اۆتونوميالى رايوندىق 5 - كەزەكتى ءمورال ۇلگىلەرى كانديداتتارىنا اشىق بەلەت تاستاۋ باستالدى

    جۋىردا اۆتونوميالى رايوندىق 5 - كەزەكتى ءمورال ۇلگىلەرىن باعالاۋ - ماداقتاپ سيلاۋ قيمىلىن ۇيىمداستىرۋ كوميسسياسى كەڭسەسى جەر - جەر جانە ءارقايسى جۇيەلەر كورسەتكەن اۆتونوميالى رايوندىق 49 ءمورال ۇلگىلەرى كانديداتىن تەكسەرىپ تۇراقتاندىردى، 28 - شىلدەدەن باستاپ تيانشان جەلىسى، شينجياڭ وركەنيەت جەلىسى قاتارلى سايتتاردا اشىق جاريالانادى، سونىمەن قاتار سايتتاردا بەلەت تاستاۋ جۇمىسى باستالادى.

    ءمورال ۇلگىلەرىنىڭ قوعام ورنىقتىلىعى مەن باياندى تىنىشتىق باس نىساناسىن ىلگەرىلەتۋدە ۇلگىلىك، باستاماشىلدىق رولىن تولىق ساۋلەلەندىرىپ، سوتسياليستىك وزەكتى قۇن كوزقاراسىن كۇش سالا جەتىلدىرۋى جانە امالياتتا ايگىلەۋى ءۇشىن، پارتيا 19 - قۇرىلتايىنىڭ جەڭىسپەن اشىلۋىنا تاماشا قوعامدىق جاعداي جاراتۋ ءۇشىن، ءساۋىر ايىنىڭ باس شەنىندە اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق وركەنيەت كەڭسەسى، شينجياڭ اسكەري رايونىنىڭ ساياسي قىزمەت ءبولىمى، قارۋلى ساقشى شينجياڭ باس اترەتىنىڭ ساياسي ءبولىمى، اۆتونوميالى رايوندىق ۇلت ىستەرى كوميتەتى (ءدىن ىستەرى مەكەمەسى)، اۆتونوميالى رايوندىق باس جۇمىسشى ۇيىمى، اۆتونوميالى رايوندىق كوممۋنيستىك جاستار وداعى كوميتەتى، اۆتونوميالى رايوندىق ايەلدەر بىرلەستىگى اۆتونوميالى رايوندىق 5 - كەزەكتى ءمورال ۇلگىلەرىن باعالاۋ - ماداقتاپ سيلاۋ قيمىلىن باستادى.

    وسى كەزەكتى باعالاۋ - ماداقتاپ سيلاۋ قيمىلى قالا - اۋىلدارداعى نەگىزگى ساتىعا، ءار سالا، ءار كاسىپكە باعىتتالعان، بۇقارا كورسەتۋ، ىرىكتەپ جوعارىعا مالىمدەۋ، تولىمدىلىعىن تەكسەرۋ، اقپارات قۇرالدارىندا اشىق جاريالاۋ، بەلەت تاستاپ باعالاۋ قاتارلى ءتارتىپ، باسقىشتار بويىنشا كاسىبىن قادىرلەپ، ۇلەس قوساتىن، باسقالارعا كومەكتەسۋدى قۋانىش سانايتىن، ىنتىماقتى، سۇيىسپەنشىلىكتى دارىپتەيتىن، ادىلەت جولىندا ايانبايتىن، ادال دا سەنىمدى، ۇلكەندى قۇرمەتتەپ، كىشىنى ايالايتىن اۆتونوميالى رايوندىق ءمورال ۇلگىلەرىن باعالاپ، تۇتاس قوعامدا ۇيرەنۋ ۇلگىسىن تىكتەپ، وسكەلەڭ ءمورالدى، ىزگى نيەتتى، جاقسىدان ونەگە الۋعا ۇمتىلاتىن قوعامدىق سالتتىڭ قالىپتاسۋىن جەبەيدى.

