شەت- شالعاي ورنالاسقان قىستاقتىڭ اۋىز سۋ ماسەلەسى شەشىلدى

    سەرىك يمانقان ۇلى حابارلايدى. جاڭاشا اۋىل- قىستاق قۇرىلسىنىڭ جاپپاي جۇرىلۋىنە ساي، اۋىل- قىستاقتىڭ نەگىزگى قۇرىلعى قۇرىلىستارى جاڭادان بوي كوتەرىپ، كونەرگەن ۇيلەردىڭ قاتارى ازايدى. كوشە بويىنداعى جول بولەكتەرى قاتتىلانىپ، اۋىل كوركىنە تاماشا كورىك قوستى. كوپتەگەن ەگىنشى، مالشىلار قۇبىر سۋىن ءىشىپ، بۇرىنعىداي لايلانعان قۇدىق سۋىن ىشەتىن جاعدايدى كەلمەسكە كەلتىردى. دەسەدە، بۋرىلتوعاي اۋدانى قاراماعاي قالاشىعى اق كەرىش قىستاعىنداعى تۇرعىنداردىڭ ەڭ باس قاتىراتىن ماسەلەسى اۋىز سۋ ماسەلەسى ەدى. ونىڭ ۇستىنە تازا قۇبىر سۋىن ىشە الماعاندىقتان دەنساۋلىق اقاۋسىزدىعىنا ىقپال جاسادى.

    ۇستەگى جىلى قىستاققا تۇسكەن قىزمەت اترەتى وتباسىن ارالاپ، جاعداي ۇعىسۋ ارقىلى قىستاقتاعى 78 وتباسى، 340 ادامىنىڭ اۋىز سۋ ماسەلەسىن شەشىپ قۇبىر سۋىن جەتكىزۋ ينجەنەرياسىن بيىلعى حالىق تۇرمىسىن جاقسارتۋدىڭ ماڭداي الدى جۇمىس ەتىپ ۇستاپ، بارشا وتباسىنا حاۋىپسزدە الاڭسىز قۇبىر سۋىن كىرگىزۋگە كەپىلدىك ەتتى. وسىمەن قىزمەت اترەتى جۇمىس جۇرگىزەتىن كاسپورىندى تاۋىپ، وتباسى سايىن سول جەردىڭ وزىندە ولشەۋ –سىزۋ جۇمىسىن قولعا الىپ، قۇبىر سۋ نەگىزگى قۇبىر جولىنىڭ ارا قاشىقتىعىن انىقتاپ، قۇبىر سۋىن وتباسىلارىنا كىرگىزۋ قۇرىلسىنىڭ مەجە ەسەبىن ەسەپتەپ شىعاردى. وسىدان كەيىن پارتيا جيىنى ارقىلى مەجە ەسەپ باعاسىن اشىق ۇستاسا، بۇل قۇرىلستىڭ قارجى قاينار جوباسىندا اشىق ۇستاپ، قىستاق ۋاكىلدەر جيىنى ارقىلى ەكى جيىن، ەكى داۋىسقا سالىپ تولىق ماقۇلداۋدان وتكىزدى.

    كوكەيگە تۇيگەن جۇمىستارىن قولعا العان قىزمەت اترەتىندەگىلەر دەرەۋ جۇمىسقا كىرسىپ، اۋداندىق سۋ ىستەر مەكەمەسى، ەلەكتر قۋاتى سەرىكتىگى، قالاشىق ۇكىمەت جانە ءارقايسى قۇرىلس جۇرگىزۋ ورىندارىمەن تىعىز سايكەسىپ، كوپ جاقتىلى قارجى توپتاپ، مامىر ايىنىڭ ورتاسىندا جۇمىسن باستادى. مىنە سودان ءبىر ايعا جۋىق جۇمىس جۇرگىزۋدىڭ ارقاسىندا قۇبىر سۋدىڭ تيەگى اعىتىلدى.

    بۇل قىستاققا كەلىپ، تۇتىن تۇتەتكەننەن بەرى، قۇدىق سۋىن ءىشىپ كەلدىك. لايلانعان قۇدىق سۋىنىڭ سورى كۇشتى بولاتىن، ال بيىل قىزمەت اترەتىنىڭ جان- جاقتىلى كۇش سالۋىندا قۇبىر سۋىن جەتكىزىپ، اۋىز سۋ ماسەلەسىن شەشتى. بۇدان كەيىن سور باسقان قۇدىق سۋىن ىشپەيتىن بولدىق،- دەدى جەتپستىك جەلكەسىنە شىققان گۇلداريعا اپامىز.

    قىزمەت اترەتىنىڭ باستىعى لۋگاڭ: بۇقارانىڭ جۇمىسىن دەن قويا ىستەۋ، حالىقتىڭ كوكەيىندەگى تۇيىنشەكتى شەشۋ، ولارعا شىنايى دا يگىلىكتى ىستەر ىستەپ بەرۋ ءبىزدىڭ قىزمەت اترەتىمىزدىڭ باستى قىزمەتتەرىنىڭ ءبىرى سانالدى. قىستاق كولەمىندەگى ءبىر ايعا جۋىق جۇمىستىڭ باسى- قاسىندا بولىپ باقىلاۋشىلدىق ەتىپ، قۇبىر سۋىن بارشا وتباسىلارىنا جەتكىزۋ جۇمسىن اقىرلاسترىپ، قىستاقتاعى 340 ادامنىڭ الاڭسىز اۋىز سۋدان پايدالانۋىنا كەپىلدىك ەتتىك،- دەدى.

    ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:نۇرجان مينۋار قىزى