كۇيتۇن قالاسىنداعى ءار ۇلت كادر بۇقالارى باس شۋجي شي جينپيڭنىڭ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن مۇقيات ۇيرەنىپ، قوعام ورنىقتىلىعى مەن باياندى تىنىشتىق ءۇشىن ۇلەس قوسۋ سەنىمدەرىن بەكەمدەي ءتۇستى

    ەركىنعازى احىمەتباي ۇلى حابارلايدى. كۇيتۇن قالاسىنداعى ءار ۇلت كادر بۇقارالارى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ جينالىسىن تەلەۆيزوردان كورىپ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ءسوزىن تىڭداعاننان كەيىن، قىزۋ تالقى ورىستەتىپ، 90 جىلدىق جاۋىن – شاشىندى باستان وتكەرگەن جۇڭگو حالىق ازاتتىق ارمياسىنىڭ جۇڭگو كوممۋنيستىك پارتياسىنىڭ باسشىلىعىندا كىشكەنەدەن زورايىپ، السىزدەن كۇشەيىپ، جەڭىستەن جەڭىسكە جەتىپ، جۇڭحۋا ۇلتىنىڭ دەربەستىگى، كوركەيۋى ءۇشىن قوسقان وشپەس تاريحي ەڭبەكتەرىن ەسكە الىپ، باس شۋجيدىڭ ماڭىزدى ءسوزىنىڭ رۋحىن ىشكەرىلەي يگەرىپ، ويداعىداي تياناقتاندىرىپ، كۇيتۇننىڭ جۇيەدەن ىلە مەن شينجياڭىنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسۋ سەنىمدەرىن بەكەمدەي ءتۇستى.

    كوپشىلىك ءبىر اۋىزدان بىلاي دەستى: بۇدان كەيىنگى قىزمەت بارىسىندا ءوزىمىزدى قالتىقسىز ارناپ، باس نىسانانى توڭىرەكتەپ، شينجياڭدى، كۇيتۇندى ءتىپتى دە كورىكتەندىرىپ، وتاندى قۇدىرەتتەندىرۋ ءۇشىن قۇلشىنا كۇرەس جۇرگىزەمىز.

    كۇيتۇن قالاسىنداعى ارميادان بوساعان كادر ۋ رۇنحۇڭ بىلاي دەدى: جالپى جينالىستىڭ ناقتى جاعدايىن كورگەننەن كەيىن جىگەر - قايراتىم تاسقىنداپ، تەرەڭ اسەرلەندىم. باس شۋجي شي جينپيڭنىڭ ءسوزى جۇڭگو حالىق ازاتتىق ارمياسىنىڭ شۇعىلالى بارىسىن باياندادى. اسىرەسە، مەملەكەت قورعانىسى — جالپى حالىقتىڭ مەملەكەت قورعانىسى ەكەنىن، مەملەكەت قورعانىسى مەن ارميانى وسىزامانداندىرۋدى ىلگەرىلەتۋ — بۇكىل پارتيانىڭ، بۇكىل ەلىمىز حالقىنىڭ ورتاق ءىسى ەكەنىن العا قويدى. بۇدان كەيىنگى قىزمەت بارىسىندا اسكەري قوسىننىڭ ءداستۇرلى سالتىن جالعاستىرىپ، وزىمە قاتاڭ تالاپ قويىپ، حالىققا جاۋاپكەرشىلىكپەن قىزمەت وتەيمىن.

    كۇيتۇن قالالىق يۇنشۇيلي تۇرعىندار كوميتەتىنىڭ ۋاقىتتىق ورىنباسار مەڭگەرۋشىسى ۋاڭ شين بىلاي دەدى: وتانىمىزدىڭ بۇگىنگىدەي تابىسقا جەتۋىن حالىق ارمياسىنىڭ قان - تەرىنىڭ ارقاسى دەۋىمىزگە بولادى. باس شۋجي شي جينپيڭنىڭ ءسوزىن تىڭداپ، زور شابىت الدىم جانە اسەرلەندىم، جۇڭحۋانىڭ پەرزەنتى، جۇڭگو كوممۋنيستىك پارتياسىنىڭ مۇشەسى بولعانىمدى ماقتانىش سەزىندىم. مەن اسكەرلەردىڭ جاپا – ماشاقاتتان، قۇربان بەرۋدەن تايسالماۋ، باتىلدىقپەن كۇرەس جاساۋ رۋحىنان، بار ىنتا پەيىلىمەن حالىققا قىزمەت وتەيتىن ستيلىنەن ۇيرەنىپ، تۇرعىندار مەن بۇقارالارعا ساپالى قىزمەت وتەۋگە تىرىسامىن.

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:سايراش تۇرارجان قىزى