ساياسي دەڭگەيدى جوعارىلاتىپ، ماسەلەنى نىشان ەتۋگە تاباندى بولايىق

    پارتيا ورتالىق كوميتەتىنىڭ، مەملەكەتتىك كەڭەستىڭ ءبىر تۇتاس ورنالاستىرۋى بويىنشا، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى جۋىقتا شينجياڭ ۇيعۇر اۆتونوميالى رايونىنا، شينجياڭ ءوندىرىس - قۇرىلىس بيڭتۋانىنا كەلىپ جايعاسىپ، قورشاعان ورتانى قورعاۋ جۇمىسىنا باقىلاۋ - تەكسەرۋ جۇرگىزە باستادى. باقىلاۋ - تەكسەرۋ گرۋپپاسىنىڭ پارتيا ورتالىق كوميتەتى مەن باس شۋجي شي جينپيڭنىڭ ماڭىزدى تاپسىرماسىن ارقالاپ، اۆتونوميالى رايونىمىزدىڭ جاسىل دامۋ ۇستانىمىن ىسكە اسىرۋى، ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن ىلگەرىلەتۋى جونىندە جان - جاقتى باقىلاۋ - تەكسەرۋ جۇرگىزۋى پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭ قىزمەتىنە ايرىقشا ءمان بەرەتىنىن تولىق ايگىلەدى. بۇكىل رايونداعى ءار دارەجەلى تاراۋلار، ءسوز جوق، ساياسي دەڭگەيدى جوعارىلاتىپ، پارتيا ورتالىق كوميتەتىنىڭ قورشاعان ورتانى قورعاۋ جاعدايىن باقىلاۋ - تەكسەرۋ قىزمەتىن ورىستەتۋىنىڭ ماڭىزدى ءمانىن جەتە تانىپ، ماسەلەنى نىشان ەتۋگە تاباندى بولىپ، قورشاعان ورتانى قورعاۋدى باقىلاۋ - تەكسەرۋ قىزمەتىنىڭ اۆتونوميالى رايونىمىزدا ءساتتى جۇرىلۋىنە كەپىلدىك ەتىپ، اۆتونوميالى رايونىمىزدىڭ ەكولوگيالىق وركەنيەت قۇرىلىسىن تۇتاستاي ىلگەرىلەتىپ، جاسىل دامۋدى تىڭ بەلەسكە كوتەرۋ كەرەك.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن اناعۇرلىم ماڭىزدى ستراتەگيالىق ورىنعا قويىپ، ءار دارەجەلى تاراۋلاردان ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن باتىل ارقالاۋدى تالاپ ەتتى. قورشاعان ورتانى قورعاۋدى باقىلاۋ - تەكسەرۋ − پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق وركەنيەت قۇرىلىسى مەن قورشاعان ورتانى قورعاۋدى ىلگەرىلەتۋ جونىندەگى ماڭىزدى تۇزىمدىك ورنالاستىرۋى. باس شۋجي شي جينپيڭ بۇعان ايرىقشا ءمان بەرىپ، قورشاعان ورتانى قورعاۋدى باقىلاۋ - تەكسەرۋدى ەكولوگيالىق وركەنيەت قۇرىلىسىن ىلگەرىلەتۋدىڭ ماڭىزدى تۇتقاسى ەتۋدى، قورشاعان ورتانى قورعاۋدا پارتيا مەن ۇكىمەت بىردەي جاۋاپكەرشىلىك ارقالاۋدى جانە ءبىر قىزمەت ورنىندا قوس جاۋاپكەرشىلىك ارقالاۋدى تالاپ ەتتى. بۇل پارتيا ورتالىق كوميتەتىنىڭ جاسىل دامۋدى ىلگەرىلەتىپ، كورىكتى جۇڭگو قۇرۋ جونىندەگى باتىل بەكىمىن تولىق ايگىلەپ، حالىق بۇقاراسىنىڭ پىكىرىنە جاۋاپ قايتارىپ، حالىققا سۇيىسپەنشىلىگىن ەكولوگيالىق ماسەلەلەردى شەشۋ ارقىلى ايگىلەدى، «ەكولوگيانى قورعاۋدا پايدامەن ەسەپتەسپەۋ، بولاشاققا بەت الۋدا سىڭىرگەن ەڭبەكپەن ساناسپاۋ» دەيتىن جاۋاپكەرشىلىكتى ايگىلەدى.

    ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى وسى رەت شينجياڭدا باقىلاۋ - تەكسەرۋ جۇرگىزۋدە اۆتونوميالى رايونىمىزدىڭ سوڭعى جىلداردان بەرگى ورتالىقتىڭ ەكولوگيالىق وركەنيەت قۇرىلىسى مەن قورشاعان ورتانى قورعاۋ جونىندەگى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ جاعدايىن جاپپاي تەكسەرەدى، بۇكىل رايونداعى ءار دارەجەلى پارتكومداردىڭ، ۇكىمەتتەردىڭ قورشاعان ورتانى قورعاۋ سۋبيەكتيۆ جاۋاپكەرشىلىگىن ونان ارى اتقارۋىن پارمەندى ىلگەرىلەتەدى جانە جەبەيدى، بۇل ءبىزدىڭ ماسەلەلەردى بايقاۋىمىزعا، ولقىلىقتاردى تولىقتاۋىمىزعا، قىزمەتتەردى جاقسارتۋىمىزعا كومەكتەسەتىن تاپتىرماس وراي بولىپ تابىلادى. سوندىقتان، بۇكىل رايونداعى ءار دارەجەلى تاراۋلار تانىمدى ونان ارى تەرەڭدەتىپ، ساياسي دەڭگەيدى جوعارىلاتىپ، «4 تانىمدى» بەرىك ورناتىپ، ورتالىقتىڭ قورشاعان ورتانى قورعاۋدى باقىلاۋ - باقىلاۋ تەكسەرۋىن قابىلداۋ جونىندەگى يدەيالىق سانالىلىقتى، ساياسي سانالىلىقتى جانە ارەكەت سانالىلىعىن شىنايى كۇشەيتۋ كەرەك.

    شينجياڭ − وتانىمىزدىڭ باتىس سولتۇستىگىندەگى حاۋىپسىزدىك قورعانى، مەملەكەتتىڭ ەكولوگيالىق حاۋىپسىزدىگىن قورعاۋدا ايرىقشا ماڭىزدى بورىش ارقالايدى. پارتيا 18 - قۇرىلتايىنان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم اۆتونوميالى رايون جاعدايىن تياناق ەتىپ، «ەكولوگيالىق ورتانى قورعاۋ − وندىرگىش كۇشتى قورعاۋ، تۇنىق سۋ، جاسىل تاۋ − بايلىق» دەيتىن ۇستانىمدى بەرىك ورناتىپ، ءوندىرىس دامىعان، تۇرمىس باقۋاتتى، ەكولوگيا جاقسى بولۋ سىندى وركەنيەتتى دامۋ جولىنان اۋىتقىماي، تاۋ - دالاسى كوركەم، مادەنيەتى مايەكتى، جاراسىمدى، قونىستانۋعا قولايلى، جاسىل، تومەن كومىرتەكتى، ەكولوگيالىق وركەنيەتتى شينجياڭ قۇرۋعا قۇلشىندى.

    دەسەدە ءبىز شينجياڭنىڭ ەكولوگيالىق ورتاسى ءالسىز، كەزەكتە قورشاعان ورتا قىزمەتىندە شەشۋگە ءتيىستى كوپتەگەن ماسەلە ورىن تەۋىپ وتىرعاندىعىن، ەكولوگيالىق وركەنيەت قۇرىلىسىنىڭ مىندەتى اۋىر، جولى ۇزاق ەكەنىن ايقىن تانۋىمىز كەرەك.

