اۆتونوميالى رايون ءوندىرىس حاۋىپسىزدىگى جونىندە شۇعىل تەلەۆيزور - تەلەفون ءماجىلىسىن اشتى

    جاسىرىن حاۋىپسىزدىك قاتەرىن انىقتاۋ قىزمەتىن جەدەل، جاپپاي جۇرگىزۋ كەرەك

    11 - تامىز كۇنى اۆتونوميالى رايون ءوندىرىس حاۋىپسىزدىگى جونىندە شۇعىل تەلەۆيزور - تەلەفون ءماجىلىسىن اشىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءوندىرىس حاۋىپسىزدىگى قىزمەتتەرى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ جانە تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىن تياناقتاندىرىپ، ءار دارەجەلى ۇكىمەتتەردى ءوندىرىس حاۋىپسىزدىگىنە ايرىقشا ءمان بەرۋگە قۋزاپ، شىرعالاڭ تۋعان جەرلەر مەن ورىنداردىڭ جاۋاپكەرشىلىگىن ءتارتىپ، زاڭ بويىنشا قۋزاستىرىپ، كومەسكى حاۋىپسىزدىك قاتەرىن انىقتاۋدى مۇقيات ورىستەتىپ، ءوندىرىس حاۋىپسىزدىگى جاۋاپكەرشىلىگىن ساتى - ساتى بويىنشا تياناقتاندىرىپ، اۆتونوميالى رايوننىڭ ءوندىرىس حاۋىپسىزدىگى قىزمەتىنە قايتالاي تالاپتار قويىپ، قايتالاي ورنالاستىرۋ جاساپ، قايتالاي تەكسەرۋ جۇرگىزىپ، قايتالاي تياناقتاندىرىپ، اۆتونوميالى رايون مەن بيڭتۋان كولەمىندە ءوندىرىس حاۋىپسىزدىگىن جالپى بەتتىك تەكسەرۋ قىزمەتىن ورىستەتىپ، جاسىرىن حاۋىپسىزدىك قاتەرىن انىقتاۋ قىزمەتىن جەدەل، جاپپاي جۇرگىزۋدى تالاپ ەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى شوكىرات زاكىر مىنالاردى اتاپ كورسەتتى: ءار دارەجەلى تاراۋلار دەرەۋ اتتانىسقا كەلىپ، ءوندىرىس حاۋىپسىزدىگى جونىندەگى جاۋاپكەرشىلىك تانىمىن ونان سايىن نىعايتىپ، قۇرىشتاي بەرىك بەكىم، قۇرىشتاي بەرىك ءتارتىپ، قۇرىشتاي بەرىك شارا، قۇرىشتاي بەرىك ءادىس ارقىلى تىڭعىلىقتى، ناقتى ىسكەرلىك ستيلمەن ورتالىق پەن اۆتونوميالى رايوندىق پارتكومنىڭ تالاپتارىن بۇلجىتپاي تياناقتاندىرىپ، ءوندىرىس حاۋىپسىزدىگىنىڭ «قىزىل سىزىعى» مەن «تومەنگى شەگىنەن» اتتاماي، پارتيانىڭ 19 - قۇرىلتايى مەزگىلىندە اۆتونوميالى رايوننىڭ، بيڭتۋاننىڭ ءوندىرىس حاۋىپسىزدىگى جاعدايىنىڭ تۇراقتىلىعىنا كەپىلدىك ەتۋ كەرەك.

    جىل باسىنان بەرى، اۆتونوميالى رايوننىڭ ءوندىرىس حاۋىپسىزدىگىنىڭ جاعدايى جالپى جاقتان تۇراقتىلىقتى ساقتادى، شىرعالاڭ سانى، ولگەن ادام سانى، جارالانعان ادام سانى، تىكە ەكونوميكالىق زيان سياقتى 4 نەگىزگى كورسەتكىش سايكەس مەزگىلدەگىدەن تومەندەدى. ءبىراق، اۆتونوميالى رايوننىڭ قازىرگى ءوندىرىس حاۋىپسىزدىگى جاعدايى ءالى دە قيىن، جاسىرىن حاۋىپسىزدىك قاتەرى ءالى دە اۋىر، حاۋىپسىزدىك نەگىزى جالپى جاقتان ءالسىز، كەي جەرلەر مەن سالالاردا شىرعالاڭ ءالى دە كوپ بولىپ وتىر.

