جۇڭگو ەكونوميكاسى مىعىم كۇشىن ايگىلەدى (ەل باسقارۋداعى جاڭا يدەيا، جاڭا اماليات، جاڭا تانىم جاڭا دامۋعا باستاماشى بولدى)

    الدىڭعى جارتى جىلدا GDP دىڭ ارتۋ قارقىنى دۇنيە ءجۇزىنىڭ ورتاشا دەڭگەيىنەن كورنەكتى جوعارى بولدى

    حالىقارالىق اقشا قورى ۇيىمى 2017 - جىلعى جۇڭگو ەكونوميكاسى ارتۋىنىڭ مەجەسىن بيىل 3 – رەت جوعارىلاتتى؛ بلۋمبەرگ اقپارات اگەنتتىگى 3 -، 4 – توقساندارداعى جۇڭگو ەكونوميكاسى ارتۋىنىڭ مەجەسىن جەكە – جەكە 0.1 پايىز جوعارىلاتتى؛ چارتەرەد بانكەسى جۇڭگونىڭ جىلدىق ەكونوميكاسىنىڭ ارتۋ مەجەسىن %6.6 تەن %6.8 كە جوعارىلاتتى ءارى جۇڭگو 2010 – جىلدان بەرى تۇڭعىش رەت ەكونوميكانى جىلدام قارقىنمەن ارتتىرۋى مۇمكىن دەگەن مەجە جاسادى؛ مورگان بانكەسى «جۇڭگو تاعى دا دۇنيە ءجۇزى ەكونوميكاسىنىڭ ورنىقتىرعىشى بولۋى مۇمكىن» دەگەندى ءبىلدىردى... قازىر جۇڭگونىڭ ەكونوميكاسى جۇرت نازارىن اۋدارىپ وتىر، الدىڭعى جارتى جىلدا GDP دىڭ ارتۋ شاماسى %6.9 بولىپ، دۇنيە ءجۇزىنىڭ ورتاشا دەڭگەيىنەن كورنەكتى جوعارى بولدى.

    رەفورما تيپتە بۇرىلىس جاساۋدى تەزدەتىپ، ومىرشەڭدىك قۋاتتى نىعايتىپ، قاتەردى باسەيتىپ، سەنىمدى بەكەمدەدى. الدىڭعى جارتى جىلدا ەل بويىنشا كۇنىنە ورتا ەسەپپەن 16 مىڭ كاسىپورىن تىزىمگە الىنىپ وتىردى، بۇل ساۋدا ىستەرى ءتزىم رەفورماسى جۇرگىزىلۋدەن بۇرىنعىنىڭ 2 ەسەسىنەن كوپ، وسىنىڭ ءوزى يگىلىك، جاڭالىق جاراتۋدى پارمەندى جەبەدى. ەكىنشى توقساندا ەلىمىزدەگى شاعىن، ۇساق ونەركاسىپ كاسىپورىندارىنىڭ جاقسارۋ كورسەتكىشى %96.5 بولىپ، 2 جىلدان بەرگى ەڭ جوعارى ورەگە جەتتى. بۇكىل ەلدەگى كولەم قالىپتاستىرعاننان جوعارعى ونەركاسىپتىڭ ارتقان قۇنى الدىڭعى جارتى جىلدا وتكەن جىلدىڭ ۇقساس مەزگىلىندەگىدەن %6.9 ارتىپ، 2015 – جىلدان بەرگى ونەركاسىپ اينالىسىنداعى ەڭ تاماشا ناتيجە جاراتىلدى، بۇل ناقتى ەكونوميكانى گۇلدەندىرۋدە باستاپقى ونىمدىلىككە قول جەتكىزىلگەنىن، دامۋ دەڭگەيىنىڭ جوعارىلاي تۇسكەنىن اڭعارتتى.

    «جۇڭگو ەكونوميكاسىنىڭ حيكىمەتى اياقتالا قويعان جوق، قايتا 2 – ساتىعا قادام تاستادى». ا ق ش «فوربەس» جۋرنالىنىڭ تۇجىرىمى دۇنيە ءجۇزىنىڭ جۇڭگو ەكونوميكاسىنا سەنىم جانە ءۇمىت ارتىپ وتىرعانىن اڭعارتتى. جۇڭگونىڭ ەكونوميكاسى قازىر ورنىقتى دامۋ جولىنا ءتۇستى.

جاۋاپتى رەداكتور:الىمبەك نۇرالين