ۇلتتار ىنتىماعىنىڭ نۇرلى بولاشاعىن بىرگە اشايىق

    − باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن ۇيرەنۋ جونىندەگى ارناۋلى حابار (3)

    كەزەكتە بۇكىل شينجياڭ باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن جەتەكشى ەتىپ، پارتيانىڭ ۇلت ساياساتىن بۇلجىتپاي اتقارىپ، «4 تانىمدى» بەرىك ورناتىپ، «4 سەنىمدى» ۇزدىكسىز نىعايتىپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن عازيز جانىنداي قاستەرلەپ، بۇكىل قوعامدا ۇلتتار ىنتىماعىن بارلىق ادام سانالى قورعايتىن، بارلىق ادام ۇلتتار ىنتىماعىنىڭ ۇلگىسى بولۋعا تالپىناتىن تاماشا بەينە قالىپتاستىرىپ، ۇلتتار ىنتىماعىنىڭ نۇرلى بولاشاعىن بىرگە اشۋدا.

    پارتيانىڭ باسشىلىعى − ءتۇبىرلى كەپىل

    لي يانرۇڭ (شينجياڭ قوعامدىق عىلىمدار اكادەمياسى ۇلت زەرتتەۋ ورنىنىڭ كومەكشى زەرتتەۋشىسى): باس شۋجي شي جينپيڭ «26 - شىلدەدەگى» ماڭىزدى سوزىندە ءبىرسىپىرا ماڭىزدى يدەيالاردى، ماڭىزدى كوزقاراستاردى، ماڭىزدى تۇجىرىمداردى، ماڭىزدى شارالاردى ورتاعا قويدى، بۇل كەزەكتە جانە كەلەشەكتە شينجياڭنىڭ ۇلتتار ىنتىماعى قىزمەتىن ويداعىداي ىستەۋىندە بەتالىستىق جەتەكشىلىك جانە امالياتتىق جەتەكشىلىك ماڭىز الادى.

    ۇلتتار ىنتىماعى قىزمەتىن ويداعىداي ىستەۋدە، ءسوز جوق، پارتيانىڭ باسشىلىعىن كۇشەيتۋ كەرەك، بۇل ءبىزدىڭ ۇلتتار ىنتىماعى قىزمەتىن ويداعىداي ىستەۋىمىزدىڭ ءتۇبىرلى كەپىلى. باس شۋجي شي جينپيڭ اتاپ كورسەتكەندەي: «ءبىز تەك جۇڭگو كوممۋنيستىك پارتياسىنىڭ باسشىلىعىنا مىقتاپ تاباندى بولساق، ەشكىم دە، ەشقانداي ساياسي كۇش تە ءبىزدىڭ ۇلتتار قاتىناسىنا ىرتكى سالا المايدى، ءبىزدىڭ ۇلتتار ىنتىماعىمىز، بىرلىگىمىز ساياسي جاقتان تولىق قامتاماسىز ەتىلەدى». باس شۋجي شي جينپيڭنىڭ ۇلتتار ىنتىماعى جونىندەگى تۇجىرىمى شينجياڭنىڭ ۇلتتار ىنتىماعى قىزمەتىن ويداعىداي ىستەۋىنە بەتالىس كورسەتىپ بەردى، ءبىز پارتيانىڭ باسشىلىعىنا، ءسوز جوق، بۇلجىماي تاباندى بولۋىمىز جانە ونى كەمەلدەندىرۋىمىز كەرەك.

    ۇلتتار ىنتىماعى قىزمەتىن ويداعىداي ىستەۋدە، ءسوز جوق، ۇلت ماسەلەسىن شەشۋدىڭ جۇڭگوشا دۇرىس جولىنان اۋىتقىماۋ كەرەك، بۇل جاڭا جاعدايداعى ۇلتتار ىنتىماعى قىزمەتىن ويداعىداي ىستەۋدە، ءسوز جوق، مىقتاپ يگەرۋگە ءتيىستى ساياسي بەتالىس. باس شۋجي شي جينپيڭ «26 - شىلدەدەگى» ماڭىزدى سوزىندە مىنالاردى باسا دارىپتەدى: بۇكىل پارتيا، ءسوز جوق، جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىنا، نازارياسىنا، تۇزىمىنە، مادەنيەتىنە بەرىك سەنىم ورناتىپ، پارتيا مەن مەملەكەت ىستەرىنىڭ قاشاندا دۇرىس بەتالىس بويىنشا جەڭىسپەن العا ىلگەرىلەۋىنە كەپىلدىك ەتۋ كەرەك. ۇلتتار ىنتىماعى قىزمەتىن ويداعىداي ىستەۋدە، ءسوز جوق، جۇڭگوشا سوتسياليزم ۇلى تۋىن بيىك ۇستاۋ كەرەك. اۆتونوميالى رايوننىڭ پارتيانىڭ ۇلت ساياساتىن مۇقيات دايەكتىلەندىرۋى، تياناقتاندىرۋى، ۇلتتىق تەرريتوريالى اۆتونوميا تۇزىمىنە تاباندى بولۋى جانە ونى كەمەلدەندىرۋى شينجياڭنىڭ ۇلتتار ىنتىماعى، العاباسارلىعى ىستەرى دامۋىنىڭ نەگىزگى تاجىريبەسى، سونداي - اق شينجياڭنىڭ جۇڭگوشا سوتسياليزمگە تاباندى بولۋىنىڭ، ۇلت ماسەلەسىن شەشۋدىڭ جۇڭگوشا دۇرىس جولىنا تاباندى بولۋىنىڭ بەينەسى.

    ۇلتتار ىنتىماعى قىزمەتىن ويداعىداي ىستەۋدە، ءسوز جوق، حالىق تۇرمىسىن بار كۇشپەن قامتاماسىز ەتۋ جانە ونى جاقسارتۋ كەرەك. حالىق تۇرمىسى ماسەلەسى وقۋ - اعارتۋ، تۇرعىن ءۇي، جۇمىسقا ورنالاسۋ، قوعامدىق قامتاماسىزداندىرۋ، ەمدەۋ - دەنساۋلىق ساقتاۋ سياقتى ءار جاقتاعى قىزمەتتەردى قامتيدى، ول حالىق بۇقاراسىنىڭ ەڭ كوكەي تەستى، ەڭ تىكە، ەڭ شىنايى مۇددە ماسەلەسى. ۇلتتار ىنتىماعى قىزمەتىن ويداعىداي ىستەۋدە، ءسوز جوق، حالىق تۇرمىسىنداعى وسى ماسەلەلەردى ويداعىداي شەشۋ كەرەك. سوڭعى جىلدارى اۆتونوميالى رايون حالىق تۇرمىسى قۇرىلىسىنىڭ سەرپىنىن ۇزدىكسىز كۇشەيتتى، مۇنىڭ ناتيجەسىندە، حالىق تۇرمىسى ماسەلەلەسى ايتارلىقتاي جاقساردى. بۇل حالىقتىڭ قالاۋىن تابۋدا، ۇلتتار ىنتىماعىن قورعاۋدا كەلەلى مانگە يە.

جاۋاپتى رەداكتور:سايراش تۇرارجان قىزى