قازىنا مينيسترلىگى: تامىزدا قازىنا شىعىسى %2.9 ارتتى، كىرىسى %7.2 ارتتى

    قازىنا مينيسترلىگى بۇگىن 2017 - جىلى تامىزداعى قازىنا كىرىس - شىعىس جاعدايىن جاريالادى، تامىزدا ەل بويىنشا ادەتتەگى الەۋمەتتىك مەجە ەسەپ كىرىسى ءبىر تريلليون 65 ميلليارد 200 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %7.2 ارتقان، ەل بويىنشا ادەتتەگى الەۋمەتتىك مەجە ەسەپ شىعىسى ءبىر تريلليون 464 ميلليارد 700 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %2.9 ارتقان.

    تامىزدا ەل بويىنشا ادەتتەگى الەۋمەتتىك مەجە ەسەپ كىرىسى ءبىر تريلليون 65 ميلليارد 200 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %7.2 ارتقان. مۇنىڭ ىشىندە ورتالىقتىڭ ادەتتەگى الەۋمەتتىك مەجە ەسەپ كىرىسى 510 ميلليارد 600 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %6.2 ارتقان؛ جەرگىلىكتى ورىنداردىڭ ادەتتەگى الەۋمەتتىك مەجە ەسەپ كىرىسى 554 ميلليارد 600 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %8.2 ارتقان. ەل بويىنشا ادەتتەگى الەۋمەتتىك مەجە ەسەپ كىرىسىندەگى باجى كىرىسى 890 ميلليارد 700 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %16 ارتقان، ارتۋ شاماسى الدىڭعى جارتى جىلداعى جانە شىلدەدەگى ارتۋ شاماسىنان جوعارىلاعان، باستىسى ەكونوميكالىق اينالىستىڭ ورنىقتى جاقسارۋى، باعانىڭ جوعارىلاۋى سياقتى فاكتورلار باستاماشى بولعان؛ باجىعا جاتپايتىن كىرىس 174 ميلليارد 500 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %22.5 تومەندەگەن، باستىسى وتكەن جىلدىڭ وسى ايىنداعى نەگىزدىك سان ءبىرشاما جوعارى بولعان.

    تامىزدا ەل بويىنشا ادەتتەگى الەۋمەتتىك مەجە ەسەپ شىعىسى ءبىر تريلليون 464 ميلليارد 700 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %2.9 ارتقان. مۇنىڭ ىشىندە ورتالىقتىڭ ادەتتەگى الەۋمەتتىك مەجە ەسەپ شىعىسى 228 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %5.7 ارتقان؛ جەرگىلىكتى ورىنداردىڭ ادەتتەگى الەۋمەتتىك مەجە ەسەپ شىعىسى ءبىر تريلليون 235 ميلليارد 800 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %2.4 ارتقان. شىعىستىڭ ارتۋى ءبىرشاما تومەن بولعان، باستىسى شىعىستىڭ اياق الىسى تەزدەتىلىپ، ءىشىنارا شىعىس الدىڭعى مەزگىلدە بەينەلەنگەن.

    قاڭتاردان تامىزعا دەيىن جيناقتاعاندا، ەل بويىنشا ۇكىمەتتىك قور مەجە ەسەپ شىعىسى 3 تريلليون 26 ميلليارد 800 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %29.4 ارتقان. ورتالىق جانە جەرگىلىكتى ورىندار بويىنشا قاراعاندا، ورتالىقتىڭ ۇكىمەتتىك قور مەجە ەسەپ شىعىسى 121 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %1.5 تومەندەگەن؛ جەرگىلىكتى ورىنداردىڭ ۇكىمەتتىك قور مەجە ەسەبىمەن قاتىستى شىعىسى 2 تريلليون 904 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %31.1 ارتقان، مۇنىڭ ىشىندە مەملەكەت مەنشىگىندەگى جەردەن پايدالانۋ ۇقىعىن وتكەرمەلەۋ كىرىسىمەن قاتىستى شىعىس 2 تريلليون 586 ميلليارد 100 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %33.3 ارتقان.

جاۋاپتى رەداكتور:سايراش تۇرارجان قىزى