    مۇقيات تەكسەرۋ ارقىلى باعالاۋ - ماداقتاپ سيلاۋ قيمىلىن ۇيىمداستىرۋ كوميسسياسى كەڭسەسى اۆتونوميالى رايوندىق 5 - كەزەكتى ءمورال ۇلگىلەرى كانديداتتارىنان جيىنى 49 ادامدى تۇراقتاندىردى، مۇندا كاسىبىن قۇرمەتتەپ، ۇلەس قوسقاندار 12 ادام، باسقالارعا كومەكتەسۋدى قۋانىش ساناعاندار 9 ادام، ىنتىماقتى، سۇيىسپەنشىلىكتى دارىپتەگەندەر 8 ادام، ادىلەت جولىندا ايانباعاندار 5 ادام، ادال دا سەنىمدىلەر 6 ادام، ۇلكەندى قۇرمەتتەپ، كىشىنى ايالاعاندار 9 ادام. كانديداتتار جۇمىسشى، شارۋا، اسكەر، وقىتۋشى، شيپاگەر، الەۋمەتتىك اۋماق تۇرعىندارى، عىلىم - تەحنيكا قىزمەتكەرلەرى، كادر، قوعام حاۋىپسىزدىگى كادر - ساقشىلارى قاتارلى بۇقارالىق توپتاردى قامتىپ، كەڭ كولەمدى ۋاكىلدىك سيپات الدى. ولاردىڭ اراسىندا «ەڭ الدىمەن <ءۇش ءتۇرلى كۇشكە» باتىل ءۇن قاتىپ، ايقىن پوزيتسيا بىلدىرگەن» وبۇلقاسىم ءماتتۇرسىن، «2000نان استام ۇيعۇر بالانىڭ جۇرەگىندەگى شام - شىراق» پان يۇيلان، «وڭتۇستىك شينجياڭداعى اۋىل - قىستاقتاردان مەملەكەت ءتىلى باستاۋىش مەكتەبىن اشقان» قۇربان نياز، «مالىدەگى شاعىن زاۆودتى ەل ارالىق سەرىكتەستىككە اينالدىرعان» جاڭ شين، «شەكارا رايونعا 61 جىل تامىر تارتىپ، ءار ۇلت جۇرتشىلىعىنىڭ دەنساۋلىعى ءۇشىن قىزمەت كورسەتكەن» حى بيڭشيان، «قوداسقا ءمىنىپ شەكارانى 3 ۇرپاق بويى قورعاعان» راچيني بايك قاتارلىلار بار.

    باعالاۋ - ماداقتاپ سيلاۋ قيمىلىنا قاتىناسۋ تەبىنىن جوعارىلاتۋ ءۇشىن، ءمورال ۇلگىلەرىن باعالاۋ بارىسىن ۇيرەنۋ، ۇگىتتەۋ بارىسىنا اينالدىرىپ، تۇتاس قوعامدا جالپى ادام ۇيرەنەتىن ءمورال ۇلگىلەرىن تىكتەپ، بارلىق ادام ءمورال ۇلگىسى بولۋعا ۇمتىلاتىن نىسانا قالىپتاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا رۋحاني قوزعاۋشى كۇش، ءمورالدىق نەگىز جانە قۇدىرەتتى وڭ ەنەرگيا ۇستەدى، وسى رەتكى بەلەت تاستاۋدا جەلىدە بەلەت تاستاۋ مەن قول تەلەفوندا بەلەت تاستاۋ سىندى 2 ءتۇرلى ءادىس قولدانىلادى. توراپتاستار تيانشان جەلىسى، شينجياڭ وركەنيەت جەلىسى، شينجياڭ ازيا - ەۆروپا جەلىسى، ازيا كىندىگى جەلىسى، شينجياڭ اقپارات جەلىسى، حۋيۇي جەلىسى، حۇڭسان جەلىسى، شينجياڭ جەلىسى، جاڭا جىبەك جولى ىستىق لەنيا جەلىسى قاتارلى 9 سايتقا كىرىپ، «اۆتونوميالى رايوندىق 5 - رەتكى ءمورال ۇلگىلەرىن باعالاۋ» ارناۋلى قيمىلىنا قاتىناسىپ، بەلەت تاستايدى؛ قول تەلەفون ابونتتارى تيانشان جەلىسىنىڭ اقپارات كليەنتىن ءتۇسىرىپ، «اۆتونوميالى رايوندىق 5 - كەزەكتى ءمورال ۇلگىلەرىن باعالاۋ» ارناۋلى قيمىلىنا قاتىناسىپ، بەلەت تاستايدى. بەلەت تاستاۋ ۋاقىتى 28 - شىلدە ساعات 10نان 10 - تامىز ساعات 24كە دەيىن. اشىق جاريالاۋ مەن بەلەت تاستاۋ اياقتاعاننان كەيىن، باعالاۋ - ماداقتاپ سيلاۋ قيمىلىن ۇيىمداستىرۋ كوميسسياسى ىزگى ىستەرىنە جانە بەلەت ناتيجەسىنە نەگىزدەلىپ، ماداقتالىپ - سيلاناتىنداردىڭ ەسىمدىگىن تۇراقتاندىرادى.

    اۆتونوميالى رايوندىق 5 - كەزەكتى ءمورال ۇلگىلەرىن باعالاۋعا بەلەت تاستاۋ جەلىسىنىڭ ادرەسى:

http: //topic.ts.cn/2017special/node-140762.htm

جاۋاپتى رەداكتور:سايراش تۇرارجان قىزى