    شوكىرات زاكىر مىنالاردى تالاپ ەتتى: جەر - جەر، تاراۋلار ءوندىرىس حاۋىپسىزدىگىندە پارتيا مەن ۇكىمەت جاۋاپكەرلىكتى بىردەي ۇستىنە الۋدى، ءبىر قىزمەت ورىندا قوس جاۋاپكەرشىلىك ارقالاۋدى قاتاڭ تياناقتاندىرىپ، جاۋاپكەرسىزدىك ىستەگەندەردى، ءسوز جوق، تەكسەرۋ، جاۋاپقا تارتقاندا، ءسوز جوق، قاتاڭ بولۋدى باتىل ىسكە اسىرۋ كەرەك. ءتارتىپ اتقارۋ، جاۋاپقا تارتۋ تاسىلىنەن ويداعىداي پايدالانىپ، شىرعالاڭعا جاۋاپتى ادامداردى قاتاڭ جازاعا تارتۋ كەرەك. ۇكىمەتتىڭ جانە قاتىستى تاراۋلاردىڭ اۋىر جاۋاپكەرشىلىك ارقالاۋعا ءتيىستى باسشىلارىن قاتاڭ اكىمشىلىك جاۋاپقا تارتۋ كەرەك. سيپاتى جيرەنىشتى، سان دۇركىن تيسا دا تيىلماعان، ەرەكشە، اۋىر شىرعالاڭدارعا تۇرتكى بولۋى مۇمكىن زاڭسىز جانە زاڭعا قايشى تيپتىك ارەكەتتەر جونىندە، جاۋاپكەرشىلىكتى تىڭعىلىقتى ايقىنداپ، ناقتى جاۋاپتى ورىن مەن ادامعا دەيىن تياناقتاندىرىپ، قاتاڭ، اۋىر جازالاردى تەز، جوعارى شەكتە قولدانىپ، سىلەيتە سوققى بەرۋ كەرەك. اسىرەسە، سوڭعى كەزدە ورىن العان بىرنەشە حاۋىپسىزدىك شىرعالاڭى جونىندە، قاتىستى جاۋاپتى ورىندار مەن ادامداردىڭ جاۋاپكەرشىلىگىن قاتاڭ قۋزاستىرىپ، ءتارتىپ اتقارۋ، جاۋاپقا تارتۋ ارقىلى ءوندىرىس حاۋىپسىزدىگىن تىڭعىلىقتى تۇردە كۇشەيتۋ كەرەك.

