جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا تەكسەرۋ - زەرتتەۋ جۇرگىزۋگە كەلدى

    چى جۇن، چىن چۋانگو ءسوز سويلەدى، شوكىرات زاكىر، نۇرلان ءابىلماجىن ۇلى، سۇن جينلۇڭ، لي پىڭشين اڭگىمە ماجىلىسكە جانە قاتىستى قيمىلدارعا قاتىناستى

    جىجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى چى جۇن جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، 6 - تامىزدان 8 - تامىزعا دەيىن شينجياڭعا باعىتتامالى كومەكتەسۋ قىزمەتىنە تەكسەرۋ - زەرتتەۋ جۇرگىزىپ، ەكى ءوڭىردىڭ اۋىس - كۇيىسىن، سەلبەستىگىن تەرەڭدەتىپ، جاڭا جاعدايداعى شينجياڭعا باعىتتامالى كومەكتەسۋ قىزمەتىن تىزە قوسا العا ىلگەرىلەتتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين اڭگىمە ماجىلىسكە جانە قاتىستى قيمىلدارعا قاتىناستى.

    چىن چۋانگو سوزىندە اۆتونوميالى رايوندىق پارتكوم، حالىق ۇكىمەتى جانە بۇكىل شينجياڭداعى ءار ۇلت حالقى اتىنان، جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا تەكسەرۋ - زەرتتەۋ جۇرگىزۋگە كەلگەندىگىن قارسى الاتىندىعىن ءبىلدىرىپ، جىجياڭ ولكەسىنىڭ ۇزاق ۋاقىتتان بەرى شينجياڭنىڭ ءتۇرلى ىستەرىنىڭ دامۋىن زور كۇشپەن قولداعانىنا جانە قالتقىسىز كومەك كورسەتكەنىنە شىن جۇرەكتەن العىس ايتتى. چىن چۋانگو بىلاي دەدى: جىجياڭ ولكەلىك پارتكوم، حالىق ۇكىمەتى باس شۋجي شي جينپيڭ العا قويعان «8 جاقتاعى باسىمدىقتى ساۋلەلەندىرىپ، 8 جاقتاعى شارانى ىلگەرىلەتۋ ستراتەگياسىنا» تاباندى بولۋدى جالپى باعدارناما ەتىپ، باي، قۇدىرەتتى جىجياڭ، زاڭمەن جونگە سالىناتىن جىجياڭ، مادەنيەتتى جىجياڭ، تىنىش جىجياڭ، كورىكتى جىجياڭ، پاك، كىرشىكسىز جىجياڭ قۇرىلىسىن ءبىر تۇتاس العا ىلگەرىلەتىپ، تامسانارلىق تابىستارعا قول جەتكىزدى، ءبىز مۇنى شىن جۇرەكتەن قۇتتىقتايمىز، جىجياڭنىڭ جاقسى تاجىريبەسىن، جاقسى ءتاسىلىن مۇقيات ۇيرەنەمىز، ودان ۇلگى - ونەگە الامىز. جىجياڭ ولكەلىك پارتكوم، حالىق ۇكىمەتى شينجياڭعا كومەكتەسۋ قىزمەتىنە ايرىقشا ءمان بەرىپ، شينجياڭعا كومەكتەسۋدىڭ «شينجياڭعا كاسىپ سالاسى جاعىنان كومەكتەسىپ، جۇمىسقا ورنالاستىرۋدى جەبەۋ؛ شينجياڭعا حالىق تۇرمىسى جاعىنان كومەكتەسىپ، جۇرت تىلەگىن ۇيىستىرۋ؛ شينجياڭعا اقىل - پاراسات جاعىنان كومەكتەسىپ، دارىندىلاردى تاربيەلەۋ» سياقتى جىجياڭ ەرەكشەلىگىندەگى فورماسىن بەلسەنە تۇلعالاپ، اقسۋ مەن بيڭتۋاننىڭ 1 - ديۆيزياسىنىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعىن، حالىق تۇرمىسىن جاقسارتۋدى پارمەندى جەبەپ، شينجياڭداعى ءار ۇلت حالقىنا سوتسياليستىك ءتۇزىمنىڭ باسىمدىعى مەن وتانىمىزدىڭ ۇلى شاڭىراعىنىڭ مەيىر - شاپاعاتىن سەزىندىردى.

