زاڭ شىعارۋ مەملەكەتتى جونگە سالۋعا قورعاۋشى بولدى

    (قايراتتانا العا ۇمتىلعان 5 جىل، رەفورمانىڭ جاپپاي ىشكەرىلەي جۇرگىزىلۋى جونىندە)

    پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى زاڭ شىعارۋ قىزمەتىنە ايرىقشا ءمان بەرىپ، زاڭ شىعارۋ ءىسىن الدىڭعى ورىنعا قويۋدان جازباي، زاڭ شىعارۋدىڭ باستاماشىلىق جانە تۇرتكىلىك رولىن ساۋلەلەندىرىپ، زاڭ شىعارۋ ساپاسى سىندى ماڭىزدى وتكەلدى مىقتى يگەردى. مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا ورتالىق كوميتەتىنىڭ زاڭ شىعارۋ قىزمەتىنە پارتيانىڭ باسشىلىق ەتۋىن كۇشەيتۋ جونىندەگى پىكىرىن مۇقيات دايەكتى تياناقتاندىرىپ، پارتيانىڭ لۋشيان، باعىت، ساياساتىن جانە كەلەلى شەشىم، ورنالاستىرۋىن زاڭ شىعارۋ قىزمەتى بارىسىندا ۋاعىندا دايەكتى تياناقتاندىرىپ، پارتيانىڭ دارىپتەمەسىن زاڭدىق ءتارتىپ بويىنشا مەملەكەتتىڭ ەركىنە، تۇتاس قوعام ورتاق بويسۇناتىن ارەكەت ولشەمىنە جانە قيمىل ەرەجەسىنە اينالدىردى.

    2017 – جىلى ماۋسىمنىڭ سوڭىنا دەيىن مەملەكەتتىك 12 – كەزەكتى حالىق قۇرىلتايى جانە ونىڭ تۇراقتى كوميتەتى تىڭنان 20 زاڭ شىعاردى، زاڭعا وزگەرىس ەنگىزۋ جونىندەگى 37 قاۋلىنى ماقۇلدادى، وزگەرىس ەنگىزىلگەن زاڭ 101 بولدى. نەگىزگى زاڭدى ۇيىتقى ەتكەن جۇڭگوشا سوتسياليستىك زاڭ جۇيەسى اناعۇرلىم كەمەلدەندى، زاڭدى عىلمي تاسىلمەن، دەموكراتيالىق جولمەن شىعارۋ ءتۇزىلىس، مەحانيزمى اناعۇرلىم پىسىپ – جەتىلدى.

    ءاربىر سالادا زاڭمەن باسقارىپ قامتاماسىزداندىرۋ كۇشەيتىلدى

    «قۇپتاعان داۋىس 2782، قارسى تۇرعان داۋىس 30، قالىس قالعان داۋىس 21 بولدى». 2017 – جىلى 15 - ناۋرىزدا مەملەكەتتىك 12 – كەزەكتى حالىق قۇرىلتايىنىڭ 5 – ءماجىلىسى ازاماتتىق ىستەر زاڭى باس ەرەجەسىن ماقۇلدادى، بۇل ازاماتتىق ىستەر زاڭ جۇيەسىندە باعدارلامالىق رول اتقاراتىن جالپى ەرەجەنىڭ قالىپتاسقانىن، ەلىمىزدىڭ ازاماتتىق ىستەر زاڭ جۇيەسىن قۇراستىرۋدا ماڭىزدى قادام تاستاعانىن اڭعارتتى.

    وتكەندە ءبىر تۇتاس ازاماتتىق ىستەر زاڭ جۇيەسى بولماعاندىقتان زاڭگەرلەر زاڭدى قولدانعان مەزگىلدە «زاڭدى تابۋدا» ەكىنىڭ بىرىندە قيىنشىلىققا ۇشىرايتىن، تۇرلىشە زاڭدار اراسىندا قايشى كەلۋ جايتتەرى ورىن تەبەتىن، ۇقساس دەلوعا تۇرلىشە ۇكىم شىعارۋ قۇبىلىسى تۋىلىپ تۇراتىن. سونىمەن بىرگە، عالامتورعا سۇيەنىپ ادام كۇشىمەن ىزدەۋ سالۋ، قۇربانداردى قورلاۋ، دارمەنسىز قارتتاردى قاراۋسىز قالدىرۋ سياقتى جاڭا ماسەلەلەر، جاڭا سايىستار ۇزدىكسىز جارىققا شىعىپ، ازاماتتىق ىستەر بويىنشا زاڭ شىعارۋ ارقىلى توتەپ بەرۋدى شۇعىل تالاپ ەتەتىن.

    باس شۋجي شي جينپيڭ بىلاي دەپ اتاپ كورسەتكەن بولاتىن: «ماڭىزدى سالالاردا زاڭ شىعارۋدى كۇشەيتىپ، مەملەكەت دامۋىنىڭ، كەلەلى رەفورمالاردىڭ زاڭ بويىنشا قامتاماسىزداندىرىلۋىنا كەپىلدىك ەتىپ، دامۋ، رەفورما جاقتارىندا شەشىم قابىلداۋدى زاڭ شىعارۋ جاعىندا شەشىم قابىلداۋمەن اناعۇرلىم ويداعىداي ۇشتاستىرۋىمىز كەرەك».

جاۋاپتى رەداكتور:سايراش تۇرارجان قىزى