    شوكىرات زاكىر مىنالاردى باسا دارىپتەدى: جەر - جەر، تاراۋلار، ءسوزسىز، ءوندىرىس حاۋىپسىزدىگى جاۋاپكەرشىلىك ءتۇزىمىن ساتىلار بويىنشا تياناقتاندىرىپ، حاۋىپسىزدىك قاتەرىن جاپپاي اداقتاپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك. ءوندىرىس حاۋىپسىزدىگى قىزمەتىندەگى ولقىلىقتار مەن ماسەلەلەر جونىندە مۇقيات ويلانىپ، حاۋىپ - قاتەردى اداقتاۋدى، جونگە سالۋدى جان - جاقتى تەرەڭدەتىپ، ناقتى تەكسەرۋدى، ىشكەرىلەي تەكسەرۋدى، شىنايى تەكسەرۋدى، قاتاڭ تەكسەرۋدى، تۇبەگەيلى تەكسەرۋدى، ەگجەي - تەگجەيلى تەكسەرۋدى شىن مانىندە جۇزەگە اسىرىپ، ەشقانداي شالاعايلىق قالدىرماۋ، ەشقانداي ەسكەرىلمەگەن تۇس قالدىرماۋ، ەشقانداي كومەسكى قاتەر قالدىرماۋ كەرەك. ءتۇيىندى، ءسوزسىز، كورنەكتىلەندىرىپ، الدىن الۋدى ءبىرىنشى ورىنعا قويىپ، حاۋىپسىزدىك قاتەرىنىڭ الدىن الۋدىڭ، مەڭگەرۋدىڭ ۇستىنەن وڭاۋ مەن تۇبىرىنەن وڭاۋ تەڭ جۇرگىزىلەتىن كەمەلدى مەحانيزمىن ورناتۋ، وتە - موتە، ءورت ءسوندىرۋ، جول قاتىناسى سياقتى اۋىر، ەرەكشە اۋىر شىرعالاڭ وڭاي تۋىلاتىن كاسىپ سالالارىندا، حاۋىپ - قاتەرى كوپ سالالاردا، حاۋىپ - قاتەرى كوپ بۋىنداردا جاپپاي اداقتاۋ جۇرگىزۋ كەرەك. ەرەجەگە قايشى جۇمىس، ەرەجەگە قايشى قولباسشىلىق، ەڭبەك تارتىبىنە قايشىلىق جاساۋداي «3 قايشى» ارەكەتتى، ءسوزسىز، قاتاڭ تەكسەرىپ ءبىر جاقتى ەتىپ، ءوندىرىس حاۋىپسىزدىگى قۇرىلعىلارى تولىق بولۋدى، حاۋىپسىزدىك، ساقتىق بۇيىمدارى تولىق بولۋدى، حاۋىپسىزدىك جان ساقتاۋ جولى كەمەلدى بولۋدى شىن مانىندە جۇزەگە اسىرىپ، جۇمىستى ەرەجە بويىنشا جۇرگىزۋگە، بەلگىلەمە بويىنشا باسقارۋعا، حاۋىپسىز دە ءتارتىپتى جۇرگىزۋگە كەپىلدىك ەتۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق ءتارتىپ تەكسەرۋ كوميتەتىنىڭ شۋجيى لو دۇڭچۋان ماجىلىسكە قاتىناستى.

    اۆتونوميالى رايوننىڭ ورىنباسار ءتوراعاسى، شينجياڭ ءوندىرىس - قۇرىلىس بيڭتۋانى پارتكومىنىڭ ورىنباسار شۋجيى، بيڭتۋاننىڭ سىليڭيۋانى پىڭ جيارۇي ماجىلىسكە قاتىناستى ءارى ءسوز سويلەدى. ول بىلاي دەدى: بيڭتۋاننىڭ ءار دارەجەلى تاراۋلارى حاۋىپسىز دامۋ ۇستانىمىن ىشكەرىلەي اتقارىپ، ءوندىرىس حاۋىپسىزدىگى سىندى ارقاۋدى باستان - اياق مىقتاپ شيراتۋ كەرەك؛ ءوندىرىس حاۋىپسىزدىگى جونىندەگى جالپى بەتتىك تەكسەرۋدى دەرەۋ قانات جايدىرىپ، ءتۇرلى حاۋىپسىزدىك قاتەرىن جاپپاي، ءۇرتىس الاستاۋ كەرەك؛ ءتۇيىندى كاسىپ سالالارىن ارناۋلى رەتتەۋ - وڭاۋدى ءۇرتىس تەرەڭدەتىپ، ءوندىرىس حاۋىپسىزدىگىنىڭ تەگەۋرىندى، قاتاڭ باسقارۋ جاعىدايىن شىن مانىندە قالىپتاستىرۋ كەرەك؛ باقىلاۋدى، تەكسەرۋدى جاۋاپقا تارتۋدى جانە جاۋاپكەرشىلىكتى قۋزاستىرۋدى كۇشەيتىپ، ءوندىرىس حاۋىپسىزدىگىنىڭ ساقتىق شەبىن شىن مانىندە بەكەمدەۋ كەرەك.

    اۆتونوميالى رايوننىڭ ورىنباسار ءتوراعاسى جاۋ چيڭ اۆتونوميالى رايوننىڭ جانە بيڭتۋاننىڭ جۋىرداعى ءوندىرىس حاۋىپسىزدىگى جاعدايىن حابارلاندىردى.

    اۆتونوميالى رايون باسشىلارىنان ماعاۋ سەيىتقامزا ۇلى، جاۋ چۇڭجيۋ، جاڭ چۇنلين، ليۋ جيانشين، ۋان حايچۋان ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اۋىلدارعا (قالاشىق)، پولكتەرگە (الاڭ) دەيىن اشىلدى.

جاۋاپتى رەداكتور:الىمبەك نۇرالين