باس نىسانانى تاباندىلىقپەن، باتىلدىقپەن دايەكتىلەندىرەيىك، تياناقتاندىرايىق

    ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى مىڭ جيانجۋ جۋىقتا شينجياڭدا تەكسەرۋ - زەرتتەۋ جۇرگىزگەندە، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن باس شۋجي شي جينپيڭنىڭ شينجياڭ قىزمەتى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، باس نىسانانى تىعىز ارقاۋ ەتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قالىپتاستىرۋعا بارىنشا كۇش سالۋدى باسا دارىپتەدى. بۇكىل اۆتونوميالى رايونىمىزدا جوعارىدان تومەنگە دەيىن، ءسوز جوق، سەنىمدى بەكەمدەپ، تاباندىلىقتى ساقتاپ، باس نىسانانى تاباندىلىقپەن، باتىلدىقپەن دايەكتىلەندىرىپ جانە تياناقتاندىرىپ، شينجياڭنىڭ اناعۇرلىم كوركەم بولاشاعىن اشۋعا جۇمىلا ات سالىسۋى كەرەك.

    شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق جالپى جاعدايىنا، وتاننىڭ تۇتاستىعى مەن ۇلتتاردىڭ ىنتىماعىنا، جۇڭحۋا ۇلتىنىڭ ۇلى گۇلدەنۋىنە قاتىستى. سوڭعى جىلدارى شينجياڭ نازاردى باس نىساناعا شوعىرلاندىرىپ، ورنىقتىلىق پەن دامۋدى بار كۇشپەن ىلگەرىلەتىپ، قوعامدىق جاعدايدىڭ جالپىلاي ورنىقتىلىعىن ساقتادى، ەكونوميكا مەن قوعام اقاۋسىز دامىپ، ءار ۇلت بۇقاراسىنىڭ تۇرمىس - تىرشىلىگى ۇزدىكسىز جاقسارىپ، ۇلتتار ىنتىماعى ۇزدىكسىز نىعايدى. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭنىڭ ءىس جۇزىندىك جاعدايىنا ۇيلەسەتىندىگىن، دانىشپان، دۇرىس ەكەندىگىن، اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرۋ ماقساتىنداعى شارالارىنىڭ پارمەندى دە ناتيجەلى بولعاندىعىن اماليات تولىق دالەلدەدى. شينجياڭداعى بۇگىنگىدەي قوعام ورنىقتى، ۇلتتار ىنتىماقتى اسا تاماشا جاعدايعا وڭاي قول جەتكەن جوق، ءبىز، ءسوز جوق، ايرىقشا قاستەرلەۋىمىز، تابانسىزدىق، تۇرلاۋسىزدىق ىستەمەي، ەكى ۇداي بولماي، قاجىماس قايسارلىق، مۇقالماس جىگەر كورسەتىپ، باس نىسانانى شينجياڭنىڭ بايتاق دالاسىنا تەرەڭ تامىر تارتتىرۋىمىز كەرەك.

