شىڭگىل اۋدانىنىڭ جازعى استىقتى ساتىپ الۋ دايىندىق قىزمەتى تىڭعىلىقتى ىستەلۋدە

    قۇرمانگۇل اسپەن قىزى حابارلايدى. 2017-جىلى شىڭگىل اۋدانى 135 مىڭ مۋ اينالاسىنداعى جەرگە ءبيداي ەگىپ، 30000 توننا ءبيداي ساتىپ الماقشى. بيىلعى «جازعى استىقتى ساتىپ الۋ» قىزمەتىن ويداعىداي ورىستەتۋ ءۇشىن، شىڭگىل اۋدانىنداعى استىق تاراۋلارى بەلسەنە دايىندالىپ، جازعى استىق ساتىپ الۋدىڭ دايىندىق قىزمەتىن ويداعىداي الىپ بارۋدا.

    بىرىنشىدەن، ءبيدايعا تاپسىرىس بەرۋ قىزمەتىن ويداعىداي ۇستادى.

    ءبيداي تۇقىمىن سەپكەننەن كەيىن، ءبيدايعا تاپسىرىس بەرۋ قىزمەتىنىڭ ساياساتتىق ۇگىتى مەن توقتام جاساسۋ قىزمەتىن بەلسەنە ورىستەتتى. سەرىكتەستىك پەن ديقانداردىڭ قول قويىسقان توقتام سانى 3000 دانا بولىپ، توقتامداعى تاپسىرىس مولشەرى 30000 توننا مولشەرىندە بولعان.

    ەكىنشىدەن، ساتىپ الۋ قارجىسىن ەرتەمەن تياناقتاندىردى.

    بيىلعى ءبيداي ساتۋ مولشەرىنە قاراي، ساتىپ الۋ جوسپارى مەن سەنىمدى قارىز جوسپارىن جاساپ، اۋىل شارۋاشىلىعىن دامىتۋ بانكەسىنە ساتىپ الۋ قارجىسىنان 73 ميلليون 200 مىڭ يۋان قارىز ءوتىنىش ەتتى.

    ۇشىنشىدەن، قامبانى بوساتىپ، جابدىقتاردى تەكسەردى.

    قازىر 31000 توننالىق بوس قامبا بار بولىپ، 500 مىڭ يۋان قارجى قوسىپ، ءارقايسى قامبالاردى ريمونتتاپ، 8 جونەلتكىش، 10 تەكسەرۋ اسپابى، 3 جەر تارازىعا جان-جاقتىلى تەكسەرۋ جانە جوندەۋ جۇرگىزدى.

    تورتىنشىدەن، كاسىپتىك كۋرستەر اشتى.

    جيناۋ-ساقتاۋ سەرىكتەستىگىندەگى بارلىق ساتىپ الۋشى قىزمەتكەرلەرگە كاسىپتىك كۋرس اشىپ، 30 دان استام ادامدى تاربيەلەدى. مەملەكەتتىك استىق ساپاسىن تەكسەرىپ وتكىزىپ الۋ ولشەمى، ءبيدايدى «امبەباپ كارتچكا» ارقىلى ساتىپ الۋ جۇيەسى جانە استىق اينالىسىن باسقارۋ ەرەجە، ساياسات، زاڭدارىن ۇيرەتتى.

    بەسىنشىدەن، قىزمەت وتەۋ ساپاسىن شىنايى جوعارىلاتتى.

    بيىل تۇراقتى ورىندا ساتىپ الۋ مەن وتباسىلارىنا بارىپ ساتىپ الۋدى بىرلەستىرىپ، ديقاندارعا قىزمەت وتەۋ تيىمدىلىگىن جاراتادى. استىق ساتىپ العان كەزدە ديقاندارعا دەمالىس ورنى، سۋسىن ىشۋ ورنى، ەمدەۋ ورنى سىندى قولايلى قىزمەت وتەۋ ورىندارىن قۇرىپ، ديقانداردىڭ استىق ساتۋىنا قولايلىلىق جاراتادى.

    ءتىلشىنىڭ قىزمەت ورنى: شىڭگىل اۋداندىق ۇگىت ءبولىمى

جاۋاپتى رەداكتور:نۇرجان مينۋار قىزى