پارتيانى جاپپاي قاتاڭ جونگە سالۋدى تەرەڭدەي دامىتۋدى بۇلجىماي ىلگەرىلەتەيىك

− باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە (8)

    جۇڭگونىڭ ىستەرىن تىڭعىلىقتى ىستەۋدىڭ تەتىگى − پارتيادا.

    «پارتيا حالىقتى ىنتىماقتاستىرىپ، باستاپ، ۇلى كۇرەستەر جۇرگىزىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرۋى ءۇشىن، ءسوز جوق، پارتيانىڭ باسشىلىعىنا مىزعىماي تاباندى بولىپ جانە ونى كەمەلدەندىرىپ، پارتيا قۇرىلىسىنىڭ جاڭا، ۇلى ينجەنەرياسىن بۇلجىتپاي ىلگەرىلەتىپ، پارتيانى ءتىپتى دە قۋاتتى، ءتىپتى دە پارمەندى ەتىپ قۇرىپ شىعۋ كەرەك». باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشىلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا سويلەگەن ماڭىزدى ءسوزى پارتيانىڭ 18 - قۇرىلتايىنان بەرى پارتيانى جاپپاي قاتاڭ جونگە سالۋدا قول جەتكەن تابىستاردى تولىق تۇراقتاندىرىپ، پارتيانىڭ باسشىلىعىن كۇشەيتۋدىڭ، پارتيا قۇرىلىسىن ىلگەرىلەتۋدىڭ توتەنشە ماڭىزدىلىعىن تەرەڭ ءتۇسىندىرىپ، پارتيانى جاپپاي قاتاڭ جونگە سالۋدى ءۇرتىس ىلگەرىلەتۋدىڭ جاڭا تالاپتارىن ايقىن ورتاعا قويدى، ول جاڭا جاعدايدا پارتيانىڭ باسشىلىعىن كۇشەيتۋ مەن كەمەلدەندىرۋدىڭ يدەيالىق قىبلاناماسى، پارتيانى جاپپاي قاتاڭ جونگە سالۋدى تەرەڭدەي دامىتۋدىڭ ءتۇبىرلى ولشەمى.

    ءبىر ساياسي پارتيانىڭ، ءبىر بيلىكتىڭ بولاشاعى مەن تاعدىرى حالىقتىڭ قۇپتاۋ - قۇپتاماۋىنا بايلانىستى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ باسشىلىعىن جاپپاي كۇشەيتىپ، پارتيانى قاتاڭ جونگە سالۋدى جان - جاقتى ىلگەرىلەتىپ، حالىق بۇقاراسىنىڭ اڭىسى ەڭ كۇشتى بولعان، پارتيانىڭ بيلىك جۇرگىزۋ نەگىزىنە قاتەرى ەڭ اۋىر ماسەلەلەردى كۇش سالا شەشىپ، جەمقورلىققا قارسى كۇرەستىڭ تەگەۋرىندى كۇيىن قالىپتاستىردى، پارتيانىڭ ىشكى ساياسي تۇرمىسىنىڭ بەت - بەينەسىن جاڭارتىپ، پارتيانىڭ بيلىك جۇرگىزۋ نەگىزى مەن بۇقارالىق نەگىزىن اناعۇرلىم بەكەمدەپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەدى. 5 جىلدان بەرى پارتيا ستيلى، ۇكىمەت ستيلى وسىعان بايلانىستى جاڭارىپ، پارتيا تىلەگى، حالىق تىلەگى وسىعان ىلەسە سەرپىلىپ، حالىق بۇقاراسىنىڭ شىنايى ماداعىنا يە بولدى. پارتيانى جاپپاي قاتاڭ جونگە سالۋدىڭ ناتيجەلەرى تولىق تۇراقتاندىرۋعا تاتيدى، تاجىريبەلەرى ىشكەرىلەي قورىتىندىلاۋعا تاتيدى.

