قىستاققا تۇسكەن قىزمەت اترەتىندەگى كادرلار حالىققا بەرگەن ۋادەسىن ورىندادى

 
قىستاققا تۇسكەن كادرلار مالشىلاردىڭ جايىلىمىن قورشاپ بەرۋدە

    جەڭىسحان اسقار ۇلى، اۋاحان تۇراپ قىزى حابارلايدى. ساۋان اۋداندىق دامۋ جانە رەفورمالاۋ كوميتەتىنەن نيۇجۋانزى مال فەرماسى قىزىلشوقى قىستاعىنا تۇسكەن قىزمەت اترەتىندەگى كادرلار جىل باسىندا قىستاق تۇرعىندارىنا بەرگەن ءۇش ۇلكەن حالىق تۇرمىسىنا تيمدىلىك جاساۋ ينجەنەرياسىن اتقارۋ جونىندە بەرگەن ۋادە قۇرىلىس ءساتتى جۇرگىزىلدى.

    قازىر قىستاقتىڭ اۋىز سۋ قۇرىلىسىن وزگەرتىپ سالۋ نىسان قۇرىلىس جالپى بەتتىك اياقتادى. جالپى قوسىلعان قارجى 150 مىڭ يۋان، قىستاقتاعى نەشە جۇزدەن استام ادامنىڭ اۋىز سۋ حاۋىپسىزدىگى ماسەلەلەسىن تۇبەگەيلى شەشىم ەتتى. 100 مىڭ يۋان قارجى قوسىلعان 8 كيلومەترلىك كوش جولىن جوندەۋ نىسان قۇرىلىس شىلدە ايىنىڭ سوڭىندا اياقتاپ، مالشىلاردىڭ تاۋعا شىعىپ مال باعۋ، كوشى-قون قيىنشىلىعىن شەشىم ەتتى. قىستاقتاعى 35 مالشى وتباسىنداعى جۇزدەن استام ادام يگىلىگىن كوردى جانە 100 مىڭ يۋان قارجى قوسىپ، 70 مىڭ مۋ جەردەگى جايلىمدى قورشاۋ نىسانىن اتقارىپ، 60 كيلومەتردەن استام جايلىمدىق جەردى قورشادى. مەجەمەن بۇل قۇرىلىستا شىلدە ايىنىڭ سوڭىندا اياقتايدى. بۇل نىسان قۇرىلىسىنان قىستاقتاعى 90 مالشى وتباسى يگىلىكتەندى.

    ساۋان اۋداندىق دامۋ جانە رەفورمالاۋ كوميتەتىنەن نيۇجۋانزى مال فەرماسى قىزىلشوقى قىستاعىنا تۇسكەن قىزمەت اترەتىندەگى كادرلار قىستاققا كەلىپ تۇرعاننان كەيىن، قىستاقتاعى وتباسىلارىن ارالاپ احۋال ۇعىسۋ ارقىلى قىستاقتاعى وتباسىلاردىڭ اۋىز سۋ ماسەلەلەسىنەن قينالاتىندىعىن ءارى قىستاقتاعى ءبىر ءبولىم مالشىلاردىڭ جايلىمى قورشالماعاندىقتان، كورشى قىستاقپەن جايلىم شەكاراسى ايقىندالماي ۇنەمى قايشىلىق شىعىپ تۇراتىندىعىن، باسى ارتىق مالدى جايلىمعا قويا بەرگەندىكتەن جايىلىمنىڭ تۇياق كەستى بولۋ احۋالى بارعان سايىن ۇلعايىپ، ەكولوگيالىق ورتانىڭ بۇلىنۋىنە ۇقساماعان دارەجەدە ىقپال جاسايدى. ونىڭ ۇستىنە كوش جولى ۇزاق ۋاقىت بويى كۇتىمدەلمەگەندىكتەن ادام مەن مالدىڭ كەزدەيسوق جىعىلىپ جارالانىپ قالۋ احۋالى ۇنەمى كەزگىپ، جاسىرىن اپاتقا اينالادى.

    بۇل ءۇش ۇلكەن ءىس قىستاقتى مالشىلاردىڭ كوڭىلىنە قاياۋ سالىپ كەلە جاتقانىن ۇعىسادى.

    قىستاققا تۇسكەن قىزمەت اترەتىندەگى كادرلار وسىنداي مالشىلاردىڭ ءتول مۇددەسىنە قاتىستى، اڭىس ەتكەن شوعىرلى ماسەلەلەردى جيناقتاپ تاۋىپ شىعادى. ءبىراقتا، تەك عانا قىستاقتىڭ كوللەكتيۆ ەكونوميكاسىنا سۇيەنىپ بۇل جۇمىستاردى شەشىم ەتۋ مۇمكىن ەمەس ەكەندىگىن ۇعادى. سونىمەن قىزمەت اترەتىندەگى كادرلار دەركەزىندە قىستاق ەكى كوميتەتىندەگى كادرلار مەن كەڭەسىپ، وزدەرىن قىستاققا جىبەرگەن دامۋ جانە رەفورمالاۋ كوميتەتى مەن قىستاق اراسىندا كوپىرلىك رول اتقارىپ، جوعارى ورىندارعا ناقتىلى جاعدايدى مالىمدەپ، اۋداندىق سۋ ىستەرىن باسقارۋ مەكەمەسى، مال شارۋاشىلىق مەكەمەسى قاتارلى ورىندارمەن كوبىرەك بايلانىس ورناتىپ، ءۇش ۇلكەن نىسان قۇرىلىسىنا قول جەتكىزەدى ءارى وسى نىسان قۇرىلىسىن ويداعىداي ءساتتى تياناقتاندىردى.

    «قىستاققا تۇسكەن قىزمەت اترەتىندەگى كادرلاردىڭ ءبىزدىڭ قىستاق ءۇشىن ءتۇرلى امال قاراستىرىپ ىستەگەن ناقتى جاقسى ىستەرىنە راحىمەت، قىستاعىمىزدىڭ سونشاما جىلداردان بەرى شەشىلمەي كەلە جاتقان ءۇش ۇلكەن قيىنشىلىعى ەندى شەشىم تابايىن دەپ تۇر، ءبىز ەندى اۋىز سۋدان قينالمايتىن بولدىق، پارتياعا راحىمەت!»،-دەدى قىزىلشوقى قىستاعىنىڭ تۇرعىنى ەربولات.

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى