«ارالاپ تەكسەرۋدىڭ قىلپىلداعان قىلىشى» اتتى بەس ءبولىمدى ارناۋلى تەلە فيلىم 7 – قىركۇيەكتە قويىلادى

    ورتالىق ءتارتىپ تەكسەرۋ كوميتەتى ۇگىت ءبولىمى، ورتالىقتىڭ ارالاپ تەكسەرۋ كەڭسەسى، ورتالىق تەلەۆيزياسى بىرگە جاساعان «ارالاپ تەكسەرۋدىڭ قىلپىلداعان قىلىشى» اتتى بەس ءبولىمدى ارناۋلى تەلە فيلىم 7 – قىركۇيەكتەن 11 – قىركۇيەككە دەيىن ورتالىق تەلەۆيزياسىنىڭ امبەباپ ارناسىندا ءار كۇنى ساعات 8دە العاش رەت قويىلادى.

    ارناۋلى تەلە فيلىمدە پارتيانىڭ 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ باسقارۋدى «ءتورتتى جاپپاي ورىنداۋ» ستراتەگيالىق ورنالاستىرۋ مازمۇنىنا ەنگىزىپ، ارالاپ تەكسەرۋدى پارتيا ىشىندەگى باقىلاۋدىڭ ستراتەگيالىق ءتۇزىمى رەتىندە ورنالاستىرعانى، پارتيا ىشىندە باقىلاۋ مەن بۇقارالىق باقىلاۋدى ۇشتاستىرىپ، ارالاپ تەكسەرۋ قىزمەتىنە تىڭ تەبىن باعىشتاعانى، ءوزىن – ءوزى باقىلاۋداعى قيىن ماسەلەنى ءونىمدى تۇردە شەشىپ، ءوزىن – ءوزى پاكتەندىرۋ، ءوزىن – ءوزى كەمەلدەندىرۋ، ءوزىن – ءوزى جاڭارتۋ، ءوزىن – ءوزى جەتىلدىرۋدىڭ ءونىمدى جولىن تاپقانى ايگىلەنگەن.

    ۇعىسۋعا قاراعاندا، ارناۋلى تەلە فيلىمدى ءتۇسىرۋ گرۋپپاسى بۇكىل ەلىمىزدەگى 18 ولكە، اۆتونوميالى رايون، قالاعا بارىپ، ورتالىقتىڭ ارالاپ تەكسەرۋ گرۋپپالارىنان 15 گرۋپپانىڭ باستىعىنان، گرۋپپا باستىعىنىڭ ورىنباسارىنان جانە قىزمەتكەرلەرىنەن بولىپ 15 ادامنان، ءتارتىپ تەكسەرۋ – باقىلاۋ كادرلارىنان 20 ادامنان سۇحبات العان. ارالاپ تەكسەرۋ بارىسىندا ماسەلەنىڭ ءجىپ ۇشى بايقالىپ، تەكسەرىلىپ ءبىرجاقتى ەتىلگەن 20عا جۋىق ءمانساپتى كەسكىنگە تۇسىرىلگەن، ۋاڭ مين، حۋاڭ شيڭگو، ۋاڭ سانيۇن، سۋ شۋلين، لۋ ىنگۋاڭ، ۋ چاڭشۇن، يۇي حاييان قاتارلىلار كەسكىنگە ءتۇسىپ، ءوز باسىنان كەشكەندەرىن سويلەگەن، بۇل تەرەڭ وي سالىپ، ساقتاندىرۋ رولىن اتقارادى، فيلىمدە ارالاپ تەكسەرۋ قىزمەتىنىڭ قىلپىلداعان قىلىشتاي رولى كورسەتىلگەن.

جاۋاپتى رەداكتور:سايراش تۇرارجان قىزى