قابا اۋدانى سازدىقتى قورعاۋ قىزمەتىن تەكسەرىپ-زەرتتەدى

    ءادىل تۋعانباي ۇلى حابارلايدى. 5-قىركۇيەكتە، قابا اۋداندىق پارتكومنىڭ شۋجيى لي فۋچياڭ ورتانى قورعاۋ، ورمان، سۋ ىستەرى، مال شارۋاشىلىق مەكەمەسى قاتارلى ورىنداردىڭ جاۋاپتىلارىن ەرتىپ، ەرتىس وزەنى بويىنداعى كوكتوعاي سازدىعى تابيعي قورىق رايونىنا تەكسەرۋ-زەرتتەۋ جۇرگىزدى.

    سول كۇنى تۇستەن بۇرىن، لي فۋچياڭ كولباي اۋىلىنىڭ جانىس وتىرىقتاسۋ ءتۇيىنى، ساربۇلاق قالاشىعىنىڭ القابەك قىستاعى، كوكتوعاي قىستاعى، تۇلكىلى قىستاعى قاتارلى جەرلەردى تەكسەرىپ زەرتتەدى.

    تەكسەرۋ بارىسىندا، لي فۋچياڭ قاتىستى تاراۋلاردىڭ تابيعي سازدىق قورىق رايونىنىڭ باسقارىلۋى تۋرالى دوكلادىن تىڭدادى ءارى وسى بارىستاعى ساقتالعان ماسەلەلەرمەن قيىن تۇيىندەردى تالقىلادى جانە قايتكەندە تابيعي سازدىق قورىق رايونىن ويداعىداي باسقارۋعا بولاتىندىعى جونىندە ورتاق زەرتتەپ تالقىلادى.

    تەكسەرۋ بارىسىندا لي فۋچياڭ مىنالاردى اتاپ ايتتى: قورشاعان ورتانى قورعاۋ — مەملەكەتىمىزدىڭ دامۋ ستراتەگياسىنىڭ ماڭىزدى ءبىر بولەگى، سازدىق سۋ قاينارىن ساقتايدى، سۋدىڭ ساپاسىن جاقسارتادى، اۋانى تەڭشەپ وسىمدىكتەردى قورعايتىن رولى بار. سازدىقتى قورعاۋ ەكولوگيانىڭ تەپە-تەڭدىگىن قورعانىمەن بىردەي، ادامزاتپەن تابيعاتتىڭ جاراسىمدىلىعىن امالياتتا ايگىلەيدى. ەكونوميكانىڭ دامۋىندا ماڭىزى ەرەكشە زور،-دەدى.

    لي فۋچياڭ مىنالاردى تالاپ ەتتى: ءارقايسى اۋىل، قالاشىق، ءارقايسى تاراۋلار سازدىقتى باقىلاپ-باسقارۋ قىزمەتىن جالعاستى كۇشەيتىپ، سازدىقتى زاڭسىز بۇلدىرۋ ارەكەتى بولسا زاڭ بويىنشا قاتاڭ سوققى بەرۋ كەرەك. ءىس جۇزىندىككە ۇيلەسىمدى تۇردە اتىزدى سازدىققا قايتارۋ، اتىزدى ورمانعا قايتارۋ كەرەك. سازدىقتى قورعاۋدىڭ ۇگىت تاربيەسىن جاقسى جۇرگىزىپ، سازدىقتى قورعاۋ تۋرالى زاڭ-ەرەجەلەردى، سازدىق تۋرالى ءبىلىمدى كەڭىنەن ۇگىتتەۋ وسى ارقىلى بۇقارانىڭ ءوندىرىس جۇرگىزۋ باعىتىنا بۇرىلىس جاساپ، ەكولوگيالىق وركەنيەت تانىمىن جوعارىلاتۋ كەرەك،- دەدى.

    پارتكومنىڭ تۇراقتى جوراسى لي جىيۇڭ، اۋداندىق ۇكىمەتتىڭ ورىنباسار اكىمى جاۋ لۋ قاتارلى اۋدان باسشىلارى تەكسەرىپ-زەرتتەۋدە بىرگە بولدى.

ءتىلشىنىڭ قىزمەت ورنى: قابا اۋداندىق پارتكوم ۇگىت ءبولىمى

جاۋاپتى رەداكتور:سايراش تۇرارجان قىزى