    باس نىسانانى تاباندىلىقپەن، باتىلدىقپەن دايەكتىلەندىرۋ، تياناقتاندىرۋ ءۇشىن، ءسوز جوق، جۇيەلى جونگە سالىپ، كەشەندى شارا قولدانۋ كەرەك. بولشەكتەۋشىلىككە قارسى تۇرۋ كۇرەسىن جۇرگىزۋدى ماڭداي الدى ءىرى ءىس ەتۋگە تاباندى بولىپ، زورلىقتى كۇش، لاڭكەستىك ارەكەتتەرىنە قاتاڭ سوققى بەرۋدى كەزەكتەگى كۇرەستىڭ كەلەلى ءتۇيىنى ەتۋگە بۇلجىماستان تاباندى بولىپ، اۆتونوميالى رايوندىق پارتكومنىڭ باس نىسانانى ارقاۋ ەتە وتىرىپ بەلگىلەگەن قىزمەت پرينسيپتەرىنە، قىزمەت وي جەلىسىنە، ساياسات - شارالارىنا جانە قىزمەت ورنالاستىرۋىنا بۇلجىماستان تاباندى بولىپ، زورلىقتى كۇش لاڭكەستەرىنە قاتاڭ سوققى بەرۋ ارناۋلى كۇرەسىن ونان ارى تەرەڭدەتىپ، قاشاندا زورلىقتى كۇش لاڭكەستەرىنە قارسى تەگەۋرىندى كۇيدى ساقتاپ، لاڭكەستىككە قارسى تۇرىپ، ورنىقتىلىقتى قورعاۋدىڭ قيان - كەسكى شايقاسىن جۇرەكتىلىكپەن جەڭىستى تۇردە جۇرگىزۋ قاجەت؛ سوتسياليستىك زاڭمەن جونگە سالۋ تۋىن، نەگىزگى زاڭ مەن زاڭ تۋىن بيىك ۇستاپ، «ءۇش ءتۇرلى كۇشكە» زاڭ بويىنشا قاتاڭ سوققى بەرىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىنىڭ زاڭمەن جونگە سالىنۋ دەڭگەيىن جوعارىلاتۋ كەرەك. سونىمەن قابات، شينجياڭداعى ءار ۇلت كادرلارى مەن جۇرتشىلىعىنىڭ ورنىقتىلىقتى قورعاۋ، حالىق تۇرمىسىن جاقسارتۋ، ۇلتتار ىنتىماعىنىڭ دامۋىن نىعايتۋ امالياتىندا قاراستىرعان، قالىپتاستىرعان ءونىمدى ادىستەرىنە تاباندى بولىپ جانە ونى كەمەلدەندىرىپ، ونىڭ رولىن اناعۇرلىم جاقسى ساۋلەلەندىرۋ كەرەك.

    باس نىسانانى تاباندىلىقپەن، باتىلدىقپەن دايەكتىلەندىرۋ، تياناقتاندىرۋ ءۇشىن، ءسوز جوق، قابىلەت قۇرىلىسىن كۇشەيتۋ كەرەك. لاڭكەستىككە قارسى كۇرەستە ورايدى ۇتۋ ءۇشىن، قازىرگى ينفورماتسيا تەحنولوگياسىن لاڭكەستىككە قارسى تۇرىپ، ورنىقتىلىقتى قورعاۋ قىزمەتىمەن جاندى تۇردە توعىستىرىپ، قازىرگى زاماننىڭ ءىرى ساندى مالىمەتتەر، بۇلتتىق ەسەپتەۋ، جاساندى زەردە سياقتى ينفورماتسيا تەحنيكالارىنان ىرىقتى تۇردە پايدالانىپ، ينفورماتسيالاردى ورتاقتاستىرىپ بىرگە پايدالانۋعا، شوعىرلى پايدالانۋعا باسا نازار اۋدارىپ، ءىرى ساندى مالىمەتتەردىڭ كومەسكى مۇمكىندىكتەرىن مەيلىنشە اشىپ، ءىرى ساندى مالىمەتتەردىڭ تيىمدىلىگىن كورسەتىپ، لاڭكەستىككە قارسى تۇرىپ، ورنىقتىلىقتى قورعاۋ قىزمەتىنىڭ ينفورماتسيالانۋ، زەردەلىلەنۋ دەڭگەيىن كوتەرۋ كەرەك.

