ورتالىق سىچۋاننىڭ، شينجياڭنىڭ جەر سىلكىنىسىنە قارسى اتتانىپ، اپاتتان قۇتقارۋ ىستەرىن قولداۋعا 180 ميلليون يۋان قارجى ورنالاستىردى

    10 - تامىزدا ءتىلشى قازىنا مينيسترلىگىنەن سىچۋان ولكەسى مەن شينجياڭ ۇيعۇر اۆتونوميالى رايونىندا جاقىندا تۋىلعان جەر سىلكىنىسى، تاسقىن اپاتى زيانىنا باعىتتاپ، ورتالىق قازىنا 2 جەردىڭ جەر سىلكىنىسنە قارسى اتتانىپ، اپاتتان قۇتقارۋ ىستەرىنە جۇمساۋعا 180 ميلليون يۋان قارجى بوساتقانىن ۇعىستى.

    ۇعىسۋعا قاراعاندا، شينجياڭداعى جەر سىلكىنگەن وڭىردەگى اپاتتان قۇتقارۋ قىزمەتىنە كومەكتەسۋ ءۇشىن، ورتالىق قازىنا 10 - تامىزدا جاراتىلىستىق اپات بويىنشا 80 ميلليون يۋان تۇرمىس جاردەماقىسىن شۇعىل بوساتقان، مۇنىڭ ىشىندە اۆتونوميالى رايون 50 ميلليون يۋاندى، بيڭتۋان 30 ميلليون يۋاندى ءبىر تۇتاس ورنالاستىرىپ، اپاتقا ۇشىراعان رايوندارداعى بۇقارانى شۇعىل كوشىرىپ ورنالاستىرۋ، وتپەلى كەزەڭنەن وتۋگە كومەكتەسۋ، قۇلاعان، بۇلىنگەن ۇيلەردى قايتا سالۋ سياقتى اپاتتان قۇتقارۋ شىعىسىنا جۇمسايدى ەكەن.

    وسىدان ءبىر كۇن بۇرىن قازىنا مينيسترلىگى، حالىق ىستەرى مينيسترلىگى سىچۋان ولكەسىنە ورتالىق قازىنانىڭ جاراتىلىستىق اپات بويىنشا 100 ميلليون يۋان تۇرمىستىق جاردەماقىسىن بوساتىپ، سىچۋان ولكەسىنىڭ جيۋزايگوۋ اۋدانىندا تۋىلعان 7.0 بال جەر سىلكىنىسىندە جانە لياڭشان وبلىسىنىڭ پۋگى اۋدانىنداعى تاسقىن اپاتى تۋىلعان وڭىردە اپاتقا ۇشىراعان بۇقارانى شۇعىل كوشىرىپ ورنالاستىرۋعا، وتپەلى كەزەڭنەن وتۋگە كومەكتەسۋگە، قۇلاعان، بۇلىنگەن ۇيلەردى قايتادان سالۋعا، جوندەۋگە جانە اپاتتان قازا بولعانداردىڭ وتباسىلارىنا بەرىلەتىن حال سۇراۋ قاراجاتىنا جۇمساپ، اپاتقا ۇشىراعان بۇقارانىڭ نەگىزگى تۇرمىسىنا كومەك بەرۋ قىزمەتىن قولداعان بولاتىن.

جاۋاپتى رەداكتور:الىمبەك نۇرالين