كۇيتۇن قالاسىندا «پارتيا 19 - قۇرىلتايىن قارسى الۋ شينجياڭعا سۇيىسپەنشىلىك باعىشتاۋ» اتىنداعى حاتكەرلىك سۋرەت تۋىندىلار كورمەسى اشىلدى

    ەركىنعازى احىمەتباي ۇلى حابارلايدى. «پارتيا 19 - قۇرىلتايىن قارسى الۋ شينجياڭعا سۇيىسپەنشىلىك باعىشتاۋ» اتىنداعى حاتكەرلىك سۋرەت تۋىندىلار كورمەسى 6 – قىركۇيەكتە كۇيتۇن قالاسىندا اشىلىپ، جياڭسۋ ولكەسىنىڭ حۋاي -ءان قالاسىنداعى حاتكەر سۋرەتشىلەردىڭ تارتىمدى تۋىندىلارىن كۇيتۇن قالاسىنداعى ءار ۇلت حالقىنىڭ كورۋىنە تارتۋ ەتتى.

    كۇيتۇن قالاسى مەن بيڭتۋان 7 – ديۆيزياسىنىڭ باسشىلارى، بيڭتۋان 7 – ديۆيزياسى ۇگىت ءبولىمىنىڭ، جياڭسۋ ولكەسى حۋاي -ءان قالالىق ادەبيەت-كوركومونەرشىلەر بىرلەستىگىنىڭ، كۇيتۇن قالالىق مادەنيەت، دەنەتاربيە، راديو-كينو-تەلەۆيزيا مەكەمەسىنىڭ، جياڭسۋ ولكەلىك حاتكەرلىك سۋرەت قوعامىنىڭ قاتىستى جاۋاپتىلارى كورمەنىڭ اشىلۋ سالتىنا قاتىناستى.

    وسى رەتكى حاتكەرلىك - سۋرەت كورمەسىنە پارتيا 19 - قۇرىلتايىنىڭ جەڭىسپەن اشىلۋىن قارسى الۋ نەگىزگى تاقىرىپ ەتىلگەن ءتۇرلى حاتكەرلىك سۋرەت تۋىندىلارىنان 110 قويىلىپ، كورىكتى شينجياڭعا جانە 7 - ديۆيزياعا دەگەن سۇيىسپەنشىلىكتەرىن بەينەلەپ، بۇقارانى جوعارى ورەدەگى مادەنيەتپەن سۋسىنداتتى.

    كورەرمەن ليۋ باۋي بىلاي دەدى: وسى رەتكى جياڭسۋ ولكەسىنىڭ حۋاي -ءان قالاسىنداعى حاتكەر سۋرەتشىلەردىڭ كۇيتۇنگە كەلىپ كورمە اشۋى بىزگە تاماشا ۇيرەنۋ ورايىن جاراتىپ بەردى، جازعان جازۋلارى، سىزعان سۋرەتتەرى وتە تاماشا ەكەن. ءبىزدىڭ ۇيرەنۋىمىزگە ابدەن تاتيدى.

    جياڭسۋ ولكەسى جاستار اسەمونەر قوعامى ماي بوياۋلى سۋرەت كوركومونەر كوميتەتىنىڭ ورىنباسار باس حاتشىسى يۋان جيڭ بىلاي دەدى: مادەنيەت الماستىرۋ جياڭسۋ حالقى مەن شينجياڭ حالقىنىڭ كوركومونەر جاعىنداعى اۋىس–كۇيسىن جەبەپ، ءبىر–بىرىنە بولعان سۇيىسپەنشىلىكتەرىن ارتتىرىپ، دوستىقتارىن بەكەمدەۋدە ماڭىزدى تۇرتكىلىك رول اتقارادى.

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:سايراش تۇرارجان قىزى