    قورشاعان ورتانى قورعاۋدى باقىلاۋ - تەكسەرۋ قىزمەتىن ورىستەتۋدىڭ ماقساتى − ماسەلەنى بايقاپ، قىزمەتتى جاقسارتۋ. ءبىر جاعىنان، يدەيالىق تانىمدى بىرلىككە كەلتىرىپ، باس شۋجي شي جينپيڭنىڭ شينجياڭ قىزمەتى جانە ەكولوگيالىق وركەنيەت قۇرىلىسى جونىندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ قىزمەتىن ورىستەتۋدەگى كەلەلى ءمانىن جەتە تانىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ قىزمەتتەرىنە تىعىز سايكەسىپ، باقىلاۋ - تەكسەرۋدى ىرىقتىلىقپەن قابىلداپ، باقىلاۋ - تەكسەرۋدى بارىنشا قولداپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ قىزمەتتەردى ءساتتى ورىستەتۋىنە كەپىلدىك ەتۋ كەرەك. ەندى ءبىر جاعىنان، ماسەلەنى نىشان ەتۋدەن جازباي، ماسەلەنى بايقاۋعا زور كۇش شىعارىپ، باتىلدىقپەن شىنداپ كىرىسۋ كەرەك. ورتالىق ايرىقشا نازار اۋدارىپ وتىرعان، بۇقارا كۇشتى اڭىس ەتكەن، قوعامدا ناشار ىقپال تۋدىرعان كورنەكتى ورتا ماسەلەلەرىنە نازاردى شوعىرلاندىرىپ، شارا قولدانىپ، سەرپىندى ارتتىرىپ، جوعارى ولشەممەن، جوعارى ساپامەن ءتۇرلى رەتتەۋ - وڭاۋدى ورىنداپ، رايونىمىزدىڭ ەكولوگيالىق وركەنيەت قۇرىلىسىنداعى جانە قورشاعان ورتانى قورعاۋداعى ولقىلىقتارىن تولىقتاۋ كەرەك. وسى رەتكى قورشاعان ورتانى قورعاۋدى باقىلاۋ - تەكسەرۋدى شينجياڭنىڭ ەكولوگيالىق وركەنيەت قۇرىلىسىن كۇشەيتۋدەگى كەلەلى وراي دەپ ءبىلىپ، شينجياڭنىڭ قورشاعان ورتانى قورعاۋ قىزمەتىن كۇشەيتۋىنىڭ پارمەندى قوزعاۋشى كۇشى ەتۋدەن جازباي، باقىلاۋ - تەكسەرۋدى بەلسەنە، ىرىقتىلىقپەن قابىلداپ، پارىقتاردى شىندىقتى ءىس جۇزىنەن ىزدەي وتىرىپ تانىپ، قىزمەتتى تىڭعىلىقتى جاقسارتىپ، اسپانى كوك، جەرى جاسىل، سۋى تۇنىق كوركەم شينجياڭ قۇرۋعا قۇلشىنۋ كەرەك.

    جاسىل ءتۇس − تىرشىلىكتىڭ سيمۆولى، ۇلى تابيعاتتىڭ اجارى. بۇگىنگى كۇندە تاماشا تۇرمىسقا دەگەن ۇمىتكە ۋاكىلدىك ەتەتىن جاسىل ءتۇس حالىق بۇقاراسىنىڭ كوكەي تەستى تىلەگى. ءبىز ساياسي دەڭگەيدى، ءسوزسىز، جوعارىلاتىپ، ماسەلەنى نىشان ەتۋدەن جازباي، ورتالىقتىڭ قورشاعان ورتانى باقىلاۋ - تەكسەرۋىن مۇقيات قابىل الىپ، ماسەلەلەردى رەتتەۋگە، وڭاۋعا شىنداپ، ايانباي كىرىسىپ، ورتانى قورعاۋداعى جانە قورشاعان ورتا ماسەلەلەرىن رەتتەپ وڭاۋداعى تىڭ ىلگەرىلەۋشىلىكتەر، سونى تابىستار ارقىلى حالىق بۇقاراسىنىڭ باقىتقا كەنەلۋ سەزىمى مەن يگىلىككە كەنەلۋ سەزىمىن شىنايى كۇشەيتىپ، رايونىمىز ەكولوگيالىق وركەنيەت قۇرىلىسىنىڭ قىزمەت ورەسىن تۇلعالىق جاقتان جوعارىلاتىپ، كوركەم شينجياڭ قۇرىلىسىن جەدەلدەتىپ، مەملەكەتتىڭ ەكولوگيالىق حاۋىپسىزدىگىن قورعاۋعا اناعۇرلىم زور، تىڭ ۇلەس قوسىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋىمىز كەرەك.

جاۋاپتى رەداكتور:الىمبەك نۇرالين