قازاقستاننىڭ ورتالاۋ مەكتەپ وقۋشىلارى جۇڭگوعا كەلىپ جازدىق لاگەر قيمىلىنا قاتىناستى

    حالىق تورابى، 25 – تامىز، بەيجيڭ. 23 – شىلدە بەيجيڭ ۇلتتار مەيمانحاناسىندا وتكىزىلگەن قازاقستان ورتالاۋ مەكتەپ وقۋشىلارىنىڭ جۇڭگوعا كەلىپ جازدىق لاگەرگە قاتىناسۋ قيمىلىنىڭ اشىلۋ سالتىندا قازاقستاندىق ورتالاۋ مەكتەپ وقۋشىسى ءىلياس نارىمحۇلوۆ: «جۇڭگوداعى ساپارىم تاماشا، مەن جۇڭگونىڭ مادەنيەتى مەن تاريحىن ءتىپتى دە كوبىرەك بىلگىم كەلدى» ،-دەدى.

    جوسپارعا قاراعاندا، قازاقستان ورتالاۋ مەكتەپ وقۋشىلار ۇيىرمەسى ءۇرىمجى، بەيجيڭ، حاربين قاتارلى ءۇش قالانى ارالاپ، شينجياڭ ۋنيۆەرسيتەتى، حەيلۇڭجياڭ ۋنيۆەرسيتەتى جانە حاربين 73 ورتالاۋ مەكتەبى قاتارلى وقىتۋ ورىندارىن ساياحاتتايدى، جۇڭگولىق جاسوسپىرىمدەرمەن كەڭەسەدى، سونداي – اق، وسى قالالارداعى ايگىلى كورىنىس رايوندارىن ارالاپ، جەرگىلىكتى تۇرعىنداردىڭ تۇرمىس سالتىمەن تانىسادى.

    تانىستىرۋعا قاراعاندا، بۇل رەتكى جازدىق لاگەر قيمىلى شاڭحاي سەلبەستىك ۇيىمى كولەمىندە وتكىزىلەتىن وقۋ – اعارتۋ اياسىنداعى ماڭىزدى سەلبەستىك قيىمىلدارىنىڭ ءبىرى. 2014 – جىلدان باستاپ وقۋ – اعارتۋ مينيستىرلىگى شاڭحاي سەلبەستىك ۇيىمىنا مۇشە ەلدەردىڭ ورتالاۋ- باستاۋىش مەكتەپ وقۋشىلارىن قاتارىنان بەس جىل جۇڭگوعا كەلىپ ساياحاتتاپ، جۇڭگولىق ورتالاۋ- باستاۋىش مەكتەپ وقۋشىلارىمەن بىرلىكتە جازدىق لاگەر قيمىلىنا قاتىناسۋعا ۇسىنىس ەتۋدى جوسپارلاعان، مۇنان بۇرىن تاجىكستان، رەسەي جانە قىرعىزستان قاتارلى ەلدەردەن 200دەن استام وقۋشى جۇڭگوعا كەلىپ ساياحاتتاعان.

جاۋاپتى رەداكتور:الىمبەك نۇرالين