ازىق – تۇلىك حاۋىپسىزدىگى جاعىنداعى وسەك – اياڭنىڭ الدىن الۋ، ونى تەجەۋ جانە جونگە سالۋدى كۇشەيتەدى

    مەملەكەتتىك كەڭەستىڭ ازىق – تۇلىك حاۋىپسىزدىگىن باسقارۋ كەڭسەسى قاتارلى 10 تاراۋ جۋىردا «ازىق – تۇلىك حاۋىپسىزدىگى جاعىنداعى وسەك – اياڭنىڭ الدىن الۋ، ونى تەجەۋ جانە وڭالتۋ قىزمەتىن كۇشەيتۋ تۋرالى ۇقتىرۋدى» بىرلىكتە باسىپ تاراتىپ، وسەك – اياڭعا قاتىستى كاسىپورىن وسەك – اياڭعا تويتارىس بەرۋدەگى ءبىرىنشى جاۋاپتى تۇلعا بولاتىنىن انىق بەلگىلەدى ءارى وسەك – اياڭ شىعارۋشى مەن ونى تاراتۋشىنى قاتاڭ جازالاۋدى تالاپ ەتتى.

    ۇقتىرۋدا مىنالار تالاپ ەتىلگەن: وسەك – اياڭ ايقىن تۇردە ناقتى كاسىپورىنعا قاراتىلسا، ازىق – تۇلىك حاۋىپسىزدىگىن باسقارۋ تاراۋلارى قاتىستى كاسىپورىنداردى مالىمدەمە جاريالاپ، اداقتاۋعا بۇيىرۋى كەرەك؛ وسەك – اياڭ بىرنەشە كاسىپورىنعا باعىتتالسا نەمەسە ناقتى سۋبيەكتيۆ تۇلعاعا باعىتتالماسا، ۇيىمدىق جاقتان تۇجىرىم جاساپ، وسەك – اياڭنىڭ تارالۋىن توقتاتاتىن شارالار قولدانۋ كەرەك ءارى ۇيلەسىمدى فورمادا شىنايى جاعدايدى اداقتاۋ كەرەك.

    ۇقتىرۋدا مىنالار اتاپ كورسەتىلگەن: ءارقانداي ۇيىم مەن جەكەنىڭ بەرىلگەن ۇقىعى بولماي تۇرىپ، مەملەكەتتىك ازىق – تۇلىك حاۋىپسىزدىگىنىڭ جالپى احۋالىنا قاتىستى مالىمەتتەردى، ازىق – تۇلىك حاۋىپسزدىگى جاعىنداعى قاتەر تۋرالى ەسكەرتۋدى جاريالاۋىنا بولمايدى؛ ەلىمىزدىڭ زاڭىندا بەلگىلەنگەن سالاۋاتتىق شارت – جاعدايدى ازىرلەمەگەن تەكسەرۋ قۇرىلىمدارىنىڭ ازىق – تۇلىك تۋرالى تەكسەرۋ مالىمەتىن، سونداي – اق وسىعان نەگىزدەلگەن ءتۇرلى باعالاۋ جانە ساراپتاۋ ينفورماتسيالارىن جاريالاۋىنا، كوشىرۋىنە بولمايدى. زاڭ – تۇزىمگە قايشى تۇردە ازىق – تۇلىك حاۋىپسىزدىگىنە قاتىستى ينفورماتسيالاردى جاريالاعانى بايقالسا، قاتاڭ تەكسەرىپ ءبىرجاقتىلى ەتۋ كەرەك ءارى قوعامعا اشىق جاريالاۋ كەرەك.

جاۋاپتى رەداكتور:سايراش تۇرارجان قىزى