    باس نىسانانى تاباندىلىقپەن، باتىلدىقپەن دايەكتىلەندىرۋ، تياناقتاندىرۋ ءۇشىن، ءسوز جوق، نەگىزگى ساتىنىڭ نەگىزىن بەكەمدەۋ كەرەك. نەگىزگى ساتى − قوعام ورنىقتىلىعىنىڭ نەگىزى. سوڭعى جىلدارى شينجياڭ پارتيانى جاپپاي قاتاڭ جونگە سالۋ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى اياسىندا «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن قانات جايدىرۋ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن تىڭعىلىقتى ىلگەرىلەتۋ، تۇتاس شينجياڭدا «ۇلتتار ىنتىماعىنىڭ بەرەكەلى شاڭىراعى» قيمىلىن كەڭ كولەمدە ورىستەتۋ، ت.ب ارقىلى ۇگىت - تاربيە جۇرگىزۋ، قيىنشىلىقتى شەشىپ، مۇقتاج جاندارعا كومەكتەسۋ قىزمەتتەرىن جاقسى ىستەپ، نەگىزگى ساتىنىڭ قوعام ورنىقتىلىعىن پارمەندى تۇردە قورعاپ، پارتيا مەن بۇقارانىڭ، كادرلار مەن بۇقارانىڭ بايلانىسىن نىعايتتى. الداعى جەردە، ءبىز كوكەي كەستىلىك پەن ىرىقتىلىقتى ونان ارى كۇشەيتىپ، نەگىزگى ساتىنى يگەرۋدى، نەگىزدى بەكەمدەۋدى شينجياڭنىڭ ورنىقتىلىعىن، تىنىشتىعىن ساقتاۋدىڭ ۇزاق مەرزىمدىك جوباسى جانە نەگىزدى بەكەمدەۋ شاراسى ەتىپ، نەگىزگى ساتىنىڭ نەگىزىن بەكەمدەۋ جاعىندا سەرپىنى اناعۇرلىم زور، باعىتتامالىلىعى اناعۇرلىم كۇشتى، رولى اناعۇرلىم تىكە، ونىمدىلىگى اناعۇرلىم باياندى شارالار قولدانىپ، حالىققا تيىمدىلىك، جەڭىلدىك جاساۋ، قيىنشىلىقتى شەشىپ، قيىنشىلىعى بارلارعا كومەكتەسۋ قىزمەتتەرىن مۇمكىندىكتىڭ بارىنشا ويداعىداي، تياناقتى ىستەپ، ءوندىرىستى دامىتىپ، حالىق تۇرمىسىن جاقسارتىپ، جۇرت تىلەگىن مەيلىنشە جۇمىلدىرۋىمىز كەرەك.

    باس نىسانانى تاباندىلىقپەن، باتىلدىقپەن دايەكتىلەندىرۋ، تياناقتاندىرۋ ءۇشىن، ءسوز جوق، ءار ۇلت بۇقاراسىن تولىق جۇمىلدىرىپ، ءار ۇلت بۇقاراسىنا تىعىز ارقا سۇيەۋ كەرەك. لاڭكەستىككە قارسى تۇرىپ، ورنىقتىلىقتى قورعاۋدىڭ كۇش - قۋاتى حالىقتا. ءبىز بۇقارانى كەڭ كولەمدە تاربيەلەپ، ۇگىتتەپ جانە جۇمىلدىرىپ، «ءۇش ءتۇرلى كۇشتىڭ» سۇرقيا كەسپىرى مەن جاۋىز نيەتىن جەرىنە جەتە اشكەرەلەۋىمىز كەرەك. زاڭمەن جونگە سالۋ جونىندەگى ۇگىت - تاربيەنى كەڭ كولەمدە ىشكەرىلەي ورىستەتىپ، ءار ۇلت بۇقاراسىنىڭ زاڭ تانىمىن نىعايتىپ، ولاردى نەگىزگى زاڭ مەن زاڭدارعا سانالى تۇردە بويسۇنۋعا، زاڭعا قايشى قىلمىستىق ارەكەتتەرمەن كۇرەس جۇرگىزۋگە جەتەكتەۋ كەرەك. ءار ۇلت بۇقاراسىن ءدىني ۇشقارىلىقتىڭ زيانىن جەتە تانىپ، «ءۇش ءتۇرلى كۇشپەن» سانالى تۇردە كۇرەس جۇرگىزۋگە تاربيەلەپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق سوعىسىن شىن مانىندە ويداعىداي جۇرگىزۋ كەرەك.

    قوعام ورنىقتىلىعى، باياندى تىنىشتىق − شينجياڭداعى 23 ميلليون ءار ۇلت بۇقاراسىنىڭ ءتۇبىرلى مۇددەسى، بۇكىل ەلدەگى ءبىر ميلليارد 300 ميلليون حالىقتىڭ ورتاق ەركى. باس نىسانانى تاباندىلىقپەن، باتىلدىلىقپەن دايەكتىلەندىرىپ جانە تياناقتاندىرىپ، جۇرەكتىلىكپەن جاۋاپكەرلىككە الىپ، ىرىقتىلىقپەن جۇمىس جۇرگىزسەك، بولشەكتەۋ، ءبۇلدىرۋ قاسكۇنەمدىكتەرىنىڭ بارلىعىن تالقانداپ، پارتيا مەن حالىقتىڭ ءۇمىتىن اقتاپ، وتانىمىزدىڭ شينجياڭىن ءتىپتى كورىكتەندىرە تۇسەتىن بولامىز.

جاۋاپتى رەداكتور:سايراش تۇرارجان قىزى