شىڭگىل اۋدانى «جالپى حالىقتىق دەنە شىنىقتىرۋ كۇنى» قيمىلى جانە 6-كەزەكتى الاڭ ءبيى كونسەرتىن وتكىزدى


    قۇرمانگۇل اسپەن قىزى حابارلايدى. 2017-جىلى 8-تامىز كۇنى تۇستەن كەيىن، شىڭگىل اۋداندىق مادەنيەت، دەنەتاربيە مەكەمەسى مەن شىڭگىل قالاشىعى باس بولىپ، شىڭگىل اۋداندىق مادەنيەت سارايى، كوركەمونەر ۇيىرمەسى، كاسىپتەن سىرتقى دەنەتاربيە مەكتەبى ۇستىنە الىپ وتكىزگەن 2017-جىلعى 8-تامىز «جالپى حالىقتىق دەنە شىنىقتىرۋ كۇنى» قيمىلى جانە 6-كەزەكتى الاڭ ءبيى كونسەرتى اۋداندىق مادەنيەت الاڭىندا وتكىزىلدى.

    قيمىل باستالاردان بۇرىن، قىسقا دا ماعىنالى باستالۋ سالتى بولىپ ءوتتى.

    ۇكىمەتتىڭ ورىنباسار اكىمى ۋاڭ جۇنپيڭ جولداس ماڭىزدى ءسوز سويلەپ، ءارقايسى تاراۋلاردىڭ تانىمدى تەرەڭدەتۋىن، جالپى حالىقتىڭ دەنەتاربيە ارقىلى دەنە شىنىقتىرۋعا ءمان بەرۋىن «دەنەتاربيە دەگەنىمىز — تۇرمىس، دەنە شىنىقتىرۋ دەگەنىمىز — سالەمەتتىلىك» دەگەن يدەيانى ورناتىپ، ۇيدە وتىرماي، سىرتقا شىعىپ دەنەتاربيەمەن شۇعىلدانىپ، دەنەتاربيەنى تۇرمىسىتىڭ ءبىر بولەگىنە اينالدىرۋ كەرەك دەگەندى تالاپ ەتتى.

    كونسەرت باي مازمۇندى بولىپ، حالىق تۇرمىسىنا جاناسىمدى ياڭگى ءبيى، 48 ۇلگىسىندەگى تايجي سەمسەرى سىندى ويىن تۇرلەرى كورسەتىلدى. بۇل رەتكى قيمىل تۇرعىندارعا دەنە شىنىقتىرۋ بىلىمدەرىن ۇيرەتىپ، دەنەتاربيەلىك شىنىعۋدى ادەتكە اينالدىرۋ، شىنىعۋدى ۇنەمىلىك ىسكە اينالدىرۋدى دارىپتەدى.

جاۋاپتى رەداكتور:سايراش تۇرارجان قىزى