    چىن چۋانگو بىلاي دەپ اتاپ كورسەتتى: ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جىجياڭ ولكەسى سياقتى شينجياڭعا كومەكتەسىپ جاتقان ولكە، قالالاردىڭ زور كۇشپەن قولداپ - قۋاتتاۋىندا، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ماجىلىسىندەگى ورنالاستىرۋلارعا، تالاپتارعا ساي، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنىپ، ءىس جۇزىندىك ارەكەتىمىز ارقىلى پارتيا ورتالىق كوميتەتىن الاڭسىز ەتىپ، جىجياڭ حالقىنىڭ قالتقىسىز كومەگىنىڭ قارىمجىسىن قايتارىپ، پارتيانىڭ 19 - قۇرىلتايىنىڭ جەڭىسپەن اشىلۋىن سۇبەلى ناتيجەلەرمەن قارسى الامىز.

    چى جۇن بىلاي دەدى: جىجياڭ باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ولكەلىك پارتيا قۇرىلتايىنداعى شەشىمدەردى، ورنالاستىرۋلاردى جاپپاي تياناقتاندىرىپ، «2 جوعارى ورە» قۇرىلىسىن جەدەل العا ىلگەرىلەتۋدە. مۇندا ءبىز شينجياڭدى قامتىعان تۋىسقان ولكە، رايونداردان، قالالاردان ۇيرەنۋگە مۇقتاجبىز. ءبىز كىشى پەيىلدىلىكپەن ۇيرەنۋ پوزيتسياسىمەن، سەلبەستىكتى تەرەڭدەتۋ ىزگى نيەتىمەن كەلدىك. ءبىز باعىتتامالى كومەكتەسۋ قىزمەتىن تىڭعىلىقتى جاقسى ىستەۋدى ەكى ءوڭىردىڭ اۋىس - كۇيىسىن، سەلبەستىگىن تەرەڭدەتۋدىڭ ماڭىزدى دانەكەرى ەتىپ، «ءبىر بەلدەۋ، ءبىر جول» دارىپتەمەسى جۇلگەسىندە سەلبەستىك دەڭگەيىن تىنباي جوعارىلاتىپ، سەلبەستىك سالاسىن كەڭەيتىپ، سەلبەستىك تابىسىن مولايتىپ، سەلبەستىكتە بىردەي يگىلىككە كەنەلۋدى جۇزەگە اسىرامىز. ءبىرىنشى، دالمە - ءدال شارا قولدانىپ، دالمە - ءدال تياناقتاندىرىپ، اقسۋ ايماعىنىڭ كەدەيلىكتەن قۇتىلدىرۋدان قامال الۋ شايقاسىندا ءوز ۋاعىندا جەڭىسكە قول جەتكىزۋىن بار كۇشپەن جەبەيمىز. وتە - موتە، كەدەيلەردى جۇمىسقا ورنالاستىرۋ ماسەلەسىن شەشۋدى كومەكتەسۋدىڭ ماڭىزدى مازمۇنى ەتىپ، تۇيىندەرگە دەيىن كومەكتەسۋدى، تۇبىرىنەن سۇيەمەلدەۋدى جۇزەگە اسىرامىز. ەكىنشى، ورايدى مىقتى يگەرىپ، ءتۇيىندى كورنەكتىلەندىرىپ، كاسىپ سالاسى سەلبەستىگىنىڭ دارەجەسى مەن دەڭگەيىن تىنباي جوعارىلاتامىز. ەكسپورتتىق ونىمدەردى مانەرلەۋ باقشا رايونىن قۇرۋعا زەرتتەۋ جۇرگىزىپ، جوبا - جوسپار جاساپ، ەنەرگيانى اشۋ سەلبەستىگىن كۇشەيتىپ، «ينفورماتسيالى جىبەك جولى» مەن وڭتۇستىك شينجياڭداعى گۇل باسۋ - بوياۋ شارۋاشىلىق باقشاسىن بىرگە قۇرامىز. ءۇشىنشى، بارىس - كەلىستى تەرەڭدەتىپ، اۋىس - كۇيىس اياسىن كەڭەيتىپ، جىجياڭ مەن شينجياڭداعى ءار ۇلت جۇرتشىلىعىنىڭ كوڭىلىنىڭ بارىنشا توعىسۋىنا، قول ۇستاسىپ بىرگە دامۋىنا مۇمكىندىك جاسايمىز. ءبىز، سونىمەن بىرگە نەشە ۇرپاق بيڭتۋاندىقتار شىنايى سۇيىسپەنشىلىكپەن جانە ىستىق ىقىلاسپەن جەتىلدىرگەن، ۇزدىكسىز ساۋلەلەندىرىپ كەلگەن بيڭتۋان رۋحىنان مۇقيات ۇيرەنەمىز. بيڭتۋانمەن تىزە قوسا وتىرىپ، قازىرگى تاماشا سەلبەستىك نەگىزىندە «ءبىر بەلدەۋ، ءبىر جول» قۇرىلىسى الا كەلگەن سەلبەستىك ورايىن اناعۇرلىم پارمەندى تۇردە مىقتى يگەرىپ، كاسىپ سالاسى سەلبەستىگىن اناعۇرلىم پارمەندى تۇردە العا ىلگەرىلەتىپ، بيڭتۋاننىڭ 1 - ديۆيزياسىنا باعىتتامالى كومەكتەسۋ قىزمەتىن اناعۇرلىم پارمەندى تۇردە جەبەپ، ارالاسۋ، ىشتەسۋ، توعىسۋ قىزمەتىن اناعۇرلىم پارمەندى تۇردە تىڭعىلىقتى ىستەپ، تەڭ يگىلىككە كەنەلۋدى، قاتار دامۋدى جۇزەگە اسىرامىز.

