بۋرىلتوعاي اۋدانى 33-رەتكى «وقىتۋشىلار مەرەكەسىن» قارسى الۋ، سيلاپ-ماداقتاۋ زور جيىنىن اشتى

    ىنتىماق داۋلەتباي ۇلى حابارلايدى. اعارتۋدىڭ الدىنعى شەبىندە ايانباي ەڭبەك ەتىپ، اششى تەرىنىڭ ءتاتتى جەمىسىن ۇرپاققا ۇسىنىپ، وزىندەگى باردى بولاشاق ۇرپاقتاردىڭ باقىتىنا ارناپ كەلە جاتقان ۇستازداردىڭ ەڭبەگىن جوعارى باعالاپ، ۇستازداردى قۇرمەتتەيتىن، ۇستازداردى ۇلاعاتتايتىن تاماشا سالتتى تۇتاس قوعامعا جالپىلاستىرۋدى كوزدە ۇستاعان بۋرىلتوعاي اۋدانى 9-قىركۇيەكتە الدا كەلە جاتقان 33-رەتكى «وقىتۋشىلار مەرەكەسىن» قۇتتىقتاۋ، وقۋ-اعارتۋ سالاسىنداعى ىلعارىلاردى سيلاپ-ماداقتاۋ زور جيىنىن اشتى.

    زور جينالىسقا اۋداندىق پارتكوم مەن ۇكىمەتتىڭ، حالىق قۇرىلتايى توراعالار القاسى مەن ساياسي كەڭەستىڭ نەگىزگى باسشىلارى، سونداي-اق، اۋدان كولەمىندەگى ورتا-باستاۋىش مەكتەپتەر مەن بالالار باقشا مەڭگەرۋشىلەرى، وزات وقىتۋشىلار ۋاكىلدەرى، قارت وقىتۋشىلار ۋاكىلدەرىنەن 500 گە جۋىق ادام قاتىناستى.

    جينالىستى اۋداندىق حالىق ۇكىمەتى كەڭسەسى باسقارىپ، اۋدان باسشىلارى ۇستازدار مەرەكەسىنە ارناپ قۇتتىقتاۋ ٴسوزىن سويلەدى. باسشىلار سوزدەرىندە ۇستاز ەڭبەگىنىڭ ۇلىلىعىن جوعارى باعالاي كەلىپ، نەندەي ٴبىر عىلىم يەلەرى مەن قوعام قايراتكەرلەرىنىڭ بارلىعى ەڭ الدىمەن مەكتەپ سىندى قاسيەتتى وردانىڭ تابالدىرىعىن اتتاپ، ۇستاز سىندى جانى جايساڭ جاننىڭ ٴتالىمىن الىپ، تاربيەسىن تىڭداپ، بىلىمىنەن ٴنار الۋ ارقىلى عانا ەسەيىپ-ەرجەتىپ قاناتتاناتىندىعىن ايتا كەلىپ، تۇتاس ۇرپاق، اتا-انا، قوعام بولىپ ۇستازدى قادىرلەۋ، قۇرمەتتەۋ كەرەكتىگىن قايتالاي دارىپتەدى.

    زور جيىننىڭ كەلەسى كەزەگىندە وقۋ-وقىتۋ، ٴتالىم-تاربيە قىزمەتىندە ەرەن ەڭبەكتەنىپ، كورنەكتى ناتيجە جاراتقان «ىلعارى وقىتۋشىلار»، «وزات وقۋ-اعارتۋ قىزمەتكەرلەى»، «تاڭداۋلى كلاس جەتەكشىلەرى»،«ىلعارى بالالار باقشا تاربيەشىلەرىنەن» 65 ادام اۋدان دارەجەلى وزات بولىپ، قارا ٴنوپىر قالىڭ قاۋىمنىڭ الدىندا ماداق مەن ماراپاتقا بولەنىپ، قۇشاقتارىن گۇلگە تولتىرىپ، سيلىق ساحناسىنا كوتەرىلدى.

    سوڭىنان، تاعى دا تابانى كۇرەكتەي 30 جىل ساباق مىنبەسىندە تۇرىپ، شاڭ جۇتىپ، بور جەپ دەگەندەي جاستىق عۇمىرلارىن ۇرپاققا ارناعان سارتابان وقىتۋشىلارعا «جىلدىق داڭق كۋالىگى» تارتۋ ەتىلدى.

    جيىن سوڭى، ورەندەردىڭ ۇستازدارىنا ارناپ دايىنداعان ويىن ساۋىق سالتاناتىنا ۇلاسىپ، اۋداندىق مادەنيەت سارايى دۋمانعا بولەندى.

جاۋاپتى رەداكتور:سايراش تۇرارجان قىزى