قىزمەت اترەتىنىڭ كومەگى بۇقارالاردىڭ جۇرەگىندە

    ەرگۇل مۇقاتاي قىزى حابارلايدى. نەشە كۇننەن بەرى، شاۋەشەك قالالىق بوزداق ەگىس الاڭى حۋاڭگۇڭ قىستاعىنداعى تۇرعىندار ارت-ارتىنان شىلاندى تالاسا-تارماسا ساتىپ الىپ جاتتى، بۇل نە جاعداي بولعانى؟ اسىلىندە قىستاق تۇرعىنى جاڭ ۋيشين 2016-جىلى حوتان قالاسىنان شىلان باقشاسىن كوتەرمەگە الىپ، سول جىلى شىلاننان مول ءونىم الادى. شىلاننان مول ءونىم الىنعاندىعىن كورىپ قۋانىشى قوينىنا سيمايدى، ويلاماعان جەردەن اسىلىندەگى شىلاندى ساتىپ الماقشى بولعان ساۋداگەر وبيەكتيۆ سەبەپتەرگە بايلانىستى شىلاندى ساتىپ الۋعا كەلە المايدى، تاۋ بولىپ ۇيىلگەن شىلانداردى كورىپ، جاڭ ۋيشين اڭتارىلىپ تۇرىپ قالادى.

    قىركۇيەك ايىنىڭ باسىندا، جاڭ ۋيشين دەنساۋلىعى جايسىزدانعاندىعىن سەزىنىپ، شيپاحاناعا بارىپ تەكسەرىلەدى، ناتيجەدە باۋىرى قاتايعان دەپ دياگنوز قويىلادى، بۇنى ەستىگەن ول ءتىپتى دە قينالادى. حۋاڭگۇڭ قىستاعىنىڭ قىستاق ەكى القاسى جانە شاۋەشەك قالالىق سوت مەكەمەسىنىڭ قىستاقتا تۇراتىن قىزمەت اترەتى بۇل جاعدايدان حابار تاپقاننان كەيىن، دەرەۋ وعان كومەكتەسۋدىڭ جولىن قاراستىرىپ، دۇيسەنبى كۇنگى تۋ شىعارۋ كەزىنەن پايدالانىپ ءارى ءۇنحات تەكشەسىندە قىستاق تۇرعىندارىن ونىڭ شىلانىن ساتىپ الۋعا ۇندەيدى.

    كوپ جاقتىلى قۇلشىنۋ ارقىلى جاڭ ۋيشيننىڭ شىلانىنىڭ ءوتىمى وتە جاقسى بولادى. اسىلىندە كيلوگرامى 20 يۋاندىق شىلانداردى قىستاق تۇرعىندارى ءبىر قالتاسىن 100 يۋاننان، كەيبىرى 50 يۋاننان الىپ جاتتى. كەيبىر قىستاق تۇرعىندارى وزدەرى ىزدەپ كەلىپ اقشالارىن تابىستاپ جاتتى، كەيبىر قىستاق تۇرعىندارىنىڭ ءوز وتباسىندا قيىنىشلىق اۋىر بولسا دا 50 يۋان اقشالارىن الا كەلىپ، ونىڭ ەمدەلۋىنە كومەكتەسە كەلگەندىكتەرىن ايتادى، قىسقا عانا بىرنەشە كۇننىڭ ىشىندە حۋاڭگۇڭ قىستاعىنىڭ تۇرعىندارى وزدىكتەرىنەن ۇيىسىپ، ونىڭ 30 كيلوگرام شىلانىن ساتىپ الادى ءارى ونىڭ ەمدەلۋىنە 2200 يۋان اقشا جينالادى. قازىر مەيىر باعىشتاپ ساتىپ الۋ قيمىلى جالعاستى جۇرىلۋدە.

    جاراسىمدى قوعامدا مەيىر باعىشتاۋدىڭ شەگى جوق، ءبىز بارلىعىمىز قول ۇستاسىپ، ءبىر نيەت، ءبىر تىلەكتە بولا وتىرىپ، قيىن-قىسپاقتان قۇتىلدىرۋعا ازعانتاي كومەك قولىمىزدى سوزساق، ءبىر ءۇيلى وتباسىنا تىرەك بولارىمىز داۋسىز.

ءتىلشىنىڭ قىزمەت ورنى: شاۋەشەك حالىق راديوسى

جاۋاپتى رەداكتور:سايراش تۇرارجان قىزى