جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جۇڭگو ارمانىن جۇزەگە اسىرۋ جولىندا كۇرەس جۇرگىزەيىك

    − باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

    ۇلى تابىستاردىڭ بارلىعى توقتاۋسىز كۇرەس جۇرگىزۋدىڭ ناتيجەسى، ۇلى ىستەردىڭ بارلىعى بۇرىنعىعا مۇراگەر، كەيىنگىگە بۇيداگەر بولۋ بارىسىندا ىلگەرىلەتۋدى قاجەت ەتەدى.

    ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقىلاۋ كۋرسىندا باس شۋجي شي جينپيڭ «قوس 100 جىلدىق» كۇرەس نىساناسىن ىسكە اسىرۋدى جاڭا قىرىنان بايىمداپ، جاڭا تالاپتاردى ورتاعا قويىپ، 2020 - جىلى جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق نىسانانى ىسكە اسىرۋدى ءارى حالىقتىڭ قۇپتاۋىنا يە بولىپ، تاريحتىڭ سىنىنان ءوتۋدى، سونان كەيىن، بۇكىل پارتيانى، بۇكىل ەلدەگى ءار ۇلت حالقىن ەكىنشى 100 جىلدىق كۇرەس نىساناسىن ىسكە اسىرۋ جولىندا قۇلشىنىس جاساۋعا ىنتالاندىرىپ، سوتسياليستىك وسىزاماندانعان مەملەكەت قۇرۋدىڭ جاڭا جورىعىنا ارشىندى قادام تاستاۋدى باسا دارىپتەگەن ەدى. بۇل جۇرەكتەردى تەبىرەنتكەن ستراتەگيالىق ورنالاستىرۋ، ادامدى العا باسۋعا ىنتالاندىراتىن ايبىندى جوبا.

    2020 - جىلعا دەيىن جاپپاي دوڭگەلەك داۋلەتتى قوعام قۇرۋ − پارتيامىزدىڭ حالىق پەن تاريح الدىندا بەرگەن ايبىندى سەرتى. رەفورما جاساپ، ەسىك اشقان العاشقى جىلدارى دىڭ شياۋپيڭ جولداس 20 - عاسىردىڭ سوڭىنا دەيىن «جۇڭگودا دوڭگەلەك داۋلەتتى قوعام قۇرۋ» كۇرەس نىساناسىن العا قويدى، بۇكىل پارتيانىڭ، بۇكىل ەلدەگى ءار ۇلت حالقىنىڭ جابال قۇلشىنۋىمەن بۇل نىسانا كوزەۋلى ۋاقىتتا ىسكە اسىپ، حالىقتىڭ تۇرمىسى جالپى جاقتان دوڭگەلەك داۋلەتتى دەڭگەيگە جەتتى. وسى نەگىزدە، پارتيانىڭ 16 - قۇرىلتايىندا جاپپاي دوڭگەلەك داۋلەتتى قوعام قۇرۋ كۇرەس نىساناسى جونىندەگى جاڭا تالاپتار ورتاعا قويىلدى؛ پارتيانىڭ 18 - قۇرىلتايىندا 2020 - جىلعا دەيىن جاپپاي دوڭگەلەك داۋلەتتى قوعام قۇرۋ ايقىن العا قويىلىپ، جاپپاي دوڭگەلەك داۋلەتتىلىككە جاڭا مازمۇن ۇستەلدى.

    پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاپپاي دوڭگەلەك داۋلەتتى قوعام قۇرۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزدى ءارى جەتەكشى ورىنعا قويىپ، بۇكىل پارتيانى، بۇكىل ەلدەگى ءار ۇلت حالقىن جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ جولىندا كۇرەس جۇرگىزۋگە جۇمىلدىردى. 5 جىلدان بەرى، پارتيا ورتالىق كوميتەتى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋداي جاڭا دامۋ يدەياسىن ورتاعا قويىپ جانە ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ەكونوميكالىق دامۋدىڭ جاڭا قالىبىنا كۇش سالا جەتەكشىلىك ەتىپ، قامداۋ جاعىنداعى قۇرىلىمدىق رەفورمانى كۇش سالا تەرەڭدەتىپ، كەدەيلىكتەن قۇتىلدىرۋدان قامال الۋ دەيتىن اۋىر شايقاستا كۇش سالا جەڭىس قۇشىپ، ەكولوگيالىق وركەنيەت قۇرىلىسىن بارىنشا كۇشەيتىپ، دامۋداعى تەڭ بولماۋ، سايكەستى بولماۋ، باياندى بولماۋ سياقتى ماسەلەلەردى كۇش سالا شەشىپ، ەلىمىزدىڭ ەكونوميكالىق، قوعامدىق دامۋىنىڭ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى بولۋ باعىتىمەن ىلگەرىلەۋىن جەبەدى.

