شينجياڭنىڭ اراسان اۋدانىندا قولا ءداۋىرى مەزگىلىندەگى شوعىرلى ورنالاسقان كونە جۇرت بايقالدى

قوستا كونە جۇرتىندا ارحەولوگ دوكتور جيا شياۋبيڭ (وڭدا) كونە جۇرت رايونىنىڭ سولتۇستىك شەتىندەگى حاشانتۋ تاۋىنىڭ توبەسىندە كونە جۇرت ىشىندەگى توپىراق ىشىندە كورىنگەن ات باسى قاڭقاسىنا نازار سالۋدا

    20-تامىزدان 21-تامىز كۇندەرى، مەملەكەتتىك مادەني مۇرالار مەكەمەسى، جۇڭگو قوعامدىق عىلىم اكادەمياسىنىڭ ارحەولوگيا زەرتتەۋ ورنى، بەيجيڭ ۋنيۆەرسيتەتى ارحەولوگيالىق مادەنيەت كورمە ينستيتۋتى قاتارلى ورىندار مەن جوعارى مەكتەپتەردەن كەلگەن 50 دەن استام كاسىپتىك ماماندار شينجياڭنىڭ اراسان اۋدانى قوستا كونە جۇرتىندا تەكسەرىپ-زەرتتەپ جانە ناق مايداندا اڭگىمە ءماجىلىسىن اشتى. ناق مايدانعا تەكسەرىپ-زەرتتەۋ ارقىلى، ارحەولوگ ماماندارى قوستا كونە جۇرتى باتىس تيانشاندا بايقالعان جانە اشىلعان كولەمى ەڭ زور، دارەجەسى سالىستىرمالى تۇردە ەڭ جوعارى، شوعىرلى جانە كولەمدى تاستان سالىنعان قۇرىلىس، سونىمەن ءبىر ۋاقىتتا، وڭتۇستىك-سولتۇستىك قاراۋىل قاتارلى اسكەري قورعانىس جۇيەسى بار قولا ءداۋىرىنىڭ تيپتىك شوعىرلى ساقتالعان جۇرتى دەپ تۇراقتاندىردى.

    قازىپ الىنعان زاتتارعا ۇڭىلگەندە قازىرگى كەزدەگىدەن ارالىعى 3600 جىل ىلگەرى بولىپ، ەگىمشىلىكپەن شۇعىلدانۋدى نەگىز، مال شارۋاشىلىعىمەن قوسىمشا شۇعىلدانعان تۇرمىس ءتاسىلى بەينەلەنگەن. ەگىن، مال شارۋاشىلىعى وزگەرگەن مەزگىلدىڭ تيپتىك بەينەلەرى دە ايقىن. باتىس تيانشان وڭىرىنە دەگەن تۇسىنىكتى ارتتىرۋ، ءتىپتى شينجياڭنىڭ سولتۇستىك وڭىرلەرىندەگى قولا ءداۋىرى مادەنيەتى، تاريحتان ىلگەرگى اۋىل شارۋاشىلىق مادەنيەتىنىڭ دامۋى مەن مال شارۋاشىلىعىنىڭ باستالۋى جاقتارىندا دا ماڭىزدى قۇندىلىققا يە. 

جاۋاپتى رەداكتور:سايراش تۇرارجان قىزى