حالىقارالىق اتوم ەنەرگياسى ورگانىنىڭ تومەن قويۋلىقتاعى ۋران بانكەسى قازاقستاندا رەسمي قۇرىلدى

    قازاقستاننىڭ جۇڭگوداعى ەلشىحاناسىنىڭ حابارىنا قاراعاندا، حالىقارالىق اتوم ەنەرگياسى ورگانىنىڭ تومەن قويۋلىقتاعى ۋران بانكەسىنىڭ رەسمي اشىلۋ سالتى 29 – تامىز قازاقستاندا وتكىزىلگەن.

    تومەن قويۋلىقتاعى ۋران بانكەسى حالىقارالىق اتوم ەنەرگياسى ورگانىنىڭ رەسمي مەڭگەرۋىندە بولادى، سونداي – اق حالىقارالىق اتوم ەنەرگياسى ورگانىنىڭ زاڭدى يەلىگىندە بولادى.

    يادرو سالاسىنان زەرتتەۋ جۇمىستارىن باستاپ جاتقان مەملەكەت كۇن سايىن كوبەيۋدە، يادرولىق جانار زاتتىڭ بەيبىتشىلىككە پايدالانۋىنا كەپىلدىك ەتۋ ءۇشىن، حالىقارالىق قوعام يادرولىق جانار زات بانكەسىن قۇرۋ ۇسىنىسىن ورتاعا قويدى.

    2006 – جىلى ا ق ش «يادرو حاۋىبىن ازايتۋ ۇندەۋى (Nuclear Threat Initiative)» قور قوعامى ءبىر حالىقارالىق اتوم ەنەرگياسى ورگانىن باقىلايتىن حالىقارالىق يادرولىق جانار زات بانكەسىن قورۋدى ورتاعا قويدى، مۇنداعى ماقساتى يادرونى دامىتپايتىن مەملەكەتتەردىڭ يادرو جانار زاتىن حالىقارالىق ورگانعا تاپسىرۋىنا كەپىلدىك ەتۋ ءۇشىن بولاتىن.

    حالىقارالىق اتوم ەنەرگياسى ورگانىنا مۇشە ەلدەر 2010 – جىلى قاراشا ايىندا حالىقارالىق اتوم ەنەرگياسى ورگانىنىڭ تومەن قويۋلىقتاعى ۋران بانكەسىن قۇرۋدى رەسمي ورتاعا قويدى. بۇرىن ورتاعا قويىلعان جوباعا ۇقسامايتىنى، بۇل جولى قۇرىلاتىن بانكە جاي ءبىر ەنەرگيامەن قامدايتىن نەمەسە «جانار زات دۇكەنى» ەمەس، كەرىسىنشە، شۇعىل جاعدايعا ىستەتىلەتىن زاپاس قويما، وسى ارقىلى حالىقارالىق اتوم ەنەرگياسى ورگانىنا مۇشە ەلدەردىڭ ىشىندەگى ءمالىم ءبىر مۇشە ەلدىڭ شۇعىل ساياسي جاعداي سەبەبىنەن ءداستۇرلى قامداۋشى جاقتان جانار زات الا الماي قالۋ جاعدايىنىڭ تۋىلۋىنىڭ الدىن الادى.

    2011 – جىلى قازاقستان پرەزيدەنتى نازاربايەۆ يادرولىق قارۋدى كوبەيتپەۋ ساياساتى نەگىزىندە قازاقستاندا تومەن قويۋلىقتاعى ۋران بانكەسىن قۇرۋدى ورتاعا قويدى.

    2012 – جىلى اشىق باسەكەدەن كەيىن، قازاقستان تومەن قويۋلىقتاعى ۋران بانكەسىن قۇراتىن بىردەن ءبىر مەملەكەت بولىپ تاڭدالدى.

جاۋاپتى رەداكتور:سايراش تۇرارجان قىزى