ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىن باقىلاۋ - تەكسەرۋ قىزمەتى جونىندەگى اتتانىسقا كەلتىرۋ ءماجىلىسى ۇرىمجىدە وتكىزىلدى

    باس شۋجي شي جينپيڭنىڭ ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن كۇشەيتۋ جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ ماڭىزدى شەشىمدەرى مەن ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ ءۇشىن، پارتيا ورتالىق كوميتەتى مەن مەملەكەتتىك كەڭەستىڭ بەكىتۋىمەن، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى جۋىقتا شينجياڭ ۇيعۇر اۆتونوميالى رايونىنا، شينجياڭ ءوندىرىس - قۇرىلىس بيڭتۋانىنا كەلىپ، قورشاعان ورتانى قورعاۋ جاعدايىنا باقىلاۋ - تەكسەرۋ جۇرگىزە باستادى. 11 - تامىز كۇنى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىن باقىلاۋ - تەكسەرۋ قىزمەتى جونىندەگى اتتانىسقا كەلتىرۋ ءماجىلىسى ۇرىمجىدە اشىلدى، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسىنىڭ باستىعى لي جياشياڭ، ورىنباسار باستىعى جاي چيڭ باقىلاۋ - تەكسەرۋ قىزمەتى جونىندە جەكە - جەكە ءسوز سويلەدى، شينجياڭ ۇيعۇر اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو جولداس اتتانىسقا كەلتىرۋ ءسوزىن سويلەدى، ءماجىلىستى شينجياڭ ۇيعۇر اۆتونوميالى رايونىنىڭ ءتوراعاسى شوكىرات زاكىر باسقاردى. شينجياڭ ءوندىرىس - قۇرىلىس بيڭتۋانىنىڭ ساياسي كوميسسارى سۇن جينلۇڭ، سىليڭيۋانى پىڭ جيارۇي ماجىلىسكە قاتىناستى.

    لي جياشياڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن اناعۇرلىم ماڭىزدى ستراتەگيالىق ورىنعا قويىپ، ءار دارەجەلى تاراۋلاردان ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن شىن مانىندە باتىل ارقالاۋدى تالاپ ەتتى. قورشاعان ورتانى قورعاۋدى باقىلاۋ - تەكسەرۋ − پارتيا ورتالىق كوميتەتى مەن مەملەكەتتىك كەڭەستىڭ ەكولوگيالىق وركەنيەت قۇرىلىسى مەن قورشاعان ورتانى قورعاۋ قىزمەتىن ىلگەرىلەتۋ ءۇشىن جاساعان كەلەلى تۇزىمدىك ورنالاستىرۋى. باس شۋجي شي جينپيڭ ايرىقشا ءمان بەرىپ، قورشاعان ورتانى قورعاۋدى باقىلاۋ - تەكسەرۋدى ەكولوگيالىق وركەنيەت قۇرىلىسىن ىلگەرىلەتۋدىڭ ماڭىزدى تۇتقاسى ەتىپ، قورشاعان ورتانى قورعاۋدىڭ جاۋاپكەرلىگىن پارتيا مەن ۇكىمەت بىردەي ۇستىنە الۋىن، ءبىر قىزمەت ورىندا قوس جاۋاپكەرشىلىك ارقالاۋدى تالاپ ەتتى. حىبەي ولكەسىندە قورشاعان ورتانى قورعاۋدى باقىلاپ - تەكسەرۋدى تۇيىندە سىناق ەتۋ جونىندە باس شۋجي شي جينپيڭ ماڭىزدى نۇسقاۋ بەرىپ، ماسەلەنى نىشان ەتۋدەن جازباي، ماسەلەنى بايقاۋعا بارىنشا كۇش سالىپ، باتىلدىقپەن شىنداپ كىرىسۋدى تالاپ ەتتى. 2016 - جىلى جەلتوقساندا تاعى دا ماڭىزدى نۇسقاۋ بەرىپ، قورشاعان ورتانى باقىلاۋ - تەكسەرۋ قىزمەتىنىڭ تەبىنىن كۇشەيتۋدى تالاپ ەتتى. اسىرەسە، 2017 - جىلدىڭ باسىنان بەرى، باس شۋجي شي جينپيڭ قورشاعان ورتانى قورعاۋدى باقىلاۋ - تەكسەرۋ قىزمەتى جونىندە تالاي مارتە ماڭىزدى نۇسقاۋ بەرىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋىنىڭ تەبىنىن كۇشەيتىپ، پارمەندى ايبار كورسەتىپ، جاۋاپكەرشىلىكتى تياناقتاندىرۋعا ماجبۇرلەپ، كورنەكتى تابىستار ارقىلى حالىقتىڭ سەنىمىنە قول جەتكىزۋدى تالاپ ەتتى.

