2020 – جىلعا بارعاندا بۇكىل ەل كولەمىندە ەتيل سپيرتتى بەنزين جالپىلاستىرىلادى

    جۇڭگو داۋىسى «حابارلار جانە گازەتتەردەن ءۇزىندى» پروگرامماسىنىڭ حابارىنا قاراعاندا، مەملەكەتتىك دامۋ جانە رەفورما كوميتەتى، مەملەكەتتىك ەنەرگيا مەكەمەسى، قازىنا مينيسترلىگى قاتارلى 15 تاراۋ تاياۋدا «بيولوگيالىق جانار زاتتى ەتيل سپيرتى ءوندىرىسىن كەڭەيتۋ جانە اۆتوموبيلگە ەتيل سپيرتتى بەنزيدى پايدالانۋدى جالپىلاستىرۋ جونىندەگى اتقارۋ جوباسىن» بىرگە باسىپ تاراتقان. جوباعا ساي، 2020 – جىلعا بارعاندا بۇكىل ەلىمىز كولەمىندە اۆتوموبيلگە ەتيل سپيرتتى بەنزيدى پايدالانۋدى جالپىلاستىرۋ نەگىزىنەن بۇكىلدەي جۇزەگە اسىرىلادى ەكەن.

    ەتيل سپيرتتى جانار زات – ورتاعا جاراسىمدى بيو ەنەرگيا بولىپ، ەتيل سپيرتتى جانار زاتتى پايدالانعاندا، اۆتوموبيلدەن ىعىستىرىلاتىن كەرەكسىز گازدىڭ قۇرامىنداعى كومىر قىشقىل گازىن، ميكرو تۇيىرشىك زاتتاردى جانە باسقادا زياندى زاتتاردى ءونىمدى ازايتىپ، سول ارقىلى اۋا ساپاسىن جاقسارتۋعا بولادى. مۇناي ىستەتۋى وراسان زور الىپ ءبىر ەل جونىنەن العاندا، ەتيل سپيرتتى بەنزيننىڭ پايدالانۋى سارىپ بولاتىن ءبىر ءبولىم مۇنايدىڭ ورنىن الۋدا بولسىن، ەنەرگيا حاۋىپسىزدىگى جونىنەن بولسىن وتە ماڭىزدى ورىندا تۇرادى. ەڭ ماڭىزدىسى، مەملەكەتتىڭ استىق بازارىن تىزگىندەۋ قۋاتىن جوعارىلاتۋعا بولادى.

    جۇڭگو حالىقارالىق ينجەنەريادان كەڭەس بەرۋ سەرىكتىگى مۇناي – حيميا، جەڭىل ونەركاسىپ جانە توقىماشىلىق ءبولىمىنىڭ ورىنباسار مەڭگەرۋشىسى لى يۋحۋا بىلاي دەدى: مەملەكەت ستراتەگياسى قاجەت ەتكەندە مەرزىمىنەن، ولشەمىنەن اسىپ كەتكەن استىقتى وندىرگىش كۇشكە اينالدىرۋ جەدەلدەتىلەدى، ەگەر قامداۋ مەن قاجەتسىنۋدە شۇعىل جاعداي بايقالسا، وندا مانيوكتى كراحمال شيكىزاتىنان ەتيل سپيرتتى جانار زات ءوندىرىپ، تاماشا بولعان مەڭگەرۋ ءتاسىلى قالىپتاستىرىلادى.سونىمەن بىرگە، بيو جانار زاتتى ەتيل سپيرتى ءوندىرىسى مەرزىمىنەن، ولشەمىنەن اسۋ سىندى استىقتى ءبىر جاقتى ەتۋدىڭ ءونىمدى جولى. قازىرگە دەيىن، بۇكىل ەل بويىنشا 11 ولكە، اۆتونوميالى رايون ەتيل سپيرتتى بەنزين سىناق ءتۇيىنىن جالپىلاستىرىپ، ەتيل سپيرتتى بەنزيننىڭ تۇتىنۋ سالىستىرماسى ۇقساس مەزگىلدە بۇكىل ەل بويىنشا تۇتىنىلعان بەنزين جالپى مولشەرىنىڭ 5/1 ىن يەلەدى. 2020 – جىلعا بارعاندا ەلىمىزدىڭ بيو جانار زاتتى ەتيل سپيرتىنىڭ جىلدىق ىستەتىلۋ مولشەرى 10 ميلليون تونناعا جەتكىزىلەدى. «اتقارۋ جوباسىنىڭ» پروگرامماسىنا ساي، ۋاقىتى كەلگەندە ەتيل سپيرتتى بەنزيننىڭ پايدالانۋى نەگىزىنەن بۇكىل ەلدى قامتيتىن بولادى.

جاۋاپتى رەداكتور:سايراش تۇرارجان قىزى