ەرەكشە جەمىس ورمان شارۋاشىلىعى شارۋالار كىرىسىن ارتتىرۋداعى ماڭىزدى كاسىپكە اينالدى

    ەركىنبەك وكەن ۇلى حابارلايدى. جۋىق جىلداردان بەرى نىلقى اۋدانى ەرەكشە جەمىس-جيدەك كاسىبىن ورنىقتى تەز دامىتۋ مەن قولداۋ تەبىنىن ۇزدىكسىز ارتتىرىپ، ديقانداردى ءوندىرىس قۇرىلىمىن تەڭشەۋگە جىگەرلەندىرىپ، اعاش باسىندا قۇرعايتىن ورىك، الما، الاقات، جاڭعاق سياقتى ەرەكشە جەمىس-جيدەك كاسىبىن دامىتىپ، ەكونوميكالىق قۇن جاراتىپ، شارۋالاردىڭ باقىت كورسەتكىشىن جوعارىلاتۋعا مىعىم نەگىز قالادى.

    بىرنەشە كۇننەن بەرى، نىلقى اۋدانىنداعى اعاش باسىندا قۇرعايتىن ورىك پىسىپ، ءونىم جيناۋ مەزگىلىنە ءوتتى. سۇپتاي اۋىلى كىشىك سۇپتاي قىستاعىنىڭ تۇرعىنى جاپار ءمۇتالىپ وتباسىنا بارعانىمىزدا اعاش باسىندا قۇرعايتىن ورىكتىڭ ماۋلجىپ تۇرعانىن كوردىك.

    ول بىزگە پارتيامەن ۇكىمەتتىڭ جەبەۋى مەن دەم بەرۋىندە 21 مۋ جەرگە اعاش باسىندا قۇرعايتىن جەمىس اعاش ەككەنىن، اعاش باسىندا قۇرعايتىن ورىك اعاشىنىڭ جەمىس بەرگەننەن كەيىنگى ءار جىلعى كىرىسى 10 مىڭ يۋاننان جوعارى تۇراتىندىعىن، ەگىس داقىلدارىنا قاراعاندا كىرىسى وتە جوعارى بولاتىندىعىن، اعاش باسىندا قۇرعايتىن ورىك اعاشى وتباسى كىرىسىن ارتتىرۋدىڭ نەگىزگى قاينارى ەكەندىگىن ايتا كەلىپ: بيىل 10 توننا ورىك ساتتىم. ءار كيلوسىن 5 يۋاننان ەسەپتەگەندە 50 مىڭ يۋان كىرىس تاپتىم. ۇكىمەت بىزگە قوسىمشا قاراجات بەردى. قازىر مەملەكەتىمىزدىڭ ساياساتى كۇننەن-كۇنگە جاقسارا تۇسۋدە، بيىلعى كىرىسىمىز وتكەن جىلداعىدان دا جوعارى بولدى. پارتيامىزدىڭ شارۋالارعا قاراتقان ابزال ساياساتىنا كوپ راقىمەت،-دەدى.

    سۇپتاي اۋىلى جەرگىلىكتى ورىندى جەمىس شارۋاشىلىعى سەكىلدى ەرەكشە باسىمدىلىعى بار سالالاردى دامىتىپ، شارۋاشىلىق سالاسى ارقىلى كاسىپتەندىرۋدى ىلگەرلەتىپ، ەرەكشە جەمىس ورمان شارۋاشىلىعى ارقىلى شارۋالار كىرسىن ارتتىرۋدى تىعىز توڭىرەكتەي وتىرىپ، اۋىل شارۋاشىلىعىنىڭ ونىمدىلىگىن ارتتىرۋ، ۇكىمەت جەتەكشىلىك ەتەتىن ەرەكشە جەمىس ورمان شارۋاشىلىعىن دامىتۋدى تىڭعىلىقتى ىلگەرلەتىپ، ەرەكشە جەمىس-جيدەك كاسىبىن قىستاق ەكونوميكاسىن شارۋالار كىرىسىن ءۇرتىس، باياندى، ورنىقتى دامىتۋدىڭ تىرەكتى كاسىبى رەتىندە مىقتى يگەردى.

    سۇپتاي اۋىلىنىڭ ورىنباسار اۋىل باستىعى لي گۋانشىڭ: قازىر اۋىلىمىز، ەرەكشە جەمىس ورمان شارۋاشىلىعى كاسبىن كەدەيلىكتەن قۇتىلدىرۋدىڭ ارناسى رەتىندە مىقتى ۇستاپ، جالپى 5600 مۋ جەرگە ورىك اعاشىن ەكتىك. مۇنىڭ ىشىندە بۇقارالار 1700 مۋ جەرگە اعاش باسىندا قۇرعايتىن ورىك اعاشىن ەكتى. جوعارعى ءمالى قىستاعى مەن كىشىك سۇپتاي قىستاعىندا سەلبەستىك كووپەراتيۆ قۇرىلدى. وسى سەلبەستىك كووپەراتيۆتەن سەرىكتىك ءبىر تۇتاس ساتىپ الادى. قىستاق تۇرعىندارىنىڭ اعاش باسىندا قۇرعايتىن ورىكتەن كىرەتىن ءار جىلعى جان باسىندىق كىرسى 1300 - 1400 يۋان اينالاسىندا بولادى. ەرەكشە ءوندىرىستى بارعان سايىن كولەمدەندىرىپ، ەرەكشە جەمىس ورمان شارۋاشىلىعىن شارۋالار كىرىسىن ارتتىرۋداعى ماڭىزدى كاسىپكە اينالدىرىپ، كاسىپ سالاسى بويىنشا سۇيەمەلدەۋ سەرپىنىن ارتتىرىپ، كاسىپتەندىرۋدى جەبەپ، بۇقارانىڭ تۇرمىس دەڭگەيىن جوعارىلاتۋعا شابىتتاندىردىق،-دەدى.

    ۇعىسۋعا قاراعاندا، نىلقى اۋدانىنىڭ ەرەكشە جەمىس ورمان كولەمى 29307.5 مۋ بولىپ، مۇنىڭ ىشىندە اعاش باسىندا قۇرعايتىن ورىك اعاشىن ەككەن جەر كولەمى18501.5 مۋ، الما اعاشى 2913 مۋعا جەتكەن. 2017-جىلى جەمىس بەرگەن ورمان كولەمى 5300 مۋ. مۇنىڭ ىشىندە جەمىس بەرگەن اعاش باسىندا قۇرعايتىن ورىك كولەمى 3620 مۋ، الما اعاشى 550 مۋ، الاقات 480 مۋ، جاڭعاق 650 مۋ بولىپ، ءونىم مولشەرى 1000 تونناعا جەتىپ، جىلدىق ءونىم قۇنى 9 ميلليون يۋانعا جەتكەن.

    ءتىلشىنىڭ قىزمەت ورنى: نىلقى اۋدانى مىس اۋىلى پارتكوم ۇگىت كەڭسەسى

جاۋاپتى رەداكتور:سايراش تۇرارجان قىزى