    پارتيانىڭ، ۇكىمەتتىڭ، ارميانىڭ، حالىقتىڭ، مەكتەپتىڭ، كۇللى جۇڭگونىڭ بارلىق ىسىنە پارتيا باسشىلىق ەتەدى. اماليات بىزگە مىنانى بارعان سايىن تەرەڭ ۇعىندىردى: پارتيانى باسقارۋ، پارتيانى جونگە سالۋ − پارتيانىڭ بولاشاعى مەن تاعدىرىنا سايىپ قانا قالماستان، مەملەكەت پەن ۇلتتىڭ بولاشاعىنا دا، تاعدىرىنا دا سايادى. تەك پارتيا قۇرىلىسىن اناعۇرلىم جاقسارتقاندا عانا، پارتيامىزدى ماڭگىلىك ومىرشەڭدىك كۇشكە جانە قۇدىرەتتى جاۋىنگەرلىك قۋاتقا يە ەتكەندە عانا، پارتيامىز حالىقتى باستاپ ماڭىزدى سىنداردان ءساتتى ءوتىپ، كەلەلى حاۋىپ - قاتەرلەرگە ءساتتى توتەپ بەرىپ، اۋىر كەدەرگىلەردى ءساتتى جەڭىپ، كەلەلى قايشىلىقتاردى ءساتتى شەشىپ، جەڭىستەن - جەڭىسكە جەتە الادى. قازىر ەلىمىزدىڭ دامۋى تىڭ تاريحي بەلەستە تۇر، جۇڭگوشا سوتسياليزم جاڭا دامۋ كەزەڭىنە ءوتتى، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ پارتيامىز، ءسوزسىز، ورىنداۋعا ءتيىستى تاريحي بورىش. «تەمىر سوعۋعا قۇرىش بىلەك كەرەك». تەك ءتىپتى دە زور بەكىممەن، ءتىپتى دە زور باتىلدىقپەن، ءتىپتى دە زور كۇش - قۋاتپەن پارتيانى باسقارۋدى، پارتيانى جونگە سالۋدى مىقتاپ، تىڭعىلىقتى يگەرگەندە عانا، پارتيا قۇرىلىسىنىڭ تىڭ دا ۇلى ينجەنەرياسىن مىزعىماستان ىلگەرىلەتكەندە عانا، پارتيامىز حالىقتى ىنتىماقتاستىرا باستاپ، كوپتەگەن تىڭ تاريحي ەرەكشەلىكتەرگە يە ۇلى كۇرەستەردى جەڭىستى جۇرگىزىپ، جۇڭگوشا سوتسياليزم ۇلى ىستەرىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بولادى.

    پارتيانى جاپپاي قاتاڭ جونگە سالۋ ماڭگى جالعاسادى. پارتيا 18 - قۇرىلتايىنان بەرى، پارتيانى جاپپاي قاتاڭ جونگە سالۋ تاريحي ناتيجەلەرگە قول جەتكىزدى. دەسەدە بۇعان بولا داندايسىپ، كوزسىزدىكپەن ماساتتانۋىمىزعا استە بولمايدى. رەالدىق بىزگە پارتيانى جاپپاي قاتاڭ جونگە سالۋدىڭ مىندەتى اۋىر، جولى الىس ەكەنىن، پارتيانى باسقارۋدان، پارتيانى جونگە سالۋدان ءبىر ءسات تە بوساڭسىماۋىمىز كەرەك ەكەنىن ەسكەرتتى. پارتيانى جاپپاي قاتاڭ جونگە سالۋدى تەرەڭدەي دامىتۋدا، ءسوزسىز، ماسەلەنى كوزدەۋدەن جازباۋىمىز، ستراتەگيالىق تاباندىلىقتى ساقتاپ، قاتاڭ، بەرىك بولۋ سىندى ارقاۋدى باستان - اياق مىقتى تارتىپ، پارتيانى باسقارۋدىڭ، پارتيانى جونگە سالۋدىڭ جاۋاپكەرشىلىگىن تىڭعىلىقتى تياناقتاندىرىپ، پارتيا ىشىندە ءومىر سۇرگەن كورنەكتى قايشىلىقتار مەن تەرەڭ قاتپارداعى ماسەلەلەردى ۇزدىكسىز شەشىپ، پارتيانى جاپپاي قاتاڭ جونگە سالۋ وي جەلىسى مەن شاراسىن اناعۇرلىم عىلمي، اناعۇرلىم بەكەم، اناعۇرلىم ءونىمدى ەتىپ، پارتيانىڭ بيلىك جۇرگىزۋدىڭ سىنىنا، رەفورما جاساپ، ەسىك اشۋدىڭ سىنىنا، بازار شارۋاشىلىعىنىڭ سىنىنا، سىرتقى ورتانىڭ سىنىنا اناعۇرلىم جاقسى توتەپ بەرىپ، رۋحاني ەنجارلىق قاتەرىن، قابىلەت جەتپەۋ قاتەرىن، بۇقارادان قول ءۇزۋ قاتەرىن، كەرەناۋلىق، جەمقورلىق قاتەرىن اناعۇرلىم جاقسى جەڭىپ، تاريحي «ەمتيحاندا» ۇزدىك ناتيجە جاراتۋىنا شىنايى كەپىلدىك ەتۋ كەرەك.

    تاريح پەن رەالدىق مىنانى دالەلدەدى: جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليزم ءتۇزىمىنىڭ ەڭ زور باسىمدىعى. بۇكىل پارتيا باس شۋجي شي جينپيڭنىڭ «26 - شىلدەدە» سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا تاريحي باستامادا اۋەلگى ماقساتتى ۇمىتپاي، ۇدەرە العا تارتىپ، پارتيانى جاپپاي قاتاڭ جونگە سالۋدى تەرەڭدەي دامىتۋدى مىزعىماي ىلگەرىلەتىپ، باستان - اياق حالىقپەن بىرگە ويلاپ، بىرگە ىستەپ، جۇڭگو حالقىنىڭ ۇلى ارمانى تيەلگەن الىپ كەمەنى تولقىن جارا العا ىلگەرىلەتىپ، شۇعىلالى ۇمىتكە جەڭىسپەن باستاۋ كەرەك.

جاۋاپتى رەداكتور:نۇرجان مينۋار قىزى