جۇلدەلى ورالعان جەتكىنشەكتەر

    قۇرمانگۇل اسپەن قىزى حابارلايدى. شىڭگىل اۋداندىق تولىق ورتا مەكتەپ ۇلدار كومانداسى اۆتونوميالى رايون دارەجەلى جاسوسپىرىمدەر فۋتبول بىرلەسپە جارىسىنىڭ باس جۇلدەسىن ەنشىلەدى. ءتىلشى جاقىندا، 2017-جىلعى اۆتونوميالى رايوندىق «كەلەشەك جۇلدىزى جاسوسپىرىمدەر فۋتبول بىرلەسپە جارىسى (شەشۋشى جارىس) جانە مەكتەپ اۋلاسى فۋتبول قيمىلى ءوز مارەسىنە جەتىپ، شىڭگىل اۋداندىق تولىق ورتا مەكتەپتىڭ ورتالاۋ ۇلدار فۋتبول كومانداسى ورتالاۋ مەكتەپ ۇلدار گرۋپپاسىنىڭ باس جۇلدەسىن ەنشىلەسە، شىڭگىل اۋداندىق تولىق ورتا مەكتەپتىڭ ورتالاۋ قىزدار فۋتبول كومانداسى ەكىنشىلىكتى قولعا كەلتىردى.

    ۇعىسۋعا قاراعاندا، شىڭگىل اۋداندىق تولىق ورتا مەكتەپ جاسوسپىرىمدەر فۋتبول كومانداسى جاقىنعى جىلداردان بەرى زور دامۋشىلىققا قول جەتكىزىپ، ايماق دارەجەلى، رايون دارەجەلى جارىستاردا تاماشا ناتيجەلەرگە يە بولدى.

    اتالعان مەكتەپ فۋتبول سپورتىن جانداندىرۋدى مەكتەپ ساپا تاربيەسىنىڭ ماڭىزدى بۋىنى رەتىندە قاراپ، جاستار مەن جاسوسپىرىم وقۋشىلاردىڭ فۋتبولعا دەگەن اۋەسىن كۇشەيتتى.

    جاتتىقتىرۋشىنىڭ جالىقپاي تاريبەلەۋىندە، مەكتەپتىڭ فۋتبول كومانداسى ۇزدىكسىز كەمەلدەنىپ، مەكتەپتىڭ ساپا تاربيەسىنە، دەنەتاربيە ىستەرىنە كوڭىل بولگەندىگىنىڭ تەككە كەتپەگەنىن ايگىلەپ وتىر. وقۋشىلاردىڭ بۇل رەتكى جارىسقا وقۋشىلار التاي ايماعى اتىنان قاتىناسىپ، التايداعى دوپ اۋەسكەرلەرىنىڭ قولداۋى مەن سەنىمىنە يە بولدى.

    بۇل رەتكى جارىسقا وڭتۇستىك-سولتۇستىك شينجياڭ جارىس رايونىنان كەلگەن 6 كوماندا قاتىناسىپ، جارىس ءتورت كۇنگە جالعاستى. جارىس بارىسىندا، مەيلى شىلىڭگىر ىستىق نەمەسە جاۋىن-شاشىن بولسىن، شىڭگىل اۋداندىق تولىق ورتا مەكتەپتىڭ فۋتبول كومانداسىنداعىلار تاماشا رۋحاني بەينەلەرىنەن جازباي، كۇش سالا قۇلشىندى.

    شىڭگىل اۋداندىق تولىق ورتا مەكتەپ فۋتبول كومانداسىنىڭ جاتتىقتىرۋشىسى ماقان ناۋان ۇلى بىلاي دەدى: «كوماندامىزداعى ءارقايسى مۇشە فۋتبولعا ەرەكشە اۋەس، ولار باس جۇلدەنى الۋ ءۇشىن بار كۇشتەرىن سارقا جۇمسادى، ءبىز ءاربىر كوماندانىڭ ەرەكشەلىگىنە قاراي سايكەستى امال قولداندىق، ءبىزدى شىنىعۋ، ەسەيۋ ورايىنا يە ەتكەن ارىپتەستەرىمىزگە العىس ايتامىز».

    جارىستان سوڭ، اتالعان مەكتەپتىڭ مەكتەپ باستىعى سۇن لانفىڭ بىلاي دەدى: «بۇل رەتكى جارىستا، مەكتەبىمىزدەگى شاباندوزدار ءارقايسى ايماق-وبلىستان كەلگەن ارىپتەستەرمەن سايىسىپ، تاجىريبە توپتادى، ولار جونىنەن بۇل ءبىر سىناق سانالادى. اۋدانىمىزداعى بالالار كىشكەنتاي كەزىنەن باستاپ دوپقا اۋەس بولادى، ولار ءارى دەنە ساپاسى جاعىنان ارتىقشىلىققا يە. الايدا، تەحنيكالىق جاقتان ونشا جەتتىك ەمەس، ولاردىڭ جۇلدەگەرلىكتى قولعا كەلتىرۋىن قاجىرلى ىزدەنىستەرى مەن جان سالا قۇلشىنۋىنان بولە قاراۋعا بولمايدى. بالالاردى قۇتتىقتايمىن. ولاردىڭ وسى ونەردى قۋىپ، ءتىپتى دە مول تابىستارعا جەتۋىنە تىلەكتەسپىن».

جاۋاپتى رەداكتور:نۇرجان مينۋار قىزى