قۇتىبي اۋداندىق وقۋ – اعارتۋ، عىلىم – تەحىنيكا مەكەمەسى مەكتەپتەردە مەكتەپ قىزمەتىن اشىق ۇستاۋ قيمىلىن وزدىردى

    نۇرلان قاناش ۇلى حابارلايدى. 33 – رەتكى وقىتۋشىلار مەرەكەسىن قارسى الۋ بايلانىسىمەن قۇتىبي اۋداندىق وقۋ – اعارتۋ، عىلىم – تەحىنيكا مەكەمەسى 6 – قىركۇيەكتەن 15 – قىركۇيەككە دەيىن اۋدان كولەمىندەگى ءار قايسى مەكتەپتەرگە مەكتەپ قىزمەتىن اشىق ۇستاۋ اپتاسى ەتىپ بەلگىلەدى.

    وسى قىزمەت ورنالاستىرۋىنا ساي قۇتىبي اۋدانى تورعايتى قالاشىق باستاۋىش مەكتەبى 7 – قىركۇيەك كۇنى ءار قايسى كلاستارداعى اتا – انالاردى شاقىرىپ، مەكتەپتىڭ جالپى قىزمەتىن كورۋگە ۇيىمداستىردى.

    بۇگىنگى قيمىل تومەندەگى ءبىر قانشا مازمۇندا الىپ بارىلدى: ەڭ الدىمەن، كەلگەن اتا – انالارعا مەكتەپتىڭ اۋلا قۇرلىس مادەنيەتى، مەكتەپ قۇرلىسى، مەكتەپتىڭ جۋىق جىلداردان بەرى قاراي وقۋ – وقىتۋ قىزمەتىنەن قول جەتكىزگەن جەتىستىكتەرىن، مەكتەپ، اۋدان، وبلىس دارەجەلى تىرەكتى وقىتۋشىلار قۇسىن قۇرلىسى، وقۋشىلاردىڭ مەكتەپ، اۋدان، وبلىس، اۆتونوميالى رايون دارەجەلى جارىستاردان جۇلدەلى بولعان ناتيجەلەرى تانىستىرىلدى.

    ەكىنشى، مەكتەپتىڭ ءار قايسى قولدانىلمالى كلاسى، دىبىس – بەينە كلاسى، كومپيۋتەر كلاسى، تاجىريبەحانا، كىتاپحانا قاتارلى وقىتۋ كلاستارىن، سونىمەن بىرگە مەكتەپ اسحاناسى مەن وقۋشىلار جاتاعىن كوردى.

    ءۇشىنشى، مەكتەپ سىبىزعى كۇرجەگىنىڭ جەتەكشىسى قاپدىل مۇعالىمنىڭ جەتەكشىلىگىندەگى وقۋشىلاردىڭ دايىنداعان شاعىن ويىن ءنومىرىن كوردى.

    ءتورتىنشى، مەكتەپتىڭ پيسحيكالىق اقاۋسىزدىق تاربيە جەتەكشىسى امانگۇل مۇعالىم جالپى اتا- انالارعا سەميادا اتا – انالار بالالارىن قالاي تاربيەلەۋ، ولاردىڭ كوڭىل – كۇيىن قالاي تەڭشەپ وتىرۋ، كوبىرەك بالالارىمەن بىرگە سىرلاۋسۋ ت ب جاقتاردان عىلمي ماقالا وقىپ، اتا – انالاردى مەكتەپتەن تولىق سايكەسۋگە شاقىردى.

    بەسىشى، ءار قايسى كلاس جەتەكشىلەرى كلاستارىنىڭ جالپى جاعدايىن، وقۋشىلاردىڭ ۇيرەنۋ ناتيجەسى، ءتارتىپ – تۇزىمگە بويسۇنۋ ت ب جاقتاردان شاعىن كلاس جيىنىن اشىپ، كلاس قىزمەتىن ورتاق باسقارۋدى، اتا – انالاردىڭ تولىق سايكەسۋىن تالاپ ەتتى.

    التىنشى، كەلگەن اتا- انالارعا وقىتۋشىلار كلاستار بويىنشا وزىق وقىتۋ قۇرالدارىنان پايدالانىپ ءبىر ساعاتتىق ساباق وتىپ بەردى.

    جەتىنشى، اتا – انالار تۇستە بالالارىمەن بىرگە وقۋشىلار اسحاناسىنان تاماق ءىشتى.

    بۇگىنگى قيمىلعا 100 دەن استام اتا – انا كەلدى، قىيمىل وتە ءساتتى بولدى. اتا – انالاردا مەكتەپتىڭ جالپى قىزمەتىنە ءدان ريزا ەكەندىكتەرىن، وسىنداي قيمىلداردى بۇدان كەيىن دە جالعاستى وزدىرىپ وتىرۋلارىن ءۇمىت ەتتى.

ءتىلشىنىڭ قىزمەت ورنى: قۇتىبي اۋدانى تورعايتى قالاشىق باستاۋىش مەكتەبى

جاۋاپتى رەداكتور:نۇرجان مينۋار قىزى