پارتيا قۇرىلتايىنىڭ ۋاكىلدەرى مال شارۋاشىلىق رايوندارىندا ۇگىت جۇرگىزدى

    قۇرمانگۇل اسپەن قىزى حابارلايدى. قىركۇيەك ايىندا، جامبىتاس قىستاعىنىڭ مالشىلارى ۇشكولدەن ورتا جايلاۋ نوعانعا كوشتى.

    جامبىتاس قىستاعىنداعى ۇشكول قىزمەت پۋنكتى، مال شارۋاشىلىق رايونىنىڭ پارتيا ياچەيكاسى ءوز رولىن ساۋلەلەندىرىپ، قىستاق تۇرعىندارىن مەملەكەت تۋىن شىعارۋعا، لەكسيا تىڭداۋعا ۇيىمداستىرىپ، پارتيا ۋاكىلدەرىنىڭ تالقى مىنبەسىنەن پايدالانىپ، اۋىلداستاردى شوعىرلى ۇيرەنۋگە جەتەكتەپ، پارتيانىڭ ابزال ساياساتىن، ۇشقارىلىقتى الاستاۋ ەرەجەلەرىن، ەكولوگيالىق ورتانى قورعاۋ، شەكارانى باسقارۋ، تىنىشتىق قۇرىلىسى قىزمەتىن ۇگىتتەدى.

    4-قىركۇيەك، اۆتونوميالى رايوندىق پارتيا قۇرىلتايىنىڭ ۋاكىلى، التاي تاۋى مەملەكەت يەلىگىندەگى ورماندى باسقارۋ مەكەمەسىنەن جامبىتاس قىستاعىنا تۇسكەن قىزمەت گرۋپپاسىنىڭ مۇشەسى جاينا ۋاليوللا قىزى قىزمەت پۋنكتىنە كەلىپ، تۋ شىعارۋ، ۇگىت-لەكسيا جاساۋ قىزمەتىن ۇيىمداستىردى.

    سالتاناتتى تۋ شىعارۋ سالتىنان كەيىن، جاينا ۋاليوللا قىزى تىنىشتىق قۇرىلىسى جانە شىڭگىل اۋدانىنىڭ «اۆتونوميالى رايون دارەجەلى ۇزدىك تىنىش اۋدان قۇرۋدى قايتالاي تەكسەرۋ قىزمەتى تۋرالى شۇعىل ۇقتىرۋىنىڭ» باستى مازمۇندارىن جەتكىزىپ، «قورشاعان ورتانى قورعاۋ قىزمەتىن وتباسىلارىن ارالاپ ۇگىتتەۋ تەزيسىن»، «مەملەكەتتىڭ جايلىم ەكولوگياسىن قورعاۋ ساياساتىن» ۇگىتتەپ، كوپشىلىكتى ءوز باستارىنان باستاپ ىسكە كىرىسىپ، ءداستۇرلى وندىرىسكە، تۇرمىس تاسىلىنە بۇرىلىس جاساپ، ەكولوگيالىق ورتانى قورعاۋدى ادەتكە اينالدىرىپ، ۇشكولدىڭ ەكولوگيالىق ورتاسىن قورعاپ، وسىمدىك جامىلعىسىن قالپىنا كەلتىرىپ، اتا مەكەندى بىرلىكتە قورعاۋعا ۇندەدى.

    سونىمنەن قاتار: «پارتيانىڭ ابزال ساياساتىن تياناقتاندىرايىق» تاقىرىبىنداعى پارتيا ۋاكىلدەرىنىڭ تالقى مىنبەسىن ۇيىمداستىرىپ، بۇقاراعا كەدەيلەردى سۇيەمەلدەۋ، جايلىمدى قورعاۋ، ەڭبەككۇشتەردى جوتكەۋ سىندى تيىمدى ساياساتتاردى ەگجەي-تەگجەيلى ءتۇسىندىرىپ، بۇقارانى پارتياعا، وتانعا العىس ايتىپ، قوس قولدارىنا سۇيەنىپ اۋقاتتانۋ جولىنا تۇسۋگە شابىتتاندىردى.

جاۋاپتى رەداكتور:نۇرجان مينۋار قىزى