    قازىر جاپپاي دوڭگەلەك داۋلەتتى قوعام قۇرۋ شەشۋشى كەزەڭگە قادام تاستادى، الداعى 3 جىلدا ءبىر ميلليارد 300 ميلليون حالىقتى جاپپاي دوڭگەلەك داۋلەتتى دەڭگەيگە تەڭ قاداممەن جەتكىزۋ − ءبىزدىڭ، ءسوزسىز، ورىنداۋعا ءتيىستى ايبىندى سەرتىمىز، ءسوزسىز، اتقارۋعا ءتيىستى ساياسي جاۋاپكەرشىلىگىمىز، ونى ويداعىداي ورىنداۋعا، اتقارۋعا سەنىمىمىز كامىل، قابىلەتىمىز دە جەتەدى. باس شۋجي شي جينپيڭ تالاپ ەتكەندەي، پارتيانىڭ 16 -، 17 -، 18 - قۇرىلتايلارىندا العا قويىلعان جاپپاي دوڭگەلەك داۋلەتتى قوعام قۇرۋ تۋرالى تالاپتار بويىنشا، ماڭىزدى ءتۇيىندى يگەرۋدى، ولقىلىقتاردى تولىقتىرۋدى، ءالسىز تۇستاردى كۇشەيتۋدى كورنەكتىلەندىرىپ، اسىرەسە، ەلەۋلى قاتەر - تاۋەكەلدەن ساقتانۋ، ونى باسەيتۋدىڭ، كەدەيلىكتەن دالمە - ءدال قۇتىلدىرۋدىڭ، لاستانۋدى جونگە سالۋدىڭ قامال الۋ شايقاستارىن باتىل، ويداعىداي جۇرگىزىپ، قامداۋ جاعىنداعى قۇرىلىمدىق رەفورمانى بۇلجىماستان تەرەڭدەتىپ، ەكونوميكا مەن قوعامنىڭ ۇزدىكسىز تۇردە اقاۋسىز دامۋىن ىلگەرىلەتىپ، جاپپاي دوڭگەلەك داۋلەتتى قوعامدى حالىقتىڭ قۇپتاۋىنان، تاريحتىڭ سىنىنان وتكىزۋ كەرەك.

    باس شۋجي شي جينپيڭ «قوس 100 جىلدىق» كۇرەس نىساناسىن قاشاندا جۇڭگو ارمانىمەن بايلانىستىرىپ: «ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىن تۇرمىز، وسى نىسانانى ىسكە اسىرۋعا تاريحتاعى ءارقانداي كەزدەگىدەن دە سەنىمدى جانە قابىلەتتىمىز» ، - دەپ باسا دارىپتەدى. جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق نىسانانى ىسكە اسىرۋ − جۇڭحۋا ۇلتىنىڭ ۇلى گۇلدەنۋى ساپارىنداعى تاعى ءبىر ماڭىزدى ەسكەرتكىش. ءبىرىنشى 100 جىلدىق نىسانا ۋاعىندا ىسكە اسرىلعاننان كەيىن، ەكىنشى 100 جىلدىق نىساناعا قاراي قارىشتاپ قادام تاستاي باستايمىز، بۇل توقتاۋسىز كۇرەس بارىسى، الدىمىزدا ۇزاق جول جاتىر. بۇكىل پارتياداعىلار باس شۋجي شي جينپيڭنىڭ «26 - شىلدەدەگى» ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، «قوس 100 جىلدىق» كۇرەس نىساناسى مەن ستراتەگيالىق ورنالاستىرۋ جونىندەگى تۇسىنىكتى تەرەڭدەتىپ، ءبىرىنشى 100 جىلدىق كۇرەس نىساناسىن ىسكە اسىرۋ بارىسىندا، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، ءسويتىپ، ەكىنشى 100 جىلدىق نىسانانى ىسكە اسىرۋ ءۇشىن قۇلشىنىس جاساپ، سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، جۇڭحۋا ۇلتىنىڭ ءتىپتى اسقاق الپەتپەن الەم ۇلتتارىنىڭ قاتارىنان ويىپ ورىن الۋىنا مۇمكىندىك جاسايىق.

جاۋاپتى رەداكتور:سايراش تۇرارجان قىزى