مەملەكەتتىك سپورت جارىسىندا شينجياڭدىق مامەتتۇرسىن چوڭ بوكسەردەن 69 كيلوگرامدىق سالماق بويىنشا شەشۋشى جارىسقا ءوتتى

    مەملەكەتتىك 13 – كەزەكتى سپورت جارىسى اياسىنداعى بوكسەردەن ەرلەردىڭ 69 كيلوگرامدىق سالماق بويىنشا جارتىلاي شەشۋشى جارىسى 10 – تامىزدا وتكىزىلىپ، شينجياڭنىڭ اتىنان جارىسقا قاتىناسقان مامەتتۇرسىن چوڭ 5 : 0 ۇپايمەن تالايدان بەرگى قارسىلاسى ــ حۋبەي كومانداسىنداعى ليۋ ۋەيدى جەڭىپ، شەشۋشى جارىسقا جولداما الدى.

    وسى رەتكى سپورت جارىسىنىڭ بوكسەر ءتۇرى 3 – تامىزدان 13 – تامىزعا دەيىن تيانجين قالاسى باۋدي رايونى باۋدي سپورت سارايىندا وتكىزىلدى. ەلىمىزدەگى ءارقايسى ولكە، اۆتونوميالى رايون، توتە قاراستى قالالاردان جانە كاسىپتىك بىرلەستىكتەردەن 34 ۋاكىلدەر ۇيىرمەسى قۇرامىندا 231 بوكسەرشى قاتىناسىپ، ەرلەر ءتۇرى بويىنشا 10 سالماق دەڭگەيىندە جانە ايەلدەر ءتۇرى بويىنشا 5 سالماق دەڭگەيىندە باسەكە وتكىزدى.

    شينجياڭ بوكسەر كومانداسىنان وسى جولى 14 سپورتشى تولىمدىلىققا يە بولدى، بۇل سپورتشىلار شينجياڭ ۋاكىلدەر كومانداسى، شينجياڭ ءوندىرىس – قۇرىلىس بيڭتۋانى كومانداسى جانە تيانجين كومانداسى اتىنان ءتۇرلى سالماق دەڭگەيىندەگى جارىستارعا قاتىناسادى.

جاۋاپتى رەداكتور:الىمبەك نۇرالين