يۇي جىڭشىڭ ورتالىق ۋاكىلدەر ۇيىرمەسىنىڭ 1 – بولىمشەسىن باستاپ باۋتوۋداعى ءار ۇلت كادرلار، جۇرتشىلىعىنان حال سۇرادى

    ساحاراداعى بولات قالاسى باۋتوۋ جازدىڭ شۋاعىنا شومىلىپ تۇر. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى يۇي جىڭشىڭ 9 – تامىزدا ورتالىق ۋاكىلدەر ۇيىرمەسىنىڭ 1 – بولىمشەسىن باستاپ باۋتوۋ قالاسىندا ءار ۇلت كادرلار، جۇرتشىلىعىمەن امانداسىپ، ولاردان حال سۇراپ، شي جينپيڭ جولداس ۇيىتقى بولعان پارتيا ورتالىق كوميتەتىنىڭ ىقىلاستى قامقورلىعىن جەتكىزد، كوپشىلىكپەن بىرگە ىشكى موڭعۇل اۆتونوميالى رايونى قۇرىلعانىنىڭ 70 جىلدىعىن قۇتتىقتادى.

    جاڭا جۇڭگو ۇلتتىق رايونداردان قۇرعان تۇڭعىش ءىرى تيپتەگى بولات – تەمىر كاسىپورنى ــ باۋتوۋ بولات – تەمىر توپ سەرىكتىگى 60 نەشە جىلدىق دامۋدى باسىپ ءوتىپ، ىشكى موڭعۇل كاسىپورىندارىنىڭ سەركەسىنە اينالدى. 10 – تامىز تۇستەن بۇرىن يۇي جىڭشىڭ وسى سەرىكتىكتىڭ سيرەك جەر مەتالدارى بولات تاقتا زاۆودىنا كەلىپ، سەحتاردىڭ ءوندىرىس لەنياسىن كوزدەن كەشىرىپ، ءبىرىنشى شەپتەگى جۇمىسشى – قىزمەتشىلەرمەن جانە ەڭبەك ۇلگىلەرىنىڭ ۋاكىلدەرىمەن ىقىلاسپەن اڭگىمەلەستى. ول كوپشىلىكتى قاجىماي – تالماي ىستەۋ، ەرەن ناتيجە جاراتۋ رۋحىن جالعاستىرىپ جانە ساۋلەلەندىرىپ، جۇمىس ورنىن ءسۇيىپ، كاسىپتى قاستەرلەپ، قايراتتانا ۇمتىلىپ، جاڭا ءبىلىمدى قۇلشىنا ۇيرەنىپ، جاڭا تەحنيكا يگەرىپ، كاسىپورىننىڭ دامۋىن جەبەۋدە، مەملەكەتتى كوركەيتۋگە قىزمەت وتەۋدە تاعى دا تىڭ ۇلەس قوسۋعا شابىتتاندىردى.

جاۋاپتى رەداكتور:الىمبەك نۇرالين