جاستار مەن ورەندەردەگى ومىرتقانىڭ ءبىر جاعىنا قيسايۋىنا نەمقۇرايدى قاراۋعا بولمايدى

    بيىل مەن ەمدەۋ ماماندارىنىڭ لياۋنيڭنىڭ باتىس وڭىرىندەگى قالا، اۋىلداردىڭ ءبىر ءبولىم باستاۋىش، ورتا مەكتەپتەرىندە ومىرتقانىڭ ءبىر جاعىنا قيسايۋىن ۇلگى الىپ تەكسەرۋ الەۋمەتتىك قيمىلىنا قاتىناستىم. ۇلگى الىپ تەكسەرۋدە ءمالىم بولۋىنشا، لياۋنيڭنىڭ باتىس وڭىرىندەگى جاستار مەن ورەندەردەگى ومىرتقانىڭ ءبىر جاعىنا قيسايۋ شاماسى %15 – 10 كە جەتكەن، ومىرتقا قالىپسىزدىعى شاماسى %44 كە جەتكەن. ۇعىسۋعا قاراعاندا، جاستار مەن ورەندەردەگى ومىرتقانىڭ ءبىر جاعىنا قيسايۋ ءجايتى ەلىمىزدىڭ جەر – جەرىندە سالماقتى دارەجەدە بولىپ كەلەدى ەكەن، قاتىستى تاراۋلاردىڭ ساناعىنا قاراعاندا، ەل بويىنشا جاستار مەن ورەندەردەن جالپى 10 ميلليوننان استام ادامنىڭ ومىرتقاسى ءبىر جاعىنا قيسايعان. بۇعان قاتىستى تاراۋلار ايرىقشا نازار اۋدارۋعا ءتيىس.

    نەندەي سەبەپتەن جاستار مەن ورەندەردەگى ومىرتقانىڭ ءبىر جاعىنا قيسايۋ ءجايتى وسىنشالىق كوپ تۋىلىپ وتىر؟ سۋبيەكتيۆتىك فاكتور بويىنشا قاراعاندا، بىرىنشىدەن، جاستار مەن ورەندەر ۇزاق ۋاقىت دۇرىس وتىرمايدى، ەڭكەيىپ قولفونمەن وينايدى، كومپيۋتەر كورەدى، قىرىنداپ وتىرىپ تاپسىرما جازادى، جالاڭ باۋلى سومكا اسىنادى، وسىنداي ناشار وتىرىس پەن ادەتتەن پايدا بولادى؛ ەكىنشىدەن، وقۋشىلاردىڭ مەكتەپتەگى ساباق ارالىق قيمىلى از، دەنەتاربيەلىك ارەكەتى بەلسەندى ەمەس، تاپسىرما اۋىرتپالىعى سالىستىرمالى اۋىر، وسىلايشا بۇلشىق ەتىنىڭ، سۇيەگىنىڭ ءوسۋى قالىپسىز بولادى؛ ۇشىنشىدەن، ءبىرقىدىرۋ وقۋشىنىڭ تۇرمىسى قاعيدالى، تاماقتانۋى عىلمي ەمەس، گورمونى بۇزىلعان؛ تورتىنشىدەن، تۋما تۇقىم قۋالاۋ فاكتورى مەن پسيحيكالىق فاكتورلار دا بەلگىلى سالىستىرمانى قۇرايدى. مەكتەپتەردىڭ، اتا – انالاردىڭ ومىرتقانىڭ ءبىر جاعىنا قيسايۋىنا قاتىستى ءبىلىمى، اسىرەسە قاتەرى جونىندەگى تانىمى جەتەرسىز. سوندىقتان مىناداي ۇسىنىس قويامىز:

    ءار دارەجەلى ۇكىمەتتىڭ وقۋ – اعارتۋ، دەنساۋلىق باسقارۋ تاراۋلارى مەرزىم بويىنشا باستاۋىش، ورتا مەكتەپتەردەگى وقۋشىلاردىڭ ومىرتقا ءبىر جاعىنا قيسايۋ جايتىنە قاراتا ارناۋلى ۇلگى الىپ تەكسەرۋ جۇرگىزۋى، كۇدىكتى جاعداي بايقالسا، پسيحيكالىق جاقتان جەتەكشىلىك ەتىپ، ەمدەۋ ۇسىنىسىن ورتاعا قويۋى، ومىرتقانىڭ ءبىر جاعىنا قيسايۋىن تەكسەرۋدى باستاۋىش، ورتا مەكتەپ وقۋشىلارىنىڭ دەنساۋلىق تەكسەرۋ تۇرىنە ەنگىزۋى، ارحيۆكە الىپ باسقارۋ شاراسىن قولدانۋى كەرەك.

جاۋاپتى رەداكتور:سايراش تۇرارجان قىزى