    شوكىرات زاكىر، جىجياڭ ولكەلىك پارتكومنىڭ تۇراقتى مۇشەسى، ولكەنىڭ ۇنەمىلىك ىستەرگە جاۋاپتى ورىنباسار باستىعى فىڭ في اۆتونوميالى رايوننىڭ، جىجياڭ ولكەسىنىڭ ەكونوميكالىق، قوعامدىق دامۋى مەن شينجياڭعا باعىتتامالى كومەكتەسۋ قىزمەتى جاعدايىن جەكە - جەكە تانىستىردى.

    شينجياڭداعى تەكسەرۋ - زەرتتەۋ كەزىندە، جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭ ءوندىرىس - قۇرىلىس بيڭتۋانىمەن شينجياڭعا باعىتتامالى كومەكتەسۋ قىزمەتى جونىندە اڭگىمە ءماجىلىس وتكىزىپ، اۆتونوميالى رايوندىق مۇراجايدى ارالاپ، ونسۋ اۋدانى جينحۋا جاڭا قىستاعى، شيننۇڭ شارۋالار ساڭىراۋقۇلاق ەگىمشىلىگى كاسىپتىك سەلبەستىك كووپەراتيۆى، زىسۇڭ ىلمە توقىما، كيىم - كەشەك سەرىكتەستىگى، اقسۋ قالاسىنداعى دولان ءمالى باسقارماسىنا قاراستى 1 - بالالار باقشاسى، حۋافۋ رەڭدى توقىماشىلىق جارنا شەكتى سەرىكتەستىگى، بيڭتۋاننىڭ 1 - ديۆيزيا شيپاحاناسى، ارال قالالىق قارتتار ءۇيى، شينيۋە جىبەك جولى سەرىكتەستىگى، سونداي - اق تارىم ۋنيۆەرسيتەتى سياقتى ورىنداردا شينجياڭعا كومەكتەسۋ قىزمەتىنىڭ ورىستەتىلۋ جاعدايىنا تەكسەرۋ - زەرتتەۋ جۇرگىزىپ، كەدەي وتباسىلارعا امانداسا بارىپ، حال سۇراپ، از ۇلت جۇرتشىلىعىمەن تامىر - تانىستىق قاتىناس ورناتتى، 359 - بريگادانىڭ تىڭ يگەرۋ ەسكەرتكىش سارايىن تاماشالاپ، ساقا قىزىل ارميا جاۋىنگەرلەرىنەن حال سۇراپ، اقسۋ ايماعى مەن بيڭتۋاننىڭ 1 - ديۆيزياسى ارال قالاسىنا باعىتتامالى كومەكتەسۋ قىزمەتى جونىندە اقسۋ قالاسىندا اڭگىمە ءماجىلىس وتكىزىپ، شينجياڭعا باعىتتامالى كومەكتەسۋ قىزمەتىن تەرەڭدەتۋ ەسكەرتپە حاتىنا قول قويىسىپ، «10 قالادان 100 دۇكەن قۇرۋ» ينجەنەرياسىن ىسكە قوستى، جىجياڭ ولكەسىنەن شينجياڭعا كومەكتەسۋگە كەلگەن كادرلارعا جانە جىجياڭ ساۋداگەرلەرىنىڭ ۋاكىلدەرىنە امانداستى، حال سۇرادى.

    جىجياڭ ولكەسىنىڭ باسشىلارىنان رىن جىنحى، چىن جينبياۋ، اۆتونوميالى رايون باسشىلارىنان لي شۋەجۇن، ما شۋەجۇن، پىڭ جيارۇي، نيجات سۇلتان، جاۋ چۇڭجيۋ، كۇڭ شيڭلۇڭ، لي شينميڭ، شاۋ فىڭ، جاڭ ۋىنچۋان، ليۋ جيانميڭ، ياۋ شينمين، لي پيڭ، لي جيدۇڭ قاتىستى قيمىلدارعا قاتىناستى.

جاۋاپتى رەداكتور:سايراش تۇرارجان قىزى