ەرىكتىلەر شەكارانى جانە قالاشىقتاعى نەگىزدىك قۇرىلعىلاردى ەكسكۋرسسيالادى

    قۇرمانگۇل اسپەن قىزى حابارلايدى. 5-تامىزدا، تايكەشكەن قالاشىعىنىڭ باستىعى ۇلان، پارتكومنىڭ ورىنباسار شۋجيى داي گو، پارتكوم جوراسى نۇرلان قاتارلىلار 2016-جىلعى جانە 2017-جىلعى باتىس ءوڭىر جوسپارى ەرىكتىلەرىن باستاپ، جۇڭگو شەكاراسىنىڭ شەكارا بەلگىسىن، قالاشىققا قاراستى ءاربىر قىستاقتىڭ نەگىزدىك قۇرىلعى-قۇرىلىستارىن ەكسكۋرسسيالاتىپ، ەرىكتىلەرمەن بىرگە ەستەلىك سۋرەتكە ءتۇستى.

    بۇل رەتكى مەملەكەت شەكاراسىن ەكسكۋرسسيالاۋ سىندى وتانشىلدىق تاربيە قيمىلى ەرىكتىلەردىڭ تۇرمىسىن بايىتىپ، ولاردىڭ وتانشىلدىق تانىمىن تەرەڭدەتتى. ەرىكتىلەر ايىرىقشا كوڭىلدى تۇردە شەكارا بەلگىسى الدىندا سۋرەتكە ءتۇستى.

    قالاشىققا قاراستى قىستاقتارعا بارعاندا، پارتكومنىڭ ورىنباسار شۋجيى داي گو ءارقايسى قىستاقتىڭ جاعدايىن، گۋمانيتارلىق سالت-ساناسىن ەگجەي-تەگجەيلى ءتۇسىندىرىپ، ەرىكتىلەردىڭ قالاشىق جاعدايىنا قانىق بولۋىنا كومەكتەستى.

ءتىلشىنىڭ قىزمەت ورنى: شىڭگىل اۋداندىق ۇگىت ءبولىمى

جاۋاپتى رەداكتور:سايراش تۇرارجان قىزى