ەگىنشى-مالشىلار ءوزارا تاجىريبە ورتاقتاستىردى

    سەرىك يمانقان ۇلى حابارلايدى. ەگىن، مال شارۋاشىلىق قىستاقتارىنىڭ ورتاق دامۋعا ۇمتىلىپ، كاسىپ كوزىن اشۋ، تىڭ كاسىپتىڭ نەگىزىن سالۋ، ەگىن شارۋاشىلىعى مەن باعىم شارۋاشىلىعىنىڭ ءوزارا ىرىس-جۇعىسىن ارتتىرا ءتۇسۋ ءۇشىن، قىركۇيەك ايىنىڭ باسىندا بۋرىلتوعاي اۋدانىنىڭ ءىرى مال شارۋاشىلىق قالاشىعىنىڭ تاڭبالى قىستاعىنداعى قىزمەت اترەتى كورشى اۋىل كوكاعاش اۋىلى جولتۇسكەن قىستاعىنداعى ادال ەڭبەك، اشتى تەرىمەن ەگىن شارۋاشىلىق جاعىنداعى مايتالمان ەگىنشى رىن شينيۋاندى تاڭبالى قىستاعىنا ارنايى شاقىردى.

    قازاق ءتىلىن جاتتىق تا ىركىلمەي سويلەيتىن رىن شينيۋان قاراپايىم ۇعىنىقتى مازمۇنمەن، ءىس جۇزىندىككە جاناسىمدى تاسىلمەن تاڭبالى قىستاعىنداعى مالشىلارعا ەگىن شارۋاشىلىق داقىلدارىن ەگۋ تەحنيكاسىن، جەردى قالاي باپتاۋ، بازار اۋقىمىنا قالاي تۇجىرىم جاساۋ سياقتى ءبىرقىدىرۋ تەحنيكالاردى ەگجەي-تەگجەيلى ۇيرەتتى ءارى سالالى اتىز باستارىن ارالاپ ءجۇرىپ، مالشىلارعا ءتۇرلى كوكونىس، داقىلداردىڭ ارتىقشىلىقتارىن، ەرەكشەلىكتەرىن ءبىر-بىرلەپ ءتۇسىندىرىپ، بار ىنتەسىن سالىپ ۇيرەتىپ، مالشىلاردىڭ ىقىلاسىنا يە بولدى.

    وسىدان كەيىن، تاڭبالى قىستاعىنداعى قىزمەت اترەتى مال شارۋاشىلىق جاعىنداعى ىسكەر دە كوزقاراقتى مالشىلاردى ءوندىرىس قىستاعىنا جىبەرىپ، باعىمشىلىق جاعىنداعى تاجىريبەلەرىن ۇيرەتكىزدى.

    وسىنداي ۇيرەنۋ تاسىلدەرى ارقىلى ءوندىرىس قىستاعى مەن مال شارۋاشىلىق قىستاعىنىڭ ءوزارا سەلبەسىپ دامۋىنداعى اياق الىسىن تەزدەتىپ، ەگىنشى-مالشىلاردىڭ بازار شارۋاشىلىعىنا قاراي ءار كاسىپتىك كوزىن اشۋعا جەبەدى.

    بۇل يگىلىكتى شارۋانىڭ تەتىگىن ۇيرەنۋگە 30 تان استام مالشى قاۋىم قاتىناستى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى