كەسەك تابىس، كەمەل قۋات

    − باتىل ءۇن قاتىپ، ايقىن پوزيتسيا ءبىلدىرۋدى جاپپاي، تەرەڭدەي ىلگەرىلەتۋ جونىندە

    بۇل − سانا مەن رۋحتى كىردەن تازارتقان اق جاۋىن، بۇل − حالىقتىق سوعىستىڭ جالپى جۇمىلدىرۋى. وبۇلقاسىم ءماتتۇرسىننىڭ «ۇيعۇر باۋىرلاستارعا جولداعان ويانۋ حاتى» جاريالانعاننان كەيىن، بۇكىل شينجياڭداعى ءار دارەجەلى پارتيا ۇيىمدارى، ءار ۇلت كادرلارى باس نىسانا تۋىن بيىك كوتەرىپ، يدەيالىق - نازاريالىق قارۋدى سەرت ۇستاپ، «ءۇش ءتۇرلى كۇشپەن»، «ەكىبەتكەيلەرمەن» باتىل كۇرەس جۇرگىزۋگە سەرت ەتىپ، قوعام ورنىقتىلىعى مەن باياندى تىنىشتىق باس نىساناسىن نازارعا الىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شاراسىن ويداعىداي اتقارۋعا بەرىك يدەيالىق نەگىز قالاپ، قوعامدىق پىكىر ورتاسى مەن ۇيىمدىق كەپىلدىك ازىرلەپ، بۇقارالىق نەگىزدى نىعايتتى، بۇل قوعام ورنىقتىلىعى مەن باياندى تىنىشتىق ءۇردىسىن ىلگەرىلەتۋدە كەزەڭدىك ءمان الادى.

    ناتيجەدەن تاجىريبە قورىتىندىلاپ، تاجىريبەمەن قىزمەتتى ىلگەرىلەتۋ − ماركستىك تانىم نازارياسى مەن ادىستەمەنىڭ كورىنىسى، پارتيامىزدىڭ ۇزاقتان بەرگى ءداستۇرى. قوعام اماندىعى مەن باياندى تىنىشتىقتى ىسكە اسىرۋ − ۇزاق مەرزىمدىك جۇيەلى ينجەنەريا، ءسوز جوق، تاجىريبەلەر مەن تابىستاردى ۇزدىكسىز قورىتىندىلاۋ بارىسىندا زاڭدىلىقتى يگەرىپ، ۇساق جەڭىستەردەن ۇلى جەڭىسكە جەتىپ، مۇرات پەن نىساناعا ۇزدىكسىز جاقىنداي ءتۇسۋ قاجەت. سوندىقتان ۇزدىكسىز ءۇن قاتىپ، دامىلسىز پوزيتسيا ءبىلدىرۋدى ىشكەرىلەي ىلگەرىلەتۋدىڭ ماڭىزدى مازمۇندارىنىڭ ءبىرى − باتىل ءۇن قاتىپ، ايقىن پوزيتسيا بىلدىرۋدە قول جەتكەن كەزەڭدىك تابىستاردى مۇقيات سارالاپ، قورىتىندىلاپ جانە تەرەڭ يگەرىپ، قيمىلدىڭ تىڭ ناتيجەلەر بەرۋىن ىلگەرىلەتىپ، باس نىسانانى ىسكە اسىرۋعا سارقىلماس قوزعاۋشى كۇش ازىرلەۋ.

    باتىل ءۇن قاتىپ، ايقىن پوزيتسيا ءبىلدىرۋ تانىمدى بىرلىككە كەلتىرىپ، تۋراشىلدىقتى اسقاقتاتىپ، باس نىسانانى نازارعا الۋ، كەشەندى شارانى ويداعىداي اتقارۋعا بەرىك يدەيالىق نەگىز قالادى. «<ءۇش ءتۇرلى كۇش> ۇلت رۋحىن سومدايتىن شيپالى ءدارى ەمەس، ۇلتتىڭ اقاۋسىز دامۋىنا زالال جەتكىزەتىن وبىر»، «مەيلى كىم بولسا دا، ءبىزدىڭ جاراسىمدى تۇرمىسىمىزعا لاڭ سالىپ، مازامىزدى الادى ەكەن، ول ءبىزدىڭ ورتاق جاۋىمىز بولماق»، «وتانشىلدىق رۋحتى ساۋلەلەندىرىپ، تاباندى وتانشىل، جۇڭحۋا ۇلتىنىڭ تاڭداۋلى پەرزەنتى بولىپ، ءسوز جوق، پارتيانىڭ مەيىر - شاپاعاتىن ۇمىتپاي، پارتيانىڭ مەيىرىن جۇرەگىمىزدىڭ تەرەڭ تۇكپىرىنە ساقتاپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋىمىز كەرەك»... قىسقا عانا بىرنەشە ايدىڭ ىشىندە مەملەكەتتىڭ ءىشىنارا باسشى جولداستارى، ولكە، مينيستر دارەجەلى باسشى كادرلار، ايماق - اۋدان باسشىلارى، شينجياڭعا كومەككە كەلگەن كادرلار، قىستاق پارتيا ياچەيكاسىنىڭ شۋجيلەرى، قوعامدىق عىلىم جانە نازاريا ماماندارى، ادەبيەت پەن ونەر سالاسىنداعى قايراتكەرلەر، كاسىپكەر - ساۋداگەرلەر، جاس وقۋشىلار، ت.ب ىركەس - تىركەس باتىل ءۇن قاتىپ، ايقىن پوزيتسيا ءبىلدىرىپ، تەرەڭ سۇيىسپەنشىلىكپەن پارتيانىڭ شاپاعاتىن جىرلاپ، بەرەكە - بىرلىكتى تىلگە تيەك ەتىپ، زورلىقتى كۇش لاڭكەستەرىنىڭ جيرەنىشتى قىلمىستارىن قاتاڭ ايىپتادى.

    وسى ادىلەتتى ءۇن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ پاراساتتى، دۇرىس ەكەندىگىن، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ كەشەندى شاراسىنىڭ ورتالىق كوميتەتتىڭ تالابىنا، شينجياڭنىڭ ءىس جۇزىندىك جاعدايىنا، شينجياڭداعى ءار ۇلت حالقىنىڭ تىلەگىنە ۇيلەسەتىندىگىن، «ءۇش ءتۇرلى كۇشتىڭ» وقشاۋ قالعاندىعىن، بۇقارانىڭ كۇشى شەكسىز ەكەندىگىن تالاسسىز دالەلدەپ، بۇكىل اۆتونوميالى رايونداعىلاردىڭ قوعام ورنىقتىلىعى مەن باياندى تىنىشتىقتى ىسكە اسىرۋ جولىنداعى سەنىمى مەن بەكىمىن ونان سايىن نىعايتا ءتۇستى.

    باتىل ءۇن قاتىپ، ايقىن پوزيتسيا ءبىلدىرۋ كادرلاردى شىنىقتىرىپ، جۇرت تىلەگىن جۇمىلدىرىپ، باس نىسانانى نازارعا الۋ، كەشەندى شارانى ويداعىداي اتقارۋعا بەرىك بۇقارالىق نەگىز بەن ۇيىمدىق كەپىلدىك ازىرلەدى. «ساياسيدا تاباندى دا پارمەندى، سىن - سىناقتاردان سۇرىنبەي وتە الاتىن جوعارى ساپالى كادرلار قوسىنىن قۇرۋ شينجياڭنىڭ ورنىقتىلىعى مەن دامۋىندا توتەنشە ماڭىزدى». بىرنەشە ايدان بەرى، ءبىر توپ پارتيالى كادرلار مىندەتكە الۋ جاۋاپكەرشىلىگىن قاتايتىپ جانە باتىلدىعىن سومداپ، سانالى تۇردە جەكە تۇلعانىڭ جەتىلۋى مەن العا باسۋىنا پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تياناقتاندىرۋدىڭ جالپى جاعدايى تۇرعىسىنان كوز جىبەرىپ جانە شينجياڭ قىزمەتىنىڭ باس نىساناسىن ىسكە اسىرۋ تۇرعىسىنان ايقىنداپ، ىرىقتىلىقپەن ءۇن قاتىپ جانە پوزيتسيا ءبىلدىرىپ، جۇرەكتىلىكپەن اتويلاپ الدا ءجۇردى. مۇنداي جاعدايدىڭ قالىپتاسۋىنىڭ ەڭ ءتۇبىرلى سەبەبى، قالىڭ پارتيالى كادرلاردىڭ ساياسي تانىمى، جالپى جاعداي تانىمى، ۇيتقى تانىمى، ساپ تۇزەۋ تانىمى ونان سايىن كۇشەيىپ، باس نىسانا ونان سايىن بەكەمدەلدى، پارتيا مۇشەلەرىنىڭ اۆانگاردتىق، ونەگەلىك رولى ءونىمدى تۇردە ساۋلەلەندى. ءار دارەجەلى پارتيا ۇيىمى مەن ءار ۇلت پارتيالى كادرلارىنىڭ باستاۋى مەن اسەر ەتۋى ارقاسىندا، باتىل ءۇن قاتۋ، ايقىن پوزيتسيا ءبىلدىرۋ ۇزبەي تەرەڭدەپ، بۇقارالىق لۋشيان نەگىزگى ساتىنىڭ تۇكپىر - تۇكپىرىنە دەيىن دايەكتىلەندى جانە تياناقتاندى، ءار ۇلت جۇرتشىلىعى باس نىسانانى ىسكە اسىرۋدىڭ ات سالىسۋشىلارى، امالياتتان وتكىزۋشىلەرى، ىلگەرىلەتۋشىلەرى بولۋعا قۇلشىنىپ، تيانشاننىڭ تۇستىگى مەن تەرىستىگىندە ورنىقتىلىقتى قورعاۋدىڭ قۇرىش قامالىن سوقتى.

    ناتيجەنى قورىتىندىلاۋمەن بىرگە، ءبىز ورىن تەپكەن كەمشىلىك پەن ماسەلەنى دە سەرگەكتىكپەن كورە بىلۋگە ءتيىسپىز. كەي ورىندار مەن جەرلەردىڭ، كەيبىر ادامداردىڭ باتىل ءۇن قاتىپ، ايقىن پوزيتسيا بىلدىرۋگە تانىمى ءالى تياناقسىز، سەرگەكتىگى ءالى جەتكىلىكسىز؛ كەيبىرەۋلەرىنىڭ تۇرعىسى بيىك بولماعاندىقتان تەرەڭگە وي جۇگىرتە الماي وتىر؛ كەيبىرەۋلەر فورماشىلدىققا شىرمالىپ، يدەيا مەن رۋحتا سەرپىلە الماي وتىر. بۇل جايتتەرگە ءبىز بارىنشا ءمان بەرۋىمىز ءارى الداعى قىزمەتتەردە شىنايى تۇزەتۋىمىز كەرەك.

    باتىل ءۇن قاتىپ، ايقىن پوزيتسيا ءبىلدىرۋدىڭ كەزەڭدىك تابىستارىن تەرەڭ تانىپ جانە ويداعىداي، جاندى پايدالانىپ، اسقاق رۋح پەن جىگەردى ساقتاپ، ۇزدىكسىز ءۇن قاتىپ، دامىلسىز پوزيتسيا ءبىلدىرىپ، «ءۇش ءتۇرلى كۇشپەن» سوڭىنا دەيىن تاباندىلىقپەن باتىل كۇرەس جۇرگىزىپ، تۇبەگەيلى جەڭىسكە جەتپەيىنشە استە بەل شەشپەيىك.

جاۋاپتى رەداكتور:سايراش تۇرارجان قىزى