شي جينپيڭ سىچۋان ولكەسىنىڭ جيۋجايگوۋ اۋدانىندا تۋىلعان 7.0 بال جەر سىلكىنىسى جونىندە ماڭىزدى نۇسقاۋ بەردى

دەرەۋ ۇيىمداستىرىپ، اپاتتان قۇتقارۋعا كۇش سالا كىرىسىپ، جارالانعانداردى قۇتقارىپ، ءولىم – ءجىتىم مولشەرىن ەڭ تومەنگى شەككە ءتۇسىرۋدى تالاپ ەتتى

 لي كىچياڭ سىلكىنىسكە قارسى اتتانىپ، اپاتتان قۇتقارۋ قىزمەتىنە بەكىتپە جاسادى

    8-تامىز ساعات 21 دەن 19 مينۋت وتكەندە، سىچۋان ولكەسى ابا زاڭزۋ – چياڭزۋ اۆتونوميالى وبلىسى جيۋجايگوۋ اۋدانىندا (سولتۇستىك ەندىك 33.2 گرادۋس، شىعىس بويلىق 103.82 گرادۋس) 7.0 بال جەر سىلكىندى، سىلكىنىس قاينارىنىڭ تەرەڭدىگى 20 كيلومەتر. 8-تامىز ساعات 23 تەن 30 مينۋت وتكەنگە دەيىن، وسى جەر سىلكىنىسىنەن 5 ادام قازا بولىپ، 70 تەن استام ادام جارالاندى.

    جەر سىلكىنسى تۋىلعاننان كەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەرىپ، دەركەزىندە ماڭىزدى نۇسقاۋ بەرىپ، جيۋجايگوۋدا تۋىلعان 7.0 بال جەر سىلكىنىسىنىڭ اپات  جاعدايىن جەدەل ۇعىسىپ، دەرەۋ كۇش ۇيىمداستىرىپ، اپاتتان قۇتقارىپ، جارالىلاردى قۇتقارۋعا كۇش سالا كىرىسىپ، ساياحاتشىلار مەن اپاتقا ۇشىراعان حالىق بۇقاراسىن تاراتىپ جانە كوشىرىپ، حاۋىپسىز ورىنعا ويداعىداي ورنالاستىرىپ، ءولىم – ءجىتىم مولشەرىن ەڭ تومەنگى شەككە ءتۇسىرۋدى تالاپ ەتتى. قازىر تاسقىن ءجۇرىپ جاتقان مەزگىل، ونىڭ ۇستىنە ساياحاتتىڭ قاۋىرت مەزگىلى، اۋا رايى ساقتىعى مەن گەولوگيالىق باقىلاۋدى ءتىپتى دە كۇشەيتىپ، ءتۇرلى اپاتتىڭ تۋىلۋىنان ساقتانىپ، اپاتقا قارسى تۇرۋ، اپاتتان قۇتقارۋ قىزمەتىن تىڭعىلىقتى ىستەپ، بار كۇشپەن حالىق بۇقاراسىنىڭ ءومىرى مەن مال-مۇلىكىنىڭ حاۋىپسىزدىگىن كەپىلدىك ەتۋ كەرەك.

    ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتپە بەرىپ، اپات جاعدايىن جەدەل تۇراقتاندىرىپ، حاۋىپتەن اراشالاۋ، كومەك بەرۋ قىزمەتىن كۇش سالا ۇيىمداستىرىپ، ءولىم – ءجىتىم مولشەرىن ەڭ تومەنگى شەككە ءتۇسىرىپ، اپاتقا ۇشىراعان حالىق بۇقاراسىن ۇيلەسىمدى جوتكەپ، ورنالاستىرۋدى، اپات جاعدايىن باقىلاۋدى كۇشەيتىپ، قايتالاي اپات تۋىلۋدان ساقتانۋدى تالاپ ەتتى.

شي جينپيڭنىڭ نۇسقاۋى مەن لي كىچياڭنىڭ تالابىنا ساي، مەملەكەتتىك كەڭەس مەملەكەتتىك اپات زيانىن ازايتۋ كوميتەتى، مەملەكەتتىك كەڭەستىڭ سىلكىنىسكە قارسى اتتانىپ، اپاتتان قۇتقارۋ قىزمەتىنە قولباسشىلىق ەتۋ شتابى ۇيىمداستىرعان قىزمەت گرۋپپاسى جەدەل اپات تۋىلعان جەرگە جەتىپ سىلكىنىسكە قارسى اتتانىپ، اپاتتان قۇتقارۋ قىزمەتىنە جەتەكشىلىك ەتتى. سىچۋان ولكەلىك پارتكومداعى، ولكەلىك ۇكىمەتتەگى نەگىزگى جاۋاپتى جولداستار ناق مايدانعا جەدەل جەتىپ، قۇتقارۋ، كومەك بەرۋ قىزمەتىن ەتەك الدىردى. سىچۋان ولكەسى، ابا زاڭزۋ – چياڭزۋ اۆتونوميالى وبلىسى 1 – دارەجەلى توتەپ بەرۋ كۇيىنە ءوتتى. قازىر سىلكىنىسكە قارسى اتتانىپ، اپاتتان قۇتقارۋداعى ءتۇرلى قىزمەت تارتىپپەن جەدەل ورىستەتىلۋدە.

جاۋاپتى رەداكتور:سايراش تۇرارجان قىزى