شينجياڭدا 28-شىلدەدەن بۇرىن تۋىت دەمالىسى اياقتالماعاندار 158 كۇندىك تۋىت دەمالىسى ساياساتىنان يىگىلىكتەنە الادى

    28-شىلدە كۇننەن بۇرىن، تۋىت دەمالىسىن دەمالىپ بولماعان تۋىتتاعى انالار تۇگەلدەي جاڭا وزگەرىس ەنگىزىلگەن «اۆتونوميالى رايوندىق جان سانى جانە جوسپارلى تۋىت بەلگىلەمەسىندە» (تومەندە قىسقاشا بەلگىلەمە دەلىنەدى) بەكىتىلگەن 60 كۇندىك ۇزارتىلعاننان كەيىنگى 158 كۇندىك تۋىت دەمالىسىنان يگىلىكتەنە الادى.

    15-تامىز كۇنى، ءتىلشى ءۇرىمجى قالالىق جوسپارلى تۋىت كوميتەتىنەن ۇعىسۋىنشا، مەيلى ءبىر نەمەسە ەكى بالالى بولعان، تەك «زاڭدىق جانە بەلگىلەمەگە ساي بالالى بولعان» انالار بۇگىندە 158 كۇندىك تۋىت دەمالىسىنان يگىلىكتەنەدى.

    28-شىلدەدە جاڭادان وزگەرىس ەنگىزىلگەن بەلگىلەمە شىققاننان بەرى، كوپتەگەن تۋىت دەمالىسىنداعى انالار الاڭداۋلى بولعان.

    «مەن ‹بەلگىلەمە›شىعۋدان بۇرىن ياعني 28-شىلدەدەن بۇرىن بالالى بولعانمىن، بۇل تيىمدىلىكتەن يگىلىكتەنە الامىن با؟»،« مەنىڭ تۋىت دەمالىسم اياقتالۋعا جانە ءبىر اي قالدى، مەن دە بۇل تيىمدىلىككە ىلەسە الامىن با؟» دەگەن سۇراقتار كوپشىلىكتىڭ ەڭ كوڭىل بولەتىن قىزعىن تاقىرىبىنا اينالدى.

    بۇدان بۇرىن، «اۆتونوميالى رايوندىق جان سانى جانە جوسپارلى تۋىت بەلگىلەمەسىنە» ساي، زاڭدىق ۇيلەنۋ جاسىنان 3 جىل كەشىگىپ تۇڭعىش رەت ۇيلەنگەندەر كەشىگىپ ۇيلەنگەن دەپ سانالىپ، مەملەكەت بەلگىلەگەن نەكە دەمالىسىنان سىرت، 20 كۇن دەمالىس بەرىلسە؛ ايەل جۇمىسشى-قىزمەتشىلەر العاشقى رەتكى كەشىگىپ بالالى بولعاندا، مەملەكەت بەلگىلەگەن تۋىت دەمالىسىنان سىرت، 30 كۇن تۋىت دەمالىسى بەرىلەتىن. بۇل كەشىگىپ ۇيلەنگەندەرگە نەكە دەمالىسى 20 كۇن بولىپ، ەڭ سوڭىنداعى جالپى دەمالىسى 23 كۇن؛ تۇڭعىش كەشىگىپ بالالى بولعاندا تۋىت دەمالىسى 30 كۇن قوسىلىپ، ەڭ سوڭىنداعى تۋىت دەمالىسى 128 بولسا، ەكىنشى رەت بالالى بولعاندا تۋىت دەمالىسى 98 كۇن بولاتىن.

    الايدا، جاڭادان وزگەرىس ەنگىزىلگەن «جان سانى جانە جوسپارلى تۋىت زاڭىندا» «كەشىگىپ ۇيلەنۋ»، «كەشىگىپ بالالى بولۋ» ۇعىمىن كۇشىنەن قالتىرعاننان كەيىنگى، «اۆتونوميالى رايوندىق جان سانى جانە جوسپارلى تۋىت بەلگىلەمەسىندە» قاتىستى مازمۇندارعا وزگەرىس ەنگىزىلدى.

    ءۇرىمجى قالالىق دەنساۋلىق جانە جوسپارلى تۋىت كوميتەتىنىڭ جوسپارلى تۋىت نەگىزگى ساتى قىزمەت باسقارماسىنىڭ باسقارما باستىعى حى شياۋپيڭ:«بۇگىندە، جاڭادان وزگەرىس ەنگىزىلگەن «بەلگىلەمەنىڭ» جاريالانۋىنا ىلەسىپ، ساياسات كولەمىندەگى العاش ۇيلەنگەن ەرلى-زايىپتىلار بارلىعى 23 كۇندىك نەكە دەمالىسىنان يگىلىكتەنسە، قايتا ۇيلەنگەندەرمەن اجىراسىپ قايتا قوسىلعاندار تەك 3 كۇندىك نەگىزدىك نەكە دەمالىسىنان يگىلىكتەنە الادى. بۇدان سىرت، زاڭدىق جانە بۇل بەلگىلەمەگە ۇيلەسەتىن بالالى بولعان ايەل جۇمىسشى-قىزمەتكەرلەر تۇڭعىش نەمەسە ەكىنشى رەتكى بالالى بولعان جاعدايدادا 158 كۇندىك تۋىت دەمالىسىنان يگىلىكتەنسە؛ ەر جاققا 15 كۇندىك كۇتىمدەۋ دەمالىسى بەرىلەدى. جاڭادان وزگەرىس ەنگىزىلگەن «بەلگىلەمەنىڭ» ءتىپتى دە جاقسى اتقارىلىپ، كوپتەگەن تۋىت جاسىنداعى انالاردىڭ بۇل تيىمدىلىكتەن يگىلىكتەنۋى ءۇشىن، 28-شىلدەدەن بۇرىن تۋىت دەمالىسى اياقتالماعاندار، 158 كۇندىك جاڭا تۋىت دەمالىسىنان يگىلكتەنە الادى»،-دەدى.

جاۋاپتى رەداكتور:سايراش تۇرارجان قىزى