    لي جياشياڭ مىنالاردى باسا دارىپتەدى: ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى وسى رەت شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىنا كەلىپ جايعاسقاننان كەيىن، شينجياڭ ۇيعۇر اۆتونوميالى رايوندىق پارتكومنىڭ، ۇكىمەتتىڭ، شينجياڭ ءوندىرىس - قۇرىلىس بيڭتۋانى پارتكومىنىڭ، بيڭتۋاننىڭ مەملەكەتتىڭ قورشاعان ورتانى قورعاۋ جونىندەگى شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، قورشاعان ورتا سالاسىنداعى ەلەۋلى ماسەلەلەردى شەشۋ، قورشاعان ورتانى قورعاۋدىڭ سۋبيەكتتىك جاۋاپكەرشىلىگىن تياناقتاندىرۋ جاعدايىن ءتۇيىندى تۇردە باقىلاپ - تەكسەرەدى. باقىلاۋ - تەكسەرۋ بارىسىندا، ماسەلەنى نىشان ەتۋدەن جازباي، قورشاعان ورتا سالاسىنداعى ورتالىق باسا نازار اۋدارعان، بۇقارا كۇشتى پىكىر ايتىپ، قوعامدا جيرەنىشتى ىقپال تۋدىرعان ەلەۋلى ماسەلەلەر مەن ولاردىڭ شەشىلۋ جاعدايىن ءتۇيىندى قاداعالايدى؛ قورشاعان ورتا ساپاسى ناشارلاي باستاعان وڭىرلەر مەن وزەن اعارلارىن جانە جونگە سالىنۋ جاعدايىن ءتۇيىندى تۇردە تەكسەرەدى؛ حالىق جۇرتشىلىعى اڭىس ەتكەن اينالاداعى قورشاعان ورتا ماسەلەلەرىنىڭ جەدەل تۇزەتىلۋ جاعدايىنا ءتۇيىندى تۇردە قۋزاۋ سالادى؛ جەرگىلىكتى پارتكومدار مەن ۇكىمەتتەردىڭ جانە ولاردىڭ قاتىستى تاراۋلارىنىڭ قورشاعان ورتانى قورعاۋدا دارمەنسىزدىك، بەيبەرەكەتتىك جاعدايىن ءتۇيىندى تۇردە باقىلايدى؛ جەرگىلىكتى ورىنداردىڭ قورشاعان ورتانى قورعاۋدىڭ جاۋاپكەرلىگىن پارتيا مەن ۇكىمەت بىردەي ۇستىنە الۋ، ءبىر قىزمەت ورىندا قوس جاۋاپكەرشىلىك ارقالاۋ، قاتاڭ جاۋاپقا تارتۋ سياقتى جۇمىس مەحانيزمدەرىن تياناقتاندىرۋىن ءتۇيىندى تۇردە ىلگەرىلەتەدى. شينجياڭ ۇيعۇر اۆتونوميالى رايونىنداعى ءار دارەجەلى پارتكومدار مەن ۇكىمەتتەر، شينجياڭ ءوندىرىس - قۇرىلىس بيڭتۋانىنداعى ءار دارەجەلى پارتكومدار مەن ديۆيزيالار (قالا) «بەستى ءبىر تۇلعالاندىرۋ» جالپىلىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىن ارقاۋ ەتىپ، «4 تانىمدى» بەرىك ورناتىپ، جاڭا دامۋ ۇستانىمىن ىسكە اسىرىپ، ورتالىقتىڭ ماڭىزدى شەشىمدەرى مەن ورنالاستىرۋلارىنىڭ ناقتى تياناقتانۋىنا، ناقتى جەتىستىكتەرگە جەتۋىنە كەپىلدىك ەتۋ كەرەك.

جاۋاپتى رەداكتور:الىمبەك نۇرالين