27 – كەزەكتى جۇڭگو اقپارات سيلىعىن باعالاۋ ناتيجەسى 13-تامىز كۇنى جاريالاندى

    27 – كەزەكتى جۇڭگو اقپارات سيلىعىن العان تۋىندىلار بۇگىننەن باستاپ 26 – قىركۇيەككە دەيىن جۇڭگو تىلشىلەر قوعامىنىڭ تورابى سياقتى ورىنداردا جاريالانادى. وسىنىڭ الدىندا، ياعني 22 – تامىزدان 27 – تامىزعا دەيىن جۇڭحۋا مەملەكەتتىك اقپاراتشىلار قوعامى (قىسقاشا «جۇڭگو تىلشىلەر قوعامى» دەلىنەدى) ۇيىمداستىرعان 27 - كەزەكتى جۇڭگو اقپارات سيلىعىن باعالاۋ جينالىسى بەيجيڭدە وتكىزىلدى. جينالىستا جۇڭگو اقپارات سيلىعىن العان 300 تۋىندى سارالانىپ شىقتى، مۇنىڭ ىشىندە 4 تۋىندى ەرەكشە سيلىققا، 52 تۋىندى 1 - دارەجەلى سيلىققا، 92 تۋىندى 2 - دارەجەلى سيلىققا، 152 تۋىندى 3 - دارەجەلى سيلىققا يە بولدى.

    «جۇڭگو اقپارات سيلىعىن سارالاۋ ادىسىندەگى» بەلگىلەمەگە ساي، وسى كەزەكتە سيلانعان تۋىندىلار، «سارالاۋ ەرەجەسى» جانە باعالاۋ القاسىنىڭ ەسىمدىگى شينحۋا تورابىندا، جۇڭگو تىلشىلەر قوعامى تورابىندا (جۇڭحۋا اقپارات، مەديا تورابىندا) جانە «جۇڭگو اقپارات – باسپا ءسوز، راديو گازەتىندە» جاريالانادى، قوعامنىڭ ءار سالاسىنداعىلاردىڭ باقىلاپ، سىن – پىكىر ايتۋىن قارسى الامىز.

    جاريالاۋ ۋاقىتى 2017 – جىلى 12 – قىركۇيەك 12 ساعاتتان 26 – قىركۇيەك 12 ساعاتقا دەيىن. وسى مەزگىلدە قوعامنىڭ ءار سالاسىنداعىلاردىڭ تەلەفون، فاكس، حات نەمەسە ەلەكتروندى جولداما ارقىلى پىكىر بىلدىرۋىنە بولادى. جۇڭگو تىلشىلەر قوعامىنىڭ سيلىق باعالاۋ كەڭسەسى جولدانعان پىكىردى مۇقيات ءبىر جاقتى ەتەدى، «سارالاۋ ادىسىندەگى» بەلگىلەمە بويىنشا قاتىستى اشكەرەلەۋ ماتەريالىن تەكسەرەدى ءارى ءبىر جاقتى ەتۋ پىكىرىن ورتاعا قويىپ، باعالاۋ القاسىنىڭ مەڭگەرۋشىلەر جيىنىندا شەشىم قابىلداۋعا جولدايدى.

جاۋاپتى رەداكتور:سايراش تۇرارجان قىزى