شي جينپيڭ سىچۋان ولكەسىنىڭ جيۋجايگوۋ اۋدانىندا تۋىلعان 7.0 بال جەر سىلكىنىسى اپاتىنا بايلانىستى ماڭىزدى نۇسقاۋ بەردى

    اپاتتان قۇتقارۋعا دەرەۋ كۇش ۇيىمداستىرىپ، جارالىلاردى بار كۇشپەن قۇتقارىپ، ءولىم - ءجىتىمدى مۇمكىندىكتىڭ بارىنشا ازايتۋدى تالاپ ەتتى

    شينحۋا اگەنتتىگىنىڭ 8 - تامىزدا بەيجيڭنەن بەرگەن حابارى. 8 - تامىز ساعات 21دەن 19 مينۋت وتكەندە سىچۋان ولكەسى ابا وبلىسىنىڭ جيۋجايگوۋ اۋدانىندا (سولتۇستىك ەندىك 33.2گرادۋس، شىعىس بويلىق 103.82گرادۋس) 7.0 بال جەر سىلكىندى، سىلكىنىس قاينارىنىڭ تەرەڭدىگى 20 كيلومەتر. 8 - تامىز ساعات 23تەن 30 مينۋتقا دەيىن، جەر سىلكىنىسىندە 5 ادام ءولىپ، 70 نەشە ادام جارالانعان.

    جەر سىلكىنگەننەن كەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا كوڭىل ءبولىپ، دەرەۋ ماڭىزدى نۇسقاۋ بەرىپ، مىنالاردى تالاپ ەتتى: جيۋجايگوۋداعى 7.0بال جەر سىلكىنسى اپاتىنا قاتىستى جاعدايلاردى دەرەۋ ۇعىسۋ، اداقتاۋ، اپاتتان قۇتقارۋعا دەرەۋ كۇش ۇيىمداستىرۋ، جارالىلاردى بار كۇشپەن قۇتقارۋ، ساياحاتشىلار مەن اپاتقا ۇشىراعان جۇرتشىلىقتى بىتىراتىپ ورنالاستىرۋ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. قازىرگى كەز تاسقىن جۇرەتىن مەزگىل، ونىڭ ۇستىنە، ساياحاتتىڭ قاۋىرت مەزگىلى دە وسى كەز، اۋا رايى جونىندە الدىن الا مالىمەت بەرۋدى جانە گەولوگيالىق باقىلاۋ - تەكسەرۋدى ونان ارى كۇشەيتىپ، اپاتتان ساقتانۋدى بارىنشا قاداعالاپ، اپاتقا قارسى اتتانۋ، اپاتتان قۇتقارۋ قىزمەتىن شىنايى جاقسى ىستەپ، حالىق جۇرتشىلىعىنىڭ باس اماندىعى مەن مال - مۇلكىنىڭ حاۋىپسىزدىگىن مۇمكىندىكتىڭ بارىنشا قامتاماسىزداندىرۋعا قۇلشىنۋ كەرەك.

    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جازىپ، اپات جاعدايىن جەدەل اداقتاپ، قاتەردەن اراشالاۋ، اپاتتان قۇتقارۋدى بار كۇشپەن ۇيىمداستىرىپ، ءولىم - ءجىتىمدى مۇمكىندىكتىڭ بارىنشا ازايتىپ، اپاتقا ۇشىراعان بۇقارانى يكەمدىلىكپەن تىڭعىلىقتى ورنالاستىرۋدى، اپات جاعدايىن باقىلاۋ - تەكسەرۋدى كۇشەيتىپ، قوسالقى اپاتتاردىڭ تۋىلۋىنان ساقتانۋدى تالاپ ەتتى.

    شي جينپيڭنىڭ نۇسقاۋى مەن لي كىچياڭنىڭ تالابىنا ساي، مەملەكەتتىك كەڭەس اپات زيانىن ازايتۋدىڭ مەملەكەتتىك كوميتەتىنەن، مەملەكەتتىك كەڭەستىڭ جەر سىلكىنىسىنە قارسى اتتانۋ، اپاتتان قۇتقارۋ قولباسشىلىق شتابىنان ۇيىمداسقان قىزمەت گرۋپپاسىن اپات تۋىلعان جەرگە بارىپ جەر سىلكىنىسى اپاتىنا قارسى اتتانىپ، اپاتتان قۇتقارۋ قىزمەتىنە قولباسشىلىق ەتۋگە اتتاندىردى. سىچۋان ولكەلىك پارتكومنىڭ، حالىق ۇكىمەتىنىڭ نەگىزگى باسشىلارى اپات بولعان جەرگە بارىپ قۇتقارۋ، كومەك كورسەتۋ قىزمەتىن ورىستەتۋدە. سىچۋان ولكەسى، ابا وبلىسى جەر سىلكىنىسىنە بايلانىستى شۇعىل جاعدايعا توتەپ بەرۋ بويىنشا 1 - دارەجەلى ات سالىسۋدى ىسكە قوستى. كەزەكتە جەر سىلكىنىسى اپاتىنا قارسى اتتانىپ، اپاتتان قۇتقارۋدىڭ ءتۇرلى قىزمەتى شۇعىل، ءتارتىپتى ورىستەتىلۋدە.

جاۋاپتى رەداكتور:سايراش تۇرارجان قىزى