كوڭىلگە كوكتەم سيلاعان كوڭىلدى كەشتەر

 
قىستاققا تۇسكەن كادرلاردىڭ جەتەكشىلىگىندە قىستاق تۇرعىندارى الاڭ بيىنە جاتتىعۋدا

    جەڭىسقان اسقار ۇلى، ۇلان بازاربەك ۇلى حابارلايدى. جاراسىمدى قوعام قۇرىپ، ۇلتتار اراسىنداعى تابيعي جاراسىمدىلىقتى ءتىپتى دە نىعايتىپ، ءوزارا مادەنيەت، كوركەمونەر اۋىس-كۇيىسىن ارتتىرىپ، كوڭىلدى كەش ۇيىمداستىرىپ جاتقان ساۋان اۋداندىق مادەنيەت، دەنەتاربيە مەكەمەسىنەن كونە ساۋان قالاشىعى تۋگۇ قىستاعىنا تۇسكەن قىزمەتكەرلەردىڭ قۇلشىنىسى مەن بەلسەنە ۇيىمداستىرۋىندا تۋگۇ قىستاعىنداعى ءار ۇلت حالقى قىستاق كوميتەتىنىڭ اۋلاسىنداعى شاعىن مادەنيەت الاڭىندا كەشكە قاراي ويناقى ءار ۇلت مۋزىكالارىنىڭ سۇيەمەلدەۋىندە مىڭ بۇرالا بيگە باسىپ،ءوزارا ۇيرەنىپ كەشتەرىن باي مازمۇندى الۋان ءتۇرلى بيلەرمەن شات-شادىمان وتكىزىپ جاتىر.

    كەشكە تامان قىستاقتاعى «ەڭبەكتەگەن بالادان ەڭكەيگەن قارتقا» دەيىن قىستاق كوميتەتىنىڭ اۋلاسىنداعى شاعىن مادەنيەت الاڭىنا تۇگەل جينالىپ ءبىر جاعىنان مارە-سارە باس قوسىپ، اڭگىمە دۇكەنىن قۇرىپ، ەندى ءبىر جاعىنان قىستاقتاعى ءار ۇلت ايەل جولداستارىن نەگىز ەتىپ، وزدىكتەرىنەن ۇيىمداسقان بيشىلەر توبىنىڭ ءار ۇلت حالقىنىڭ ءبيىن بيلەپ، ماشىق جاساپ جاتقان جاندى قيمىلدارىن كورىپ كوز ايدىن بولادى.

    مىنە، بۇل ماۋسىم ايىنان بەرى قاراي قىزمەت اترەتىندەگى جولداستاردىڭ ءتۇرلى شارت-جاعداي ازىرلەپ، قىستاقتاعى ايەلدەر قىزمەتىنە جاۋاپتى جولداستارمەن سايكەسىپ، وزدەرى باستاماشى بولىپ، بەلسەنە ۇيىمداستىرىپ، تۋگۇ قىستاعىنىڭ مادەني تۇرمىسىن ءتىپتى دە جانداندىرۋدى، ءار ۇلت حالقى ورتاسىنداعى تۇسىنىستىكپەن ءوزارا ورتاق ۇيرەنۋدى ماقسات ەتكەن، تاماشا ورتا دايىنداپ بەرۋ قيمىلى بولاتىن.

    بۇل كۇندەرى قىزمەت اترەتىنىڭ قولعا العان وسى ءبىر بۇقارالىق سيپاتى كۇشتى، بەرەكەنىڭ تۇعىرىن بەكەمدەگەن قىزمەتى جاقسى ناتيجە بەرىپ، قىستاقتاعى ءار ۇلت باۋىرلاستاردىڭ قىزۋ قارسى الۋى مەن ىشكەرىلەي ارالاسىپ، تۇسىنىسۋىنە تاماشا وراي جاراتتى.

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى