اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسن اشىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن اقىلداستى، ورنالاستىرۋ جاسادى

    باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، رايونىمىزدىڭ جەر سىلكىنىسىنە قارسى اتتانىپ، اپاتتان قۇتقارۋ قىزمەتتەرىن كۇش سالا ويداعىداي ىستەۋ كەرەك

    9 - تامىز كۇنى تۇستەن كەيىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسن اشىپ، باس شۋجي شي جينپيڭنىڭ سىچۋان ولكەسىنىڭ جيۋجايگوۋ اۋدانىندا تۋىلعان 7.0بال جەر سىلكىنىسى اپاتى جونىندەگى ماڭىزدى نۇسقاۋى مەن زۇڭلي لي كىچياڭ، ءتوراعا يۇي جىڭشىڭ، ورىنباسار زۇڭلي جاڭ گاۋلي قاتارلى ورتالىقتاعى باسشى جولداستاردىڭ نۇسقاۋىنىڭ، بەكىتۋىنىڭ رۋحىن جەتكىزدى، بۇراتالا موڭعۇل اۆتونوميالى وبلىسىنىڭ جىڭ اۋدانىندا تۋىلعان 6.6 بال جەر سىلكىنىسى اپاتىنىڭ جاعدايىنان جانە جەر سىلكىنىسىنە قارسى اتتانىپ، اپاتتان قۇتقارۋ جاعدايىنان مالىمەت تىڭداپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتى جونىندە قايتالاي ورنالاستىرۋ جاسادى.

    اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بۇراتالا وبلىسىنىڭ جىڭ اۋدانىندا تۋىلعان 6.6 بال جەر سىلكىنىسى اپاتىنىڭ جاعدايىنان جانە جەر سىلكىنىسىنە قارسى اتتانىپ، اپاتتان قۇتقارۋ قىزمەتىنىڭ ورىستەتىلۋ جاعدايىنان مالىمەت بەردى.

    ءماجىلىس مىنانى باسا دارىپتەدى: باس شۋجي شي جينپيڭنىڭ سىچۋان ولكەسىنىڭ جيۋجايگوۋ اۋدانىندا تۋىلعان 7.0بال جەر سىلكىنىسى اپاتى جونىندەگى ماڭىزدى نۇسقاۋى مەن زۇڭلي لي كىچياڭ، ءتوراعا يۇي جىڭشىڭ، ورىنباسار زۇڭلي جاڭ گاۋلي قاتارلى ورتالىقتاعى باسشى جولداستاردىڭ نۇسقاۋىنىڭ، بەكىتۋىنىڭ رۋحى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە وسكەلەڭ ءمان بەرەتىندىگىن، اپات تۋىلعان رايونداعى ءار ۇلت حالىق بۇقاراسىنا بولعان ىقىلاستى قامقورلىعىن تولىق ايگىلەۋمەن قاتار، بۇراتالا وبلىسىنىڭ جىڭ اۋدانىندا تۋىلعان 6.6 بال جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە ايقىن بەتالىس كورسەتىپ، سەنىمىمىزدى نىعايتتى. بۇكىل رايونىمىزداعى ءار دارەجەلى تاراۋلار، اسىرەسە، اپات تۋىلعان وڭىردەگى پارتكوم، ۇكىمەت باس شۋجي شي جينپيڭ قاتارلى ورتالىقتاعى باسشى جولداستاردىڭ ماڭىزدى نۇسقاۋىنىڭ، بەكىتۋىنىڭ رۋحىن جەدەل جەتكىزىپ، ۇيرەنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، جەر سىلكىنىسىنە قارسى اتتانىپ، اپاتتان قۇتقارۋ قىزمەتىن تىڭعىلىقتى، ءونىمدى تۇردە مىقتاپ يگەرۋ كەرەك.

    ءماجىلىس مىنانى اتاپ كورسەتتى: بۇراتالا وبلىسىنىڭ جىڭ اۋدانىندا 6.6 بال جەر سىلكىنىسى تۋىلعاننان كەيىن، اۆتونوميالى رايوندىق پارتكوم، ۇكىمەت جەر سىلكىنىسىنە قارسى اتتانىپ، اپاتتان قۇتقارۋ قىزمەتىنە دەر كەزىندە جاپپاي ورنالاستىرۋ جاساپ، شۇعىل جاعدايعا توتەپ بەرۋدىڭ 3 - دارەجەلى اتتانۋ شاراسىن جەدەل ىسكە قوسىپ، جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابىن قۇرىپ، قىزمەت گرۋپپاسىن اپات بولعان رايوننىڭ ءبىرىنشى شەبىندەگى اپاتتان قۇتقارۋ قىزمەتىنە جەتەكشىلىك ەتۋگە، كومەكتەسۋگە اتتاندىردى، قاتىستى تاراۋلار مەن اپات بولعان وڭىردەگى وبلىستىق، اۋداندىق پارتكوم، ۇكىمەت بەلسەنە، ىرىقتىلىقپەن توتەپ بەرىپ، حاۋىپتەن اراشالاۋ، قۇتقارۋ - كومەكتەسۋ جۇمىسىن بار كۇشپەن ۇيىمداستىرىپ، بۇقارانى جەدەل كوشىرىپ، ورنالاستىردى. نەگىزگى ساتى پارتيا ۇيىمدارى، قىستاقتا تۇراتىن كادرلار، جەرگىلىكتى ورىنداعى كادرلار مەن بۇقارا قاتەردەن اراشالاۋ، اپاتتان قۇتقارۋ قىزمەتىنە دەرەۋ كىرىستى. حالىق ازاتتىق ارمياسىنىڭ كوماندير - جاۋىنگەرلەرى، قارۋلى ساقشى بولىمدەرى، قوعام حاۋىپسىزدىگى سالاسىنىڭ حالىق ساقشىلارى، ءورت ءسوندىرۋ، ورتتەن ساقتانۋ كوماندير - جاۋىنگەرلەرى جانە زاپاستاعى حالىق جاساقتارى جەدەل اتتانىسقا كەلىپ، نەگىزگى قوسىندىق رولىن ساۋلەلەندىردى. قازىر شاتىر، ماقتالى كيىم، ازىق - تۇلىك سياقتى اپاتتان قۇتقارۋ بۇيىمدارى اپات بولعان جەرگە جەتكىزىلىپ، اپاتقا ۇشىراعان بۇقاراعا تاراتىلدى، اپاتتان قۇتقارۋ قىزمەتتەرى سەرپىندى، ءتارتىپتى، ءونىمدى ورىستەتىلۋدە.

جاۋاپتى رەداكتور:سايراش تۇرارجان قىزى