىزىندە، 2009-جىلى قاراشادا، ۇشۋ رايونى كوتەرىلۋ، قونۋ اۋماقتارىنىڭ سىرتىن قورشاعان توپىراق رايوندارىنىڭ 1000 مۋىنان استام جەرىنە لاۆاندۋلا ەگىپ، ۇزاق مەزگىلدىك قورعاۋ جانە باسقارۋ ارقىلى، قۇستاردى الاستاۋ قىزمەتى ناقتىلى ونىمدىلىككە جەتتى.

جاۋاپتى رەداكتور:سايراش تۇرارجان قىزى