ديقاندارعا كومەكتەسىپ، ەرەكشە ونىمدەردى ساتۋىنا كومەكتەستى

 
قىستاققا تۇسكەن قىزمەت اترەتى الاقاتتى قوراپتاپ، ماركا جاراتىپ توراپ ارقىلى ساتۋعا دايىنداۋدا 

    جەڭىسحان اسقار ۇلى، اۋاحان تۇراپ قىزى حابارلايدى. «سىزدەر كورىپ تۇرسىزدار، وسىنشاما كوپ قىزىل الاقاتى الدەقاشان كەپتىرىپ بولدىم. ءبىراق، ساتىپ الۋشى جوق. مەن ءار كۇنى بازارعا الىپ شىعىپ ساتسام دا، ماندىتىپ ساتا المادىم. الاقاتتى ساقتاۋ ۋاقىتى ۇزارعان سايىن الاقاتتىڭ ءتۇسى وزگەرىپ، ساپاسى تومەندەپ، ساتۋعا ءتىپتى قيىن بولىپ قالادى»،-دەدى ساۋان اۋدانى سىداۋحىزى قالاشىعى ياڭجياداۋ قىستاعىنىڭ تۇرعىنى حۋ شيانكۋي كوڭىلىسز بەينەدە قاباعىن ءتۇيىپ.

    قىستاق تۇرعىنى حۋ شيانكۋي بەلسەندى تۇردە پارتيانىڭ ساياساتىنا ءۇن قوسىپ، ەگىستىك جەردى ورمانعا قايتارۋ ساياساتى بويىنشا ەكى جىلدىڭ الدىندا ءوزىنىڭ 30 نەشە مۋ ەگىستىك جەرىنە الاقات ەككەن بولاتىن، وتكەن جىلدان باستاپ ونىڭ ەككەن الاقاتى جەمىس بەرە باستاعان. بيىلعى جىلى ونىڭ مۇقيات باپتاپ-باسقارۋىنىڭ ارقاسىندا، ونىڭ ەككەن الاقاتىنىڭ ءونىمى وتكەن جىلعى مەن سالىستىرعاندا ەسەلەپ ارتتى. ول الاقاتتىڭ ساپاسىنا كەپىلدىك ەتىپ، جاقسى كەپتىرۋ ءۇشىن، قىستاققا تۇسكەن كادرلاردىڭ كومەگىندە، ءوزى وتىرعان اۋلانىڭ الدىنان حالىققا ءتيىمدى ساياساتتان يگىلىكتەنىپ، كومەك قارجىعا يە بولىپ، الاقاتتى جەلمەن كەپتىرۋ ءۇيىن سالىپ الدى. قازىر نەشە توننا الاقاتتى الدەقاشان كەپتىرىپ بولدى. ءبىراق، ساتىپ الۋشى جوق. ءوزى ءبىرقانشا ساۋداگەرلەر مەن بايلانىس جاساپ ەدى، جولى الىس، زات از دەپ ءتۇرلى سەپەپتەردى ايتىپ كەلمەي قويدى.

    ساۋان اۋداندىق اۋىل شارۋاشىلىعى مەكەمەسىنەن وسى قىستاققا تۇسكەن قىزمەت اترەتىندەگى كادرلار وتباسىلارىن ارالاپ احۋال ۇعىسۋ بارىسىندا، بۇل احۋالدى ۇققاننان كەيىن كوڭىلدەرىنە بەرىك ساقتاپ، دەركەزىندە قىزمەت اترەتىندەگى كادرلار اتتانىسقا كەلىپ، وزدەرىنىڭ دوستىق شەڭبەرىنە شىعارىپ، تەلەفون سوعىپ قاتىستى ورىندارمەن حابارلاسىپ، الارماندارعا بايلانىس جاساپ ۇگىت جۇرگىزۋمەن بىرگە، تاۋباۋ تورابىندا زات ساتۋعا ءوتىنىش بەرىپ، ماركا الىپ، ەسەپ اشىپ، تاۋباۋ تورابى ارقىلى ساتقاننان كەيىن، بىرنەشە كۇننىڭ ىشىندە الاقاتتى تۇگەلدەي ساتىپ بولدى.

    حۋ شيانكۋي قوراداعى الاقاتتىڭ ساتىلىپ بولعاندىعىن كورىپ قاتتى قۋاندى ءارى ول قۋانىشتى تۇردە تەبىرەنىپ تۇرىپ: «باعىما جاراي قىستاققا تۇسكەن قىزمەت اترەتىندەگى كادرلاردىڭ كومەگىندە، العاشىندا دوس جاراندارى ءبىر كيلوگرام، ەكى كيلوگرامنان ساتىپ الىپ ەدى. سوڭىنان تاپسىرىس بەرەتىندەردىڭ سانى ەسەلەپ ارتىپ تەز ارادا الاقاتتى تۇگەلدەي ساتىپ بولدىم ءارى كەلەر جىلى جالعاستى الاقات ەگىپ ساۋدا جاساۋىما جاڭا جول اشىلدى. مەن شىنايى تۇردە قىزمەت اترەتىندەگى كادرلارعا راحىمەت ايتامىن»،-دەدى.

    «ءبىزدىڭ قىستاقتاعى تۇرعىنداردىڭ بارلىعى بۇدان بۇرىنعى جىلداردا الاقات ەگىپ كورمەگەن ەدى. سوندىقتان، حۋ شيانكۋي ەككەن الاقاتىن ساتا الاماي قالادى دەپ ويلادىق. ويلاماعان جەردەن قىستاققا تۇسكەن قىزمەت اترەتىندەگى كادرلاردىڭ امالى راسىندا كوپ ەكەن.  ولار الدىمەن وزدەرىنىڭ دوس جاراندارى ارقىلى ساتىپ، سوڭىنان توراپ ارقىلى ساتىپ، حۋ شيانكۋيدىڭ ۇلكەن قيىنشىلىعىن شەشىم ەتتى. ولار قىستاقتا تەك عانا ءبىر جىل تۇرسا دا، ءار كۇنى جاتسا-تۇرسا ويلايتىنى ءبىزدىڭ قامىمىز، ءار ءتۇرلى امال قاراستىرىپ، ءبىزدى ەرتەرەك اۋقاتتانۋ جولىنا باستاۋ،ءبىزدىڭ قىستاعىمىزدا وسىنداي قىزمەت اترەتىنىڭ بولعاندىعىنا مەن ەرەكشە قۋانىشتامىن»،-دەدى قىستاق تۇرعىنى جاڭ جيانگو.

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى