شي جينپيڭ جولداس ۇيىتقى بولعان پارتيا ورتالىق كوميتەتىنىڭ حالىقتىق دەنە شىنىقتىرۋ قىزمەتىنە كوڭىل بولگەنى جونىندە

    بيىلعى 8 – تامىز ــ ەلىمىزدىڭ 9 – رەتكى حالىقتىق دەنە شىنىقتىرۋ كۇنى.

    وتانىمىزدىڭ بايتاق دالاسىندا بۇل كۇندە دەنە شىنىقتىرۋ ورلەۋى كوتەرىلدى، باياۋ جۇگىرۋ، الاڭ ءبيى، تاق – تۇق دوپ، قاۋىرسىن دوپ، سۋدا مالتاۋ، جارتاسقا ورمەلەۋ سياقتى دەنەتاربيە قيمىلدارىمەن شۇعىلدانۋشىلاردىڭ قاتارى كۇننەن – كۇنگە كوبەيدى.حالىقتىق دەنە شىنىقتىرۋ حالىققا باقىت جاراتىپ، ۇلتتىڭ كەلەشەگىن بەكەمدەيدى.

    پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى دەنەتاربيە قىزمەتىنە ايرىقشا ءمان بەرىپ، قامقورلىق جاساپ كەلەدى، دەنەتاربيە ىستەرىن رەفورمالاپ دامىتۋ جاعىندا ارناۋلى جوبا – جوسپار جاساپ، حالىقتىق دەنە شىنىقتىرۋدى مەملەكەتتىك ستراتەگيا ورەسىنە كوتەرىپ، حالىقتىق دەنە شىنىقتىرۋ قيمىلىن كەڭ كولەمدە ورىستەتىپ، حالىقتىق دەنە شىنىقتىرۋ مەن حالىقتىڭ سالاماتتىعىنىڭ ىشكەرىلەي توعىسۋىن ىلگەرىلەتتى.

    بارشا وتباسىلارعا تيىمدىلىك جەتكىزەتىن بۇقارالىق اۋەستەن تەرەڭ ىقپالى بار مەملەكەتتىك ستراتەگياعا دەيىن، «ارەكەت تۇرمىسىمىزعا اجار قوسادى» دەيتن حالىقتىق دەنە شىنىقتىرۋ جۇرت كوڭىلىنە تەرەڭ ۇيالاپ، تاماشا سالتقا اينالدى.

    حالىقتىق دەنە شىنىقتىرۋدىڭ مەملەكەتتىك ستراتەگياسىن اتقارىپ، حالىقتىق دەنە شىنىقتىرۋ ىستەرىن دامىتۋدىڭ جاڭا جورىعىن باستاۋبيىلعى 5 – شىلدە، گەرمانيا بەرلين وليمپيادا دەنەتاربيە الاڭى. باس شۋجي شي جينپيڭ تاماشالاۋ تەكشەسىندە جاسىل الاڭدا دوپ تەۋىپ جاتقان جۇڭگو – گەرمانيا جاستار – ورەندەر پۋتبول شەبەرلەرىنە كۇلىمسىرەي نازار اۋدارۋدا.

    3 جىلدىڭ الدىنداعى 29 – ناۋرىز، تاعى دا وسى ارادا باس شۋجي شانشي ولكەسى جىدان اۋدانى ورەندەر پۋتبول اترەتىنىڭ گەرمانيا ۋولفسبۋرگ پۋتبول كلۋبى ورەندەر اترەتىمەن وتكىزگەن جارىسىن تاماشالاپ: «مەن سەندەرگە قىزىعامىن، سەندەردىڭ وسى داۋىرلەرىڭە قىزىعامىن» دەگەن بولاتىن. باس شۋجيدىڭ ىزگى تىلەگى ورەندەردى ەرەكشە تەبىرەنتكەن ەدى.

    3 جىل ارالىعىندا باس شۋجي شي جينپيڭ وسى ارادا پۋتبولشى جاستار – ورەندەرمەن 2 رەت جۇزدەستى، وسى ەكى رەتتە دە جىدان ورەندەر پۋتبول اترەتىنىڭ باستىعى شۇي جى – يۇي بار ەدى، ول ءوز اسەرىن اڭگىمەلەگەندە: «سول كەزدەن باستاپ بەرىك يرادا ورناتىپ، ءبىر جاعىنان ساباقتى جاقسى وقۋعا، ءبىر جاعىنان دوپتى جاقسى ويناۋعا قۇلشىندىم» دەدى.

    باس شۋجيدىڭ ورەندەر پۋتبول اترەتىنىڭ ارماندارىن ىسكە اسىرۋىنا جەبەۋشى بولۋى بۇكىل ەلدە زور ءدۇمپۋ قوزعادى. كىسىنى جەلپىندىرەرلىگى، جىدان پۋتبول ماركاسىنىڭ ىقپالىمەن پۋتبول دەنەتاربيەسى مەكتەپ، كاسىپورىن، الەۋمەتتىك اۋماق، اۋىل – قىستاققا بەت الىپ، سول جەرلەردە حالىقتىق دەنە شىنىقتىرۋ قيمىلدارى كەڭ كولەمدە ورىستەتىلدى، دەنە شىنىقتىرۋعا قىزىعۋ، قاتىناسۋ، ونى اسپەتتەۋ سىندى تاماشا اۋان قالىپتاستى.

جاۋاپتى رەداكتور:سايراش تۇرارجان قىزى