وتباسىندا قىزۋ ءتۇسىرۋ ءدارىسىن تۇتىنۋ جونىندە

    تاياۋدا، اۋا رايىنىڭ وزگەرۋىنە بايلانىستى، بالالار بولىمىندەگى قىزىعان بالالار كوبەيۋدە، اسىرەسە، قىزۋى قايتپاعان بالالار كوبەيۋدە. بالالار ءبولىمى ماماندارىنىڭ ايتۋىنشا، قىزۋ بارلىق بالالاردا كوپ كەزىگەتىن ماسەلە، قىزۋ قايتارۋ ءدارىسى ۇيدە ءسوزسىز بولۋعا ءتيىستى ءدارى. كوپتەگەن اتا-انا بالاسى قىزىسا بولدى قىزۋ قايتاراتىن ءدارى تۇتىنادى. ءبىراق، قىزۋ قايتاراتىن ءدارىنىڭ ءوزى بالاعا بەلگىلى دارەجەدە زيان جەتكىزۋى مۇمكىن.

    ماماندار بىلاي دەيدى: دەنە تەمپەراتۋرا 38.5 گرادۋستان تومەن بولعاندا ادام دەنەسىنە كورنەكتى اسەر ەتپەيدى. ءدال وسى كەزدە قىزۋ تۇسىرەتىن ءدارى ىستەتسەك ادامنىڭ قارسىلىق قۋاتىن تومەندەتىپ جىبەرەدى دەيدى. دەنە تەمپەراتۋرا 38.5 گرادۋستان جوعارى بولعاندا ادام دەنەسىنە اسەر ەتىپ، ادامدى جايسىزداندىرادى. اۋىر بولعاندا، ەسىنەن تانۋ جانە بۇيرەك، باۋىرعا زيان جەتكىزەدى. نارەستەنىڭ شوشىپ تالۋى مۇمكىن. سوندىقتان دا قىزۋ تۇسىرەتىن ءدارىنى شيپاگەردىڭ كورسەتۋى بويىنشا تۇتىنۋ كەرەك. قىزۋ ءتۇسىرۋ ءدارىسىنىڭ تەك قىزۋ ءتۇسىرۋ رولى بولىپ، ميكروپ ءولتىرۋ رولى جوق. مىسالى، باكتەريالىق وكپە قابىنۋدان قىزىعان كەزدە، اۋەلى- انتيبيوتيك ىستەتۋ ارقىلى باكتەريانى تىزگىندەۋ كەرەك. سول ارقىلى ءۇزىلدى-كەسىلدى قابىنۋدى قايتارىپ، دەنە تەمپەراتۋراسىن تومەندەتۋگە بولادى. كەرىسىنشە قىزۋ ءتۇسىرۋ ءدارىسىن تۇتىنعاندا تەردى كوپ شىعارىپ، السىرەتىپ، ەمدەۋگە تيىمىسىزدىك تۋدىرادى.

    بۇدان سىرت، كوپتەگەن ىستىق تۇسىرەتىن دارىلەردە بەلگىلى مولشەردە بۇيرەك، باۋىر، نەرۆكە زيانى بار. بۇل دارىلەردى تۇتىنۋ مولشەرىنە كوڭىل بولۋ كەرەك. ادەتتە قىزۋ تۇسىرۋ دارىلەرىن 3 كۇننەن ارتىق تۇتىنباۋ كەرەك.

    بالالاردا ەرەكشە جايسىزدانۋ احۋالى بايقالماعان جاعدايدا، فيزيكالىق قىزۋ قايتارۋ ادىستەرىن قولدانعان ءجون. ياعني جىلى سۋعا جۋىندىرۋ، مۇز قالتاسىمەن سۋىق وتكىزۋ قاتارلى ادىستەردى ىستەتۋ. ءونىمى بولماعاندا عانا قىزۋ قايتارۋ ءدارىسىن تۇتىنعانى ءجون. ماماندار بالا قايتا-قايتا قىزىعان جاعدايدا، شيپاحاناعا بارىپ سەبەبىن انىقتاتۋدى ەسكەرتەدى.

جاۋاپتى رەداكتور:سايراش تۇرارجان قىزى