جەردى وتكىزىپ الۋ سىندى ءۇش ءتۇرلى سىناق ءتۇيىن رەفورماسىنىڭ ۋاقىتى ۇزارتىلدى

    كوللەكتيۆتىك جەرگە مايعا بەرىلەتىن تۇرعىن ءۇي سالۋ سىناق ءتۇيىنى باستالدى

    «ەكونوميكا پايدالانۋ گازەتى» ءتىلشىسىنىڭ مەملەكەت جەر بايلىعى مينيسترلىگى جانە كوپ ساندى جەرلەردەن ۇعىسۋىنا قاراعاندا، ورتالىق كوميتەتتىڭ بەكىتۋىمەن، بيىل جىل سوڭىندا اياقتالۋى بەلگىلەنگەن اۋىل - قىستاق جەرىن وتكىزىپ الۋ ءتۇزىمى، اۋىل - قىستاقتاردىڭ كوللەكتيۆتىك تيجارات سيپاتىندىق قۇرىلىسقا پايدالاناتىن جەرىن بازارعا سالۋ، اۋىل - قىستاق قورا - جايلىق جەر ءتۇزىمى سىندى ءۇش ءتۇرلى رەفورما سىناق ءتۇيىنى قىزمەتىنىڭ ۋاقىتى 2018 - جىلدىڭ سوڭىنا دەيىن ۇزارتىلعان. ال تۇرلىشە رەفورمانىڭ ىقپالداستىعى مەن كوللەكتيۆتىك جەرگە مايعا بەرىلەتىن تۇرعىن ءۇي سالۋدى جۇزەگە اسىرۋ ءۇشىن، رەفورمانىڭ جاڭا سىناق ءتۇيىنى الدەقاشان اتتانىسقا كەلتىرىلگەن.

    ماماندار بىلاي دەستى: ەلىمىزدىڭ اۋىل - قىستاق جەر ءتۇزىمى رەفورماسى كەزەڭدىك قورىتىندىلاۋدىڭ جانە كەلەسى كەزەڭدىك سىناق ءتۇيىنىن اتتانىسقا كەلتىرۋدىڭ جاڭا مەزگىلىنە ەنىپ بولدى، بولاشاقتا تۇرلىشە رەفورمانىڭ ىقپالداستىعى ارقىلى ىلگەرىلەتۋ نەگىزگى جەلىگە اينالىپ، رەفورمالىق شارالاردىڭ سۇرىپتالىپ جوعارى كوتەرىلۋى ءتۇزىم سيپاتتى ورنالاستىرۋ جانە باياندى مەحانيزم، مەملەكەت، كوللەكتيۆ، جەكەلەردەگى جەردىڭ ارتقان قۇن پايداسىن ءبولۋ مەحانيزمىنە تەڭ ءمان بەرۋ - رەفورمادا ءالى دە نازار اۋداراتىن وزەكتى ماسەلە بولادى.

    مەملەكەت جەر بايلىعى مينيسترلىگى تاياۋدان بەرى اۋىل - قىستاقتارداعى ءۇش ءتۇرلى جەر ءتۇزىمى رەفورماسىن توڭىرەكتەپ، ءارقايسى جەرلەردە اڭگىمە ماجىلىستەرىن ۇزبەي اشتى. 6 - قىركۇيەك شانشي ولكەسىنىڭ شي - ان قالاسىندا اشىلعان اڭگىمە ماجىلىسىندە، مەملەكەت جەر بايلىعى مينيسترلىگى پارتگرۋپپاسىنىڭ مۇشەسى، ورىنباسار مينيستر، مەملەكەت جەر بايلىعىنىڭ ورىنباسار باس باقىلاۋشىسى جاڭ دىشۋاڭ بىلاي دەدى: اۋىل - قىستاق جەر ءتۇزىمى سىندى ءۇش ءتۇرلى سىناق ءتۇيىن رەفورماسى اتقارىلعالى بەرى، كەيبىر سىناق ءتۇيىنى وڭىرلەرىنىڭ ىزدەنىپ قالىپتاستىرعان ءتۇزىم جەتىستىكتەرى «جەر باسقارۋ زاڭىنىڭ» وزگەرىس ەنگىزۋ نۇسقاسىنا كىرگىزىلدى. تاياۋدا ورتالىق كوميتەت سىناق ءتۇيىن قىزمەتىن 2018 - جىلدىڭ سوڭىنا دەيىن ۇزارتۋعا بەكىتۋ سالدى، ءارقايسى جەرلەر ءۇش ءتۇرلى سىناق تۇيىنىمەن قاتىستى رەفورمانى، جەرگىلىكتى ورىنداعى ەكونوميكالىق، قوعامدىق دامۋدى ءبىر تۇتاس ورنالاستىرىپ، رەفورما سىناق ءتۇيىنىن جاڭا ءبىر كەزەڭگە زور كۇشپەن كوتەردى.

    ال 5 - قىركۇيەكتە شاندۇڭ ولكەسىنىڭ جينان قالاسىندا اشىلعان اڭگىمە ماجىلىسىندە، مەملەكەت جەر بايلىعى مينيسترلىگىنىڭ ورىنباسار مينيسترى ساۋ ۋيشيڭ جەردى وتكىزىپ الۋ ءتۇزىمى رەفورماسى سىناق ءتۇيىنىنىڭ قازىرگە دەيىن ورىستەتىلۋ جاعدايىنان ارناۋلى قورىتىندى جاسادى.

جاۋاپتى رەداكتور:سايراش